香港群貓會

15/09/2025

義工: 映雪囡囡, 做咩企埋一邊靜靜局呀, 唔同鄰居傾下偈?
映雪: 我見到鄰居Dot Dot同Chiikawa 都兒女成群, 我掛住我啲仔女呀....
義工: 你啲仔女而家一定過得好開心, 唔洗擔心佢哋啦。

映雪: 我.... 係咪生得唔靚呢? 點解咁耐都未有機會返屋企呢?
義工: 唔係唔係, 你生得好靚呀, 又斯文又有儀態。不過, 可能因為你有啲慢熱, 所以緣份未到囉。

映雪: 咁幾時緣份先至到呀?
義工: 我都唔知呀。你安心在這裡居住吧, 這裡的義工和助養爸媽都愛你, 你唔洗擔心㗎。

14/09/2025

今日係貓舍第一次公開領養日，義工一早返去同貓貓大掃除，執靚靚，等佢哋有最好狀態，去遇上未來爸爸媽媽哥哥姐姐！

其實還有少量時段未滿額，可供walk in 探訪，尤其1530-1730時段，但可能要在門外等候。如不介意，也歡迎你來，給自己與貓貓一個愛上彼此的緣份。

香港群貓會領養日詳情：
日期：2025年9月14日（星期日）
時間：12noon-6pm (每節半小時）
地址：土瓜灣長寧街11號地下

13/09/2025

米米：好期待聽日同大家見面呀！

———

米米曾被壞人捉走切去後腳，卻沒有因為這段經歷而抗拒與人接觸，現在的米米非常親人，就算只是跟他對上眼，他已經會呼嚕呼嚕煲水。

明天的領養日，希望第一次參加的BB們，以及如米米一樣已待家一段日子的群貓貓也能遇見爸爸媽媽帶他們回家吧！

13/09/2025

已經填表預約明天探貓的朋友，如未收到電郵回覆，請inbox我們，會儘快處理。

明天還有少數探訪時間，如想來探貓，請從速填表預約：

https://docs.google.com/forms/d/1U8M5Vm_YEhe1xfWSVnzaybjCLZVmdRtlAbteVq5UmQQ/edit

12/09/2025

我哋係Chiikawa媽媽嘅6個BB呀！我哋4個月大，可以搵屋企啦～ 星期日係我哋第一次參加領養日，我哋幾個好期待，仲商量好一定會跳跳紥紥歡迎大家添！

快啲報名嚟搵我哋6個化骨龍同群貓貓啦！

香港群貓會領養日詳情：
日期：2025年9月14日
時間：12noon-6pm(每節半小時）
地址：香港土瓜灣長寧街11號地下

（報名表格請見留言）

11/09/2025

香港群貓會成立18年，慢慢地成長為我們夢想中的模樣，而能向理想邁進，因為路上我們總是遇到努力令世界變好的人和事，例如 LG Global
今年二月，因為準備搬貓舍，所以公開募捐不同物資及電器，當時我們聯絡LG，希望用優惠價買到洗衣機，有了洗衣機，貓貓們就有潔淨舒服的毛巾被被。然而他們並沒有給我優惠價，而是捐贈洗衣機，以及一部乾衣機，再加一部洗衣乾衣機，從此，義工們不用再用手洗重疊疊的毛巾衣物，貓貓們就有用不完的乾淨軟腍腍被鋪。

我們沒想到，這不過只是一個開始。今年LG新推出的AeroCatTower 貓皇椅與針對寵物家庭的空氣清新機，香港群貓會就成了受惠機構。AeroCatTower本體是空氣清新機，頂部是貓窩兼且是個磅，冬天時貓床還會發熱。貓皇椅一到來，就成為貓貓們爭奪的位置，我們笑稱是game of thrones。記憶之中，貓窩到來後，上面一直有貓，從沒試過冇客，是每個貓夢寐以求的歸宿。

今年夏天，香港天氣極端惡劣，黑雨連連。LG又再主動聯絡我們，看看貓舍有何需要，得知我們有滲水情況出現，二話不說，就送來抽濕機與吸塵機。抽濕機放在經常滲水的位置，發現之前的霉味水漬明顯改善，環境衛生level up。吸塵機更是義工們的好幫手，因為貓貓玩出來的貓砂也迅速KO，幾曳都不怕。

感謝LG用愛心與最好的產品，將貓舍變成showroom，向大家展現貓貓應有的美好生活，為待領養毛孩帶來舒適潔淨的空間，讓待領養動物一樣 Life's Good !

更多LG「毛限愛FUR-EVER LOVE」計劃詳情: https://bit.ly/4g9BGYo
洗衣機 # LG 洗衣乾衣機 #貓皇椅 #韓式喵適圈 #毛限愛

11/09/2025

姐姐：你哋今日好曳，點解要咁做呀？
姜slash: 因為今個星期日要好乖好乖，所以今日要預早曳曬佢！

姐姐：點解今個星期日要好乖呀？
楊comma: 因為係「愛回家」群貓會領養日，我哋可能會遇到爸爸媽媽，所以要好乖好乖！

姐姐：好啦，咁我都希望你哋而家曳曬佢，喺領養日要表現得可愛得意，返到屋企要乖吖！

今個星期日，就係我哋貓舍第一次領養日，歡迎大家來參加，尋找心儀貓貓！有啲時段已經full咗，快啲填表預約啦（表格在留言區）

香港群貓會領養日詳情：
日期：2025年9月14日（星期日）
時間：12noon-6pm (每節半小時）
地址：土瓜灣長寧街11號地下

10/09/2025

群貓貓準備好見大家啦！大家準備好未呀？

9月14日（星期日），香港群貓會領養日，
群貓貓約定您！

（領養日詳情及報名表格連結請見留言）

🐾🐾🐾🐾🐾

兩三個月前貓舍多了十幾個初生/約一兩個月大BB，有些是在貓舍出生，有些剛滿月、跟隨媽媽前來，也有些是與媽媽失散的。他們每個都很脆弱，需要小心照料，現在他們健康長大，可以開始尋家，貓媽媽功不可沒。

Chiikawa 是一胎六B的媽媽，帶著滿月的BB前來，當時的她口腔已嚴重潰爛，但她仍每天堅持忍痛吃飽，為的只是希望夠奶水餵飽年幼的孩子。

另一位媽媽Dot Dot，是一胎4B的媽媽，而其實Dot Dot 本身懷孕時也只是個7-8個月的小孩，雖然第一次當媽媽，但Dot Dot很用心照顧孩子，是很有愛的媽媽。

現在孩子長大了，BB成為眾人焦點的同時，希望貓媽媽也能被大家記得，給她們一個回家的機會。

09/09/2025

領養日就到啦🎉

9月14日（星期日）將會係群貓貓喺新貓舍同大家見面嘅日子～ 群貓貓早已準備好回家，只等待一個被看見的機會！如您正計劃領養，請報名前來認識一下又乖又嗲又可愛嘅群貓貓啦！

（領養日詳情及報名表格連結請見留言）

🐾🐾🐾🐾🐾

Dot Dot媽媽: 仔呀仔, 你乖啲得唔得? 唔好成日彈嚟彈去啦!
義工路過插咀: 哎呀, 細路哥個個都係咁㗎啦!
Dot Dot媽媽: 你咁曳, 我唔帶你去領養日㗎!
Dash: 唔好呀! 我會聽話㗎啦!
_______
Dot Dot 媽媽同四個BB 尋家啦！4小B喺貓舍出世，喺媽媽Dot Dot 同義工悉心照顧下都健康長大，而家已經4個月，已經識得四圍曳曳嘞！

**********
🐾 9月14（日）群貓貓約定您！

08/09/2025

樹熊BB：嘩呢粒綠色嘅東東咩嚟㗎？我識貓貓拳，我唔怕你㗎！

———
一位婆婆在垃圾房前發現五個出生不久的貓BB，樹熊是其中一個，當時樹熊其中一個兄弟姐妹撐不住已走了。雖然婆婆救起了小貓，但BB太虛弱，婆婆也缺乏照顧BB經驗，到後來暫託義工接手時，只有樹熊撐得下去，成為同胎孩子中唯一存活的BB。

經暫託義工悉心照料下，樹熊BB健康長大，現在已滿三個月，可以尋家啦！今個星期日樹熊也會來到新貓舍跟大家見面，希望他能遇見有緣人，給他一個永遠的家。

（領養日詳情及報名表格連結請見留言）

07/09/2025

感謝文地貓，將兩個無家的群貓貓，變成有家的小公主！我們還有十多隻幾個月大的貓bb，希望可以在變大貓前找到爸媽，會是你嗎？914星期日，我哋有領養日，來看看有沒有緣份吧！

報名連結在留言中，請click入報名！到時見！

笨薯：我幫你揀咗任性嘅俞真！
多多：我就揀咗諧星俞楠！
米高：兩條女個性大不同，你哋慢慢歎🤭
俞真、俞楠都係在 香港群貓會 領養㗎💕
914有領養日，你們準備好成為貓奴未？可能會好似我咁一見鍾情💘除咗成貓，仲有十幾個超可愛又活潑嘅小BB等緊你哋嘅愛啊❣️
領養是幸福的❣️

（詳情在留言）

06/09/2025

等我陳小八話你知點解你哋要嚟參加9月14號嘅領養日啦! 因為.....

你一定想嚟見下我哋十幾個精靈活潑嘅細路㗎! 我哋能量滿滿, 玩極唔厭(義工翻譯：即係百厭), 仲識表演賣萌㗎! 係咪好吸引呢? 咁仲唔快啲報名!

———
陳小八尋家啦！佢同其餘五個兄弟姐妹在約一個月大時跟隨媽媽被好心人帶到喺貓舍，喺媽媽Chiikawa 同義工悉心照顧下都健康長大，而家已經4個月大嘞！

嚟緊9月14日係群貓會領養日，鍾意貓咪嘅朋友快啲報名過嚟認識佢哋一家啦！

（領養日詳情及報名表格連結請見留言區）