05/06/2025
მოგესალმებით,
მინდა გაცნობოთ ერთი მნიშვნელოვანი სიახლე — დაფუძნდა „საქართველოს მდევრების კლუბი“, რომელიც იმოქმედებს საქართველოს კინოლოგიური ფედერაციის (FCG) დაქვემდებარებაში.
ვეცდები, ყველაფერი მოკლედ და გასაგებად გადმოგცეთ. ნებისმიერი დამატებითი ინფორმაციისთვის შეგიძლიათ დაუკავშირდეთ პირადად მე ან ქვემოთ ჩამოთვლილ წარმომადგენლებს.
კლუბის საქმიანობა მოიცავს რამდენიმე ძირითად მიმართულებას:
FCI/FCG საგვარეულო ნუსხის მქონე მდევრების პოპულარიზაცია;
საველე შეჯიბრებების ორგანიზება;
საგამოფენო და საგანმანათლებლო აქტივობები;
ყველა ის ინიციატივა, რაც ხელს შეუწყობს ქართული მემდევრეობის განვითარებასა და პოპულარიზაციას.
კლუბში გაწევრიანება შეუძლიათ ყველა იმ პიროვნებას, ვისაც ჰყავს ან გეგმავს FCI/FCG საგვარეულო ნუსხის მქონე მდევრის ყოლას.
წევრობასთან ერთად დაკავშირებულია სიმბოლური საწევრო — თვეში 10 ლარი, რომელიც ირიცხება კლუბის ოფიციალურ ანგარიშზე. ანგარიშზე წვდომა ექნება ყველა სრულუფლებიან წევრს და სრული გამჭვირვალობით ეცოდინებათ თანხის მოძრაობა. თანხები გამოყენებული იქნება მხოლოდ საერთო კლუბური ღონისძიებებისთვის და არავითარ შემთხვევაში — ვინმეს პირადი მიზნებისთვის.
🔹 პირველი საველე შეჯიბრება დაგეგმილია 2026 წლის გაზაფხულზე (მარტი-აპრილი). ღონისძიებას დაესწრება FCI-ს სერთიფიცირებული მსაჯი უცხოეთიდან, რომელიც გაუწევს ჩვენს შეჯიბრს პროფესიულ მსაჯობას.
📌 კლუბის პრეზიდენტი: გიორგი ხარძიანი
📌 ვიცე-პრეზიდენტი: გიგა მეგუთნიშვილი
📌 დამფუძნებლები:
– გიორგი ყარმაზანაშვილი
– ლუკა დორეული
– ვლადიმერ ხაჩიძე
ნებისმიერი კითხვის შემთხვევაში შეგიძლიათ დაუკავშირდეთ მე ან ზემოთ ხსენებულ პიროვნებებს.
პატივისცემით,
„საქართველოს მდევრების კლუბი“
