鸚鵡有限公司Parrot Limited

30/05/2026

雞老闆謎の銷售🤍

28/05/2026

灰鸚鵡紥染 Cap 帽 🧢 低調登場！

其實上新咗一段時間啦 🙈 一直未喺 social media 同大家分享～

我自己真係超級鍾意呢款紥染細節！每一頂嘅紋理都有少少唔同，獨一無二。今次特登揀咗呢兩隻色，因為真係勁・容・易・襯・衫！無論係日常 causal look 還是帶埋主子出街放風，都真係實用🤣開始好曬啦🥵

A Genius With Feathers🤍

10/05/2026

💐 母親節快樂！👩🏻‍🍼🦜

做媽咪真係一啲都唔簡單，每日都要喺「爆血管」邊緣徘徊，真係好勞氣！😤

但係每當見到無論係自己個 Human Baby 👶🏻 定係 Parrot Baby 🐦，佢哋用嗰種最單純、最直接嘅方式嚟愛錫自己、黐住自己嘅時候，嗰種窩心真係令我覺得：「一切都值得，真心好幸福！」❤️

祝天下間所有嘅媽咪，無論你係照顧緊小朋友定係小雞雞，今日都要開開心心，享受被愛嘅每一刻！✨

08/05/2026

【休息通知】
今日8/5因上吐下瀉，會喺 4:00 提早收旗😉
大家唔好摸門釘呀！🙏
聽日 1:00 - 8:00 照舊等大家，聽日見！💪

29/04/2026

29/04/2026

【聯合聲明】

關於香港某知名大嘴鳥主人假借商場活動名義收取費用之澄清與呼籲

我們 雞雞家族、鸚鵡有限公司、花膠媽咪雜貨店 及 Campanula.handmade（下稱「我們」），現就近期一宗涉及新界區商場鸚鵡活動的誠信事件，正式發出此聯合聲明，以正視聽並防止更多人蒙受損失。

一、 活動背景與事實經過
近日，一名在香港鸚鵡異寵圈內具知名度的大嘴鳥主人（下稱「K 先生」），主動聯絡我們，聲稱正與新界區某商場洽談舉行鸚鵡主題活動。K 先生以此為由，向有意參與的單位收取活動款項（包括按金及租金），並聲稱以上款項是經商場商討後決定收取的活動費用。

然而，經我們直接向該商場市場推廣部查詢後，證實以下事實：
1. 申請未獲批核： 當時商場仍未正式批核 K 先生所提議之任何活動申請。
2. 從未授權收費： 商場從未授權 K 先生向我們收取任何活動費用，商場亦無相關收費要求。
3. 虛假陳述： 該項活動之進度及收費名目，純屬 K 先生之虛假陳述，存在蓄意誤導。

因此，商場已立即終止該項活動的申請，並嚴正要求 K 先生於兩天內向我們退還所有款項。惟 K 先生並未按時退款，我們分別在 3天後、7天後、8天後及長達15天後 才陸續收到退款。而 K 先生承諾之正式交代聲明，至今仍未兌現。

二、 嚴正立場與譴責
作為商業活動，活動因各種因素偶爾有所變動或取消，在業內並非罕見，我們對此一向保持理解與包容。然而，我們絕對不能接受 K 先生從一開始便處心積慮，利用商場名義作掩飾，透過虛假陳述及欺騙手法誘導我們支付款項。

我們必須強調：雖然款項最終已獲全數退回，但退款並不代表其欺詐行為可以被抹殺或原諒。 這種利用同好信任、蓄意設局的行為，已嚴重逾越誠信底線，甚至觸及法律紅線。若對此類「先欺詐、後被揭發才退款」的行為保持沉默，無異於縱容更多騙案發生。

三、 關於活動收費之釐清

或許外界會有疑問：「既然參與活動擺檔，支付場租或費用難道不合理嗎？」

在此，我們希望重申：我們參與過坊間無數大小市集，無論是收費或免費活動，我們一向絕對尊重所有活動發起人的付出與心血。作為參與單位，我們認同合理的場租與行政費是支持活動運作的必要成本。

然而，本次事件的爭議點並非「應否收費」，而是 「誠信」。

當我們直接向商場查詢活動進度時，獲得的回覆與 K 先生的說法存在巨大落差：
• 真實情況：活動當時根本未獲正式批核。
• 收費真相：商場明確表示從未要求、亦未授權任何人向參與單位收取相關名目的費用。

我們願意支持有心的活動組織者，但無法接受有人假借場地名義收款，並隱瞞活動尚未獲批的事實。這種做法已完全背離了商業合作應有的透明度與誠信準則。

四、 關於誠信環境之側面呼籲

雖然本次聲明主要針對上述商場活動之誠信問題，但在處理過程中，我們亦留意到坊間及社交平台上有不少關於在進行鸚鵡或用品交易時的紛爭討論。

我們深知鸚鵡愛好者大多具備深厚的愛心與包容力，但這份信任應建立在公平透明的交易基礎上。為了維護健康的雀友交流環境，我們在此順帶呼籲大眾在參與任何形式的個人買賣時，宜多加防範以下情況：
* 預付性交易的風險：面對以折扣或預購為名、要求先行支付全額或大筆訂金的情況，建議雀友審慎評估。
* 交貨期延誤之處理：若遇到交易對象以不同理由反覆拖延交貨（無論是用品或活體），應及時設定最後期限以保障個人權益。

我們發出此聯合聲明，初衷並非單純針對個人，而是希望透過公開透明的事實陳述，提醒同好在參與各類活動或交易時，務必提高警覺，共同守護這個充滿愛心的鸚鵡圈子。

雞雞家族
鸚鵡有限公司
花膠媽咪雜貨店
Campanula.handmade

2026年4月29日

29/04/2026

自從上次喺元朗廣場第一次搞「鸚鵡森友會 1.0」，我到依家都仲好深刻感受到大家嗰份熱情！🔥

認真諗返起，其實呢件事真係好瘋狂🤣！見到咁多有熱誠嘅雀友，專程帶埋屋企隻寶貝過嚟同大家交流。見到大家傾雀經嗰陣「眼裏有光」嘅樣，我真係好鍾意好鍾意你哋每一位！🥹 亦都好開心見到好多由 1.0 撐到 2.0 嘅老朋友，同埋新面孔！

特別要多謝各位過嚟探雞老闆同埋老婆圓圓嘅朋友！ 我同大家交流得非常開心，不論係喺市集定係門市，我其實都好享受嗰種氛圍。我經常覺得，能夠大方展示自己嘅興趣、大聲講出自己熱愛嘅嘢，係一件好幸福嘅事。所以我好鍾意「逼」人哋聽我兩隻嘢有幾可愛🤣，多謝你哋照單全收，同我一齊分享呢份快樂。

最後，要衷心多謝我嘅戰友們：雞雞家族 、花膠媽咪雜貨店 同埋 小暗手作@illu.littlebitdark
有你哋喺隔籬，永遠都係咁溫暖、咁令人心安，多謝你哋一直喺度。❤️

由衷感謝元朗廣場嘅信任 ，畀機會我哋再嚟多次「鸚鵡森友會 2.0」。多謝大家成就咗呢場咁夢幻嘅聚會，期待下次再見！🦜✨

22/04/2026

🦜【入貨報喜！】台灣優質鸚鵡糧抵港 🚢

雞老闆要由衷多謝大家一直以嚟嘅支持，睇住大家食得開心，講真有啲感動🥹❤️

📦 最新物流動態
門市補咗少量新貨喇！台灣貨船亦都陸續抵達香港。有啲斷咗貨好耐嘅型號回歸，但都要同大家講聲心底話：

而家國際局勢真係好緊張，無論係空運定船運，甚至連貨車入油都貴咗好多。進出口成本真係直線上升，壓力大🥲

幸好台灣廠方非常體諒，大力支持香港嘅雀友，先至令批貨可以順利送到大家手上！🙏

📢 一個好消息，一個壞消息...

雖然成本大增，但考慮到大家嘅荷負，我哋決定：

✅ 好消息： 呢一刻我哋會頂住先，暫時維持原價，絕對唔加價住！ 大家可以趁而家安心補貨。

❌ 壞消息： 由於成本壓力實在太大，預計去到 7月至8月期間，我哋不得不調整價格 🥹。

大家如果差唔多食完，記得趁呢段「緩衝期」嚟門市或者搵我哋掃貨喇！🏃‍♂️💨

再次多謝大家體諒同支持❤️

14/04/2026