07/02/2026
恭喜Daddy榮升為馬主🐴！
我藥智💊竟然領養咗隻差少少就被人道毁滅嘅馬匹🐴做自己嘅寵物！好似養咗喺毛國界樓上嗰層，暫時仲休養緊。原來本身騎師係來自日本嘅「毛川奈富」！
話說上星期三，Dr Mo 毛能用醫生（毛醫醫）👨🏻⚕️放工約咗佢親生大佬(都係獸醫嚟嘅)喺 Happy Valley 即係跑馬地開心谷dinner ，一心諗住等埋佢收工一齊去 Happy Hour 。
本身毛醫醫個仔藥智💊(獸醫學生)咁啱放緊假仲喺香港未返澳洲開學，於是乎就帶埋佢一齊出去威威過海見識吓啦。
一去到港島區，當藥智見到啲一架架嘅叮叮電車，好奇問佢daddy...
藥智💊：呢啲咁似新界區嗰啲又係行路軌嘅輕鐵嘅？咁係咪可以直接由港島區搭返屯門區又或者由屯門直出港島囉？😄
Dr Mo 毛醫醫👨🏻⚕️：阿智，你好似搞錯咗少少嘢喎…😬
藥智💊：估唔到我去咗澳洲讀獸醫呢幾年，香港發展得咁快咁勁咁蓬勃！💪 不愧為東方之珠！我真係好想快啲畢業返嚟呢度做嘢啊！希望到時唔會太難搵工啦。🥹
正當Dr Mo 毛醫醫👨🏻⚕️打算糾正佢嘅時候，突然間電話📲響起…
親生大佬👨🏻🦰(都係獸醫)：Hey bro! I’m still stuck with an emergency 🚨. Have you arrived yet?
Dr Mo 毛醫醫👨🏻⚕️：We’re outside your practice. Do you need a hand?
親生大佬👨🏻🦰：Yeah, you can get in and we will do the surgery together.💪
Dr Mo 毛醫醫👨🏻⚕️：Sure, dude!
由於毛醫醫要去幫佢大佬手，咁藥智💊就唯有去附近嘅馬場 Happy Valley 開心谷裏面逛下同順便感受下跑夜馬🐎嘅氣氛。
原來當晚有國際性女巫盃錦標比賽，有來自世界各地海外名駒參賽。
當去到第四場 1,200米一級賽，由殿堂級騎師「毛川奈富」策騎4號澳洲四冠馬王「好狠勁」跑至末段直路時，好狠勁突然急速墮後，失速倒地，發現右前腿受傷不良於行……🫣
最後發現好狠勁的右前腳球節骨骨折，經馬馬協會獸醫診斷後認為「預後不良」，因此即場圍黑布準備安排人道毀滅……😱
喺電光火石同迅雷不及掩耳之際，藥智💊喺接近終點位置衝入草地賽道，同墮馬位置嘅在場工作人員交涉。
藥智💊(獸醫學生)：係咪真係冇辦法？
工作人員：你係邊個？呢度唔可以擅自進入！只准工作人員及當值獸醫進入！
藥智💊：藥智
工作人員🙅🏻♂️：弱智？睇得出，如果唔係都唔會衝出嚟賽道啦！
馬馬協會獸醫🧑🏻⚕️(Krist)：藥智，點解你會喺度㗎？你 Daddy 呢？
工作人員🙅🏻♂️：Krist醫生，乜你識佢㗎？
馬馬協會獸醫🧑🏻⚕️：藥智個 Daddy 叫毛醫醫 Dr Mo 係我師兄嚟㗎，大家都係悉尼大學畢業嘅獸醫。呢個係佢個仔，叫藥智。自己人嚟㗎！💪
藥智💊：Dr Krist Uncle! 乜今晚原來係你當值呀！我Daddy 依家客串係斜對面間24小時同佢親生大佬一齊做緊個緊急手術囉。
馬馬協會獸醫🧑🏻⚕️：咁你做乜唔一齊去實習吓呀？
藥智💊：我唔想阻住佢兩兄弟聚舊。同埋今個semester 學緊馬匹內科及外科醫學嘛。所以咪嚟馬場睇吓嘢同埋出席今晚個女巫杯錦標比賽囉。點知遇到呢個咁不幸嘅事情……🥲
馬馬協會獸醫🧑🏻⚕️：呢個 patient 個prognosis poor 「預後不良」，而同事都已經諮詢咗喺澳洲嘅馬主同相關練馬師，佢地都同意人道毀滅同安樂處理。大家都唔想佢受苦……
藥智💊：但係骨折都不至於要死，最多日後唔再出賽，而做一匹殘障或傷健嘅退役馬！
馬馬協會獸醫🧑🏻⚕️：除非有相關專業資格及具備手術能力嘅獸醫認頭為patient 即時進行麻醉手術治療並需要得到馬主同意棄養，先至有機會避免安樂死。但你要知道馬匹骨折嘅關節好細微，唔係一般獸醫可以處理到。據我所知，暫時只有馬馬協會內部的獸醫先有能力處理。
藥智💊：Uncle Krist，你做咪得囉！
跑馬會獸醫🧑🏻⚕️：你有所不知喇，我主力係內科，外科手術並唔係我專長。簡單啲來講，就連desex 絕育我都唔會做。
藥智💊：咁點算好呀？我真係唔想眼白白睇住一隻有機會透過手術醫治嘅patient 被安樂死！身為一個獸醫學生，我覺得自己好無用、無能同好廢！我唔想畀人話我係廢青呀……乜都做唔到……😭
馬馬協會獸醫🧑🏻⚕️：藥智，我知你好同情個patient。但係有時社會就係咁殘酷㗎喇。😔
藥智💊：嗚嗚嗚🥹……我真係好很無用…我真係藥智都不如！連一隻馬我都幫唔到、救唔到！😢😭日後我點樣可以成為一個獸醫呢？😫
突然電話📲響起…原來係藥智 Daddy Dr Mo毛醫醫打嚟，於是藥智開咗speaker 擴音接聽…
Dr Mo毛醫醫👨🏻⚕️：Hey 藥智，搞掂走得喇！你做乜喊呀？輸咗馬咩？
藥智💊：Daddy, 仲慘過輸馬……😭 隻馬要安樂死呀！
馬馬協會獸醫🧑🏻⚕️(Krist) : 喂，師兄！我係Krist 呀。藥智話好想拯救啱啱發生墮馬骨折嘅馬王「好狠勁」呀！
Dr Mo毛醫醫👨🏻⚕️：Hi 師弟 Krist，你哋協會嗰邊個 Equine Hospital 🏥 馬匹醫院有冇醫生同手術室幫到個 patient?
馬馬協會獸醫🧑🏻⚕️：啱啱打咗去問，全部醫生同手術室都 full 哂！爆到冇得再爆，插針都插唔入！
藥智💊：Daddy, 隻馬真係好可憐呀！🥺我哋可唔可以領養咗佢同負責佢嘅醫療費用呀？最多我應承你，畀心機讀書入 Dean List 同攞埋今個學期equine medicine and surgery 馬匹內科及外科醫學嘅 scholarship 啦，等我學成歸來自己照顧返佢同還返佢嘅醫療費畀你呀。Please！😔🙏
Dr Mo毛醫醫👨🏻⚕️：Krist, 我轉頭call 架9噸MoMo Van，將你哋同個 patient 送去毛國界動物醫院🏥，我哋樓上一樓有兩個手術室。另外醫生同其他同事 standby。今晚幫個patient 做埋個緊急手術！你點睇？
馬馬協會獸醫🧑🏻⚕️(Krist) : 既然師兄肯拔刀相助，我樂意奉陪！💪我負責幫你睇麻醉。
如是者，當晚「好狠勁」喺毛國界手術室由Dr Krist, Dr Mo, 藥智💊同一班姑娘同事通力合作下順利完成手術！💪
馬馬協會獸醫🧑🏻⚕️(Krist) :師兄，果然寶刀未老喎！連馬嘅手術都難你唔到！👍
Dr Mo毛醫醫👨🏻⚕️：師弟，你唔記得當年我喺大學主修馬匹內外全科咩？教授本身都好想留我喺大學幫手。同埋唔好忘記我最鍾意就係做手術，最好就係日日都做，活到老做到老！✌️
藥智💊：不愧為Daddy ，平時幫開啲細到好似倉鼠🐹得50gram 嘅patient 做手術，原來係有用㗎。
藥智💊：太好啦！我嚟緊將會多隻寵物！希望佢可以乖乖哋喺毛國界休養啦。😌
馬馬協會獸醫🧑🏻⚕️：藥智，日後「好狠勁」就交俾你啦。有冇諗過幫佢改個新名呀？
藥智💊：等我打個電話畀我個老 Best問吓先。
朋友仔👧🏻(Best friend)：喂，藥智！乜你返咗嚟香港咩？做乜唔約我出去食飯呀？
藥智💊：係呀！啱啱喺Happy Valley 開心谷馬馬協會馬場領養咗隻差啲要安樂死嘅骨折馬呀！依家諗緊改咩名好呀？😗
朋友仔👧🏻：不如叫佢馬驫啦！😎
藥智💊：咩名哇？點寫㗎？
朋友仔👧🏻：三個馬字組成㗎！總之係靚名啦！✌️
藥智💊：有咩意思㗎？🤔
朋友仔👧🏻：意思係指好多馬匹同時間奔跑、眾馬奔馳嘅意思呀！乜你啲中文仲係咁差㗎，當年 form 7 中國語文及文化科陳老師咪教過囉！唔好同人講我哋同一間中學做過同學一齊畢業呀。😐
欲知後事如何，待續…… To be continued…..
藥智嘅新寵就係馬驫！日後請大家多多指教！🙇🏻♀️ 希望佢可以快啲康復啦！🥹
(係藥智💊嘅世界裏邊永遠係充滿幻想同埋童真)
#馬驫 #藥智寵物 #藥智獸醫學生 #馬王好狠勁 #毛川奈富 #馬馬協會
