18/05/2026
【Maya 婆婆嘅校園工作日記🐾】
Hello，我係 Maya，今年 11 歲喇👵。
平時我最鍾意就係做大明星，要晒所有人嘅關注；今日終於俾我等到呢個機會啦！今日爸爸話要我去一間小學幫手做助教，我二話不說就答應咗。身為一個資深老seafood狗狗，呢啲大場面梗係難我唔倒嘅😎。
一去到學校，嘩！好多個熱情嘅人類小朋友同老師圍住我，係咁同我影相又要摸摸！OKOK, 呢個簡直係我強項😆講真，我怕你摸得少㖭啊🫰🏻
我看住佢哋一雙雙充滿好奇又有點小心翼翼嘅眼晴，我主動行慢啲，俾佢哋摸摸我。爸爸一邊同佢地講解，教得好好（佢逼我咁講🙄）小朋友都知道要溫柔咁對待我呢個老人家。見到佢哋摸完我之後個種開心、放鬆嘅笑容，我覺得今日雖然有啲累（畢竟真係老啦😩）但都好值得。
做老狗狗未必有咁多力氣陪人癲，但係我可以用我嘅淡定同溫柔，話畀人類小朋友聽：「尊重生命、溫柔相處，就係咁簡單。」
（爸爸，下次如果有咁治癒嘅 Job，記得再帶埋我啊！🫶🏻🐾）
#11歲老狗助教 Wisdom 正向訓練 馬鞍山小學 校園分享 動物輔助 尊重生命 老狗也是寶 溫柔嘅力量
