獸醫 Dr Ma 馬醫生

20/12/2025

😭

再見啦👋！咁多位爸爸、媽媽同英雄哥哥🧑🏻‍🚒！🫡

說了再見👋，約定再見👍，就會再見💪，一定再見！🙏

06/12/2025

Heartbroken 💔 but let’s stay strong!

願你們一路好走，係另一個世界永遠幸福快樂！🙏

雖然仍然非常之唔捨得同心痛，但大家要繼續勇敢生存，唔好令佢哋擔心大家！💪

🎵🎶感激天意碰著你 縱是苦澀都變得美
願意今生約定他生再擁抱……

他朝一天，記得我哋一定一定會相遇，唔好忘記我哋呀。記得到時我哋一齊再去街街玩同食好嘢，一言為定！🫡🙇🏻‍♀️

28/11/2025

Our team’s working hard on that! 💪

有毛嘅地方，就有我哋！

由於現場需要獸醫同獸醫姑娘幫手，我哋同醫生👨🏻‍⚕️都趕緊去現場提供緊急醫療支援！

希望能夠幫到消防今朝進一步爆破單位所救出嘅毛孩！🙇🏻‍♀️

天佑要有更多生還者無論係人同動物，都要一齊出現！🙏

我哋會係樓下等候同守護你哋！唔好放棄呀！💪

27/11/2025

Please share this to those in need. Thanks heaps fellows!

毛孩災難支援，隨時候命！💪

大家好，又係我小編姑娘💁🏻‍♀️毛姑姑呀👋。

毛國界動物醫院🏥為配合救治今日有機會出現受火災影響嘅毛孩，預計輪候時間可能會稍為延遲，敬請見諒及耐心等候！🙇🏻‍♀️

希望能夠為大埔宏福苑受火災影響嘅毛小孩及動物主人盡一點綿力！本院將會為災民提供義診免收診金及照X光檢查等費用，陪佢地一齊渡過最艱難嘅時刻！💪

天佑受影響嘅毛小孩及宏福苑居民！🙏

本院暫時仲有一定數量嘅醫療級別霧化機可供受濃煙影響嘅毛孩使用，詳情可以向我們查詢。

如需協助，請盡快同我們聯絡2142 3399。

19/04/2025

Missing the good old days of treating horses 🐎! Practicing equine medicine and surgery!

它叫什麼名字？你說！Chikama? Kamachi?
介紹一下毛國界最近好似好興一隻叫做「治家馬」定唔知「咖馬似」，但肯定唔係「痴馬根」，聽講佢嘅風頭仲勁過阿白雪公子！😲

Mo White 終於有幸可以同王子……隻馬醫病喇！🤭

🙋🏻‍♀️ 大家好，又係我小編姑娘毛姑姑呀！👋

假如🐴醫生👨🏻‍⚕️唔醫小型動物的話，有冇人知道佢會走去醫咩呢？🤔

之前同醫生閒談有關大家各自最喜愛的動物.……💁🏻‍♀️我就最鍾意貓貓🐱同刺蝟🦔！😘

至於醫生👨🏻‍⚕️方面就要帶大家時光倒流⏲去返當年醫生喺澳洲悉尼大學獸醫學院修讀馬匹🐎內科及外科醫學的年代。🤗

當時醫生仲係一位獸醫學生📚，住喺大學獸醫教學醫院本部嘅宿舍。宿舍位於郊區，幾乎方圓十里草🌿、樹🌲🌳、動物仲多過人。😲

曾經要喺冬天半夜兩點起身當值，揸住一架連擋風玻璃都凍到🥶結哂冰❄️嘅車返去馬匹醫院🏥，為留醫觀察體重達500kg嘅馬匹🐴治療包括進行頸部肌肉組織注射 penicillin 盤尼西林抗生素💉、吊每包容量高達5000ml嘅生理鹽水等等……(純種馬匹體重大約相等於100隻小型犬🐶、125隻小貓🐱、333隻兔仔🐰、555隻天竺鼠、1000隻刺蝟、3845隻熊仔鼠🐹、10000隻小型倉鼠……)

話說醫生鍾意馬🐎嘅程度及興趣簡直無法想像，可以從醫生的姓氏 Ma同英文名 C**t及學術上的表現看到。😮

話時話其實有幾多人真係知道 C**t 嘅意思呢？🤔 我身為小編姑娘都係上星期先知咋。😝

醫生👨🏻‍⚕️當年讀大學時花咗大量時間同功夫鑽研📝馬匹🐎醫學，到最後取得一個由時任國際奧林匹克奧運會馬術比賽首席獸醫及澳洲悉尼大學獸醫學院院長教授 Professor Leo Jeffcott認可嘅成績。

並得到由大學及獸醫學院頒授的獎狀以表揚其馬匹內外全科醫學的精通及優異成績。

如果香港嘅環境容許的話，🐴醫生絕對會想同時間醫治各大小型動物，好似以前喺澳洲🇦🇺咁樣。

💁🏻‍♀️Happy Easter 🐣! 毛國界祝大家復活節快樂！一齊復活啦！💪

仲有溫馨提示😊，醫生下個月有啲日子唔喺香港，要飛去外國進修同修練，詳情請留意嚟緊page 專頁同 Instagram IG 嘅post同最新消息。🙇🏻‍♀️

01/02/2025

義診服務加醫學講座！

為咗支簽我差啲同人嗌交……🥲有冇人識得解呢支簽呀？聽講支簽好似係代大家求㗎喎！係咪真㗎？🤔麻煩大家自己親眼睇清楚，童叟無欺。🤓

大家好，又係我小編姑娘💁🏻‍♀️毛姑姑呀！👋

話說我初三赤腳去咗毛國寺為咁多位毛國界嘅子民同善信求咗支毛能用靈簽。😊

簽文大概係：嚟緊Pet Show 香港寵物節2025，毛國界動物醫院獸醫Dr Ma 馬醫生將會應邀出席兩項本年度重要活動！🤩

久違了嘅義診加醫學講座強勢回歸！💪

活動: 義診 + 醫學講座

日期：07-02-2025，星期五
時間：義診5:30-7:00pm
醫學講座（大會舞台）7:30-8:30pm
地點：香港灣仔會議展覽中心Hall 3

義診方面，詳情可以向香港救兔之家查詢。
醫學講座方面，詳情可以向香港兔友協會查詢。

希望可以係今年蛇年🐍為毛小孩及其家人帶來希望及增添一些正能量！幫助毛孩得到所需的醫療意見。

等大眾進一步了解獸醫為小動物診症醫病時的過程及主人的角色。
透過公開大型講座促進小動物健康同福利。
請大家多多支持！🙇🏻‍♀️

至於有冇解錯，同準唔準，就唔好問我喇。😝
信則有，不信則＂毛＂！信者得救！😉
如需解簽，可以致電📞21423399。

03/02/2024

獸醫義診！
追加醫學講座！

Any.Mo Veterinary Hospital 毛國界動物醫院 🏥 聯同 香港救兔之家 Hong Kong Bunny Rescue 舉辦 ＂龍義診＂！

獸醫義診！🤩仲有醫學講座！邊度？邊度有呀？😲

大家好，又係我小編姑娘呀💁🏻‍♀️！
農曆新年有節目未先？大家又知唔知咩係＂龍義診＂呀？😁

聾耳陳！咩話？😑

你無聽錯！的確係義診，龍年義診呀！😉

毛國界動物醫院🏥- 獸醫義診💫
Any.Mo Veterinary Hospital- Pro Bono Veterinary Consultation

首先希望可以係嚟緊龍年🐉為毛小孩及其家人帶來希望及增添一些正能量！💪✌️

目的 💬
幫助毛孩得到所需的醫療意見。

等大眾進一步了解獸醫為小動物診症醫病時的過程及主人的角色。

聯同香港救兔之家 Hong Kong Bunny Rescue促進小動物健康同福利。

對象及資格 📝
詳情可向香港救兔之家 Hong Kong Bunny Rescue查詢。☝️

地點 🗺
香港救兔之家 Hong Kong Bunny Rescue HKBR 會址
荃灣沙咀道40-50號，榮豐工業大厦，15樓02室
RM 1502, 15/F, WING FUNG IND BLDG, 40-50 SHA TSUI ROAD, TSUEN WAN, HONG KONG

義診服務時間 🕓
大年初三，12/2/2024星期一
10am-12pm

醫學講座時間🕓
當天中午12pm，將會接住舉行由獸醫Dr Ma主講嘅「兔兔輸血醫學講座」。如果抽倒時間，可以親身蒞臨現場參加互動感受一下氣氛及問答環節贏取豐富獎品！

屆時 Any.Mo Veterinary Hospital 毛國界動物醫院 page 專頁同事會嘗試開 Live 直播講座！方便拜緊年嘅你都可以上網收睇！😉

名額有限，先到先得，額滿即止。請盡快向香港救兔之家 HKBR 報名。
Enrollment is on a first-come-first-served-basis.

如有任何爭議， 本院及慈善機構保留最終決定權。
If there is any dispute, we and charity organization reserve the final decision.

假如身邊有相關的家人/朋友而又有飼養寵物的話，可以向她/他們share及傳達有關訊息。🙇🏻‍♀️

仲有 Any.Mo Veterinary Hospital 毛國界動物醫院已經終於開咗 Instagram IG account 喇！記得 follow 埋我哋呀！
請 search: any.mo_veterinary_hospital

龍義診見啦！💪😉

#香港救兔之家 #獸醫義診 #醫學講座 #毛國界動物醫院獸醫義診 #龍義診 #兔兔輸血醫學講座 #兔仔捐血 #兔仔輸血 #兔仔醫生 #兔仔獸醫 #義診服務 #義診醫生 #動物捐血 #兔貧血 #兔仔流血 #兔仔失血

18/12/2018

獸醫義診日活動報名詳情

對象及資格 📝
為65歲以上🧓🏻👴🏻或領取綜援的基層長者的小動物提供獸醫義診服務達到老有所醫。

尤其是長者們視如己出的毛小孩老伴。

報名日期及時間🕒
毛國界動物醫院將於（應診時間內的指定時間）19/12/2018 星期三 3:00pm 開始 至20/12/2018 星期四 4:00pm 結束，只接受親身蒞臨本院預先報名及派籌登記。

名額有限，先到先得，額滿即止。

義診日期及時間🕛
21/12/2018 星期五 12:00pm-5:00pm 為毛小孩進行義診。

條款及細則
重申以免造成混亂，敬請留意此義診活動並不接受🙅🏻🙅🏻‍♂️電話方式預約、walk-in 步入式/未提前安排的動物主人，有別於一般病症掛號及登記的處理。所以各位定必要預先在上述報名日期及時間親身出現透過派籌登記。

合資格長者人士憑身份證明文件或領取綜援證明上全名登記，成功登記後每人只限帶一隻小動物在當天享用此服務不多於一次。

此活動的合資格登記長者人士不能私下轉讓所經本院確認的主人及小動物。換句話說，必定要由本身合資格登記的人士帶同毛小孩診症，不能由家人或朋友代為辦理所以並不接受代理主人或授權書等安排。

假如未能在已登記及預約的義診時間出現或遲到超過30分鐘，一律當自動放棄處理並不會再作後補診症，以免影響其他準時的合資格人士及毛小孩。

此優惠並不適用於預防針疫苗、配藥等與當天病症無關的處方藥物、補充品或食物等。

如有任何爭議， 本院保留最終決定權。

麻煩各位再次向身邊相關長者家人/朋友🧓🏻👴🏻share及傳達有關訊息。

15/12/2018

毛國界動物醫院🏥- 獸醫義診日💫
Any.Mo Veterinary Hospital- Pro Bono Veterinary Consultation Day

首先希望可以係嚟緊一個普天同慶及普世歡騰的日子為一班可能被遺忘或忽略的長者🧓🏻👴🏻及她/他們的毛小孩🐱🐶🐰🐹🦔帶來希望及增添一些正能量！因為大家都知道假如有病在身的話又怎會有心情去慶祝呢？

背景 📋
常常被外界問到毛國界動物醫院同無國界醫生有什麼分別？🤷🏻‍♀️🤷🏻‍♂️

毛國界的毛，固然是有毛的毛孩嘅意思。亦即是毛小孩的地方及國家。每一位患病的小朋友都是毛國子民。

而英文中Any.Mo 取其諧音Animal，又可以解讀為任何毛或任何毛小孩！

你們會去戰地醫病嗎？
基本上每天穿上制服、配戴聽筒、戴上口罩、手執手術刀後都是為毛孩而戰，而我們的共同敵人就是毛孩的病魔！

你們是慈善機構嗎？
我們是私營企業，沒有得到任何人包括政府或私人的捐助。

使命 💭
身為獸醫及醫護的我們，好希望可以在外國學成歸來後為香港一個自己出生的地方盡一點工作以外的社會責任。為一些不能用人類言語説出自己不適的毛小孩行醫濟世，以醫學去影響生命。回饋社會，為社會做一點事。

目的 💬
幫助患病的毛孩得到所需的醫療意見及醫治。

等大眾進一步了解獸醫為小動物診症醫病時的過程及主人的角色。

促進小動物健康同福利。

提供一站式免費醫療諮詢。

對象及資格 📝
為65歲以上🧓🏻👴🏻或領取綜援的基層長者的小動物提供獸醫義診服務達到老有所醫。

尤其是長者們視如己出的毛小孩老伴。

費用
🐾免收診金
🐾化驗測試及藥費💊50%OFF

服務時間 🕓
21/12/2018 星期五
12pm- 5pm

地點 🗺
毛國界動物醫院 🏥 Any.Mo Veterinary Hospital
九龍大角咀鐵樹街地下21號舖

注意事項⚠️
以免造成混亂，敬請留意此活動並不接受🙅🏻🙅🏻‍♂️電話方式預約。 我們會進一步公布最新安排及如何登記，詳情請留意 Any.Mo Veterinary Hospital page 毛國界動物醫院 專頁 或 獸醫 Dr Ma 馬醫生 page 專頁 。

名額有限，先到先得，額滿即止。Enrollment is on a first-come-first-served-basis.

如有任何爭議， 本院保留最終決定權。
If there is any dispute, we reserve the final decision.

假如身邊有相關的長者家人/朋友🧓🏻👴🏻而又有飼養寵物的話，可以向她/他們share及傳達有關訊息。