31/05/2025
【香港寵物酒店之死：落後條例下的行業末日】
🐾 致我親愛的毛孩家長們：我必須懷住最沉重嘅心情同大家講呢番話。我間貓酒店要同大家講再見了——唔係我唔想做落去，而係被逼到絕路。
香港寵物酒店行業正面臨滅頂之災——唔係因為冇需求，而係因為地政總署、城市規劃同工廠大廈公契嘅石器時代條例，加上漁護署朝令夕改嘅續牌規則，活生生將一間又一間合規經營嘅寵物酒店趕盡殺絕。我哋努力過、掙扎過，但喺官僚同僵化制度面前，終究敵唔過一紙「不合規劃」嘅判決書。
⚠️⚠你以為結業只係業界嘅事？錯！所有寵物家長都會受害⚠️：
1️⃣ 供應斷崖式下跌：選址喺工廈嘅動物寄養所將逐一消失，全港只剩零星「合規」場所，預約難度激增，可能提早半年都未必搶到位；
2️⃣ 價格暴漲：市場被壟斷後，倖存業者坐地起價，寄養費隨時翻倍；
3️⃣ 黑市湧現：需求爆煲下，無牌寄養、家庭式經營泛濫，毛孩安全同權益更難保障。
📢 我哋嘅最後請求💔：
如果你都曾因寵物酒店而安心出行，或唔想見到香港變成「寵物寄養沙漠」，請將呢個訊息share出去！香港養寵物嘅人越來越多，但配套卻越黎越少。我哋需要更多人關注呢個問題，逼政府正視問題、修改過時條例，先可以挽救行業。
#香港寵物酒店之死 #唔係生意失敗係制度謀殺 #政策殺業 #修改過時條例 #寵物權益
