11/06/2025
დაიწყო დამპლური “თამაშები”😣
დღეს გვინდა ვისაუბროთ ამ პერიოდისთვის ყველაზე პრობლემურ საკითხზე, ბალახზე რომელიც ძალიან ბევრ ცხოველს უქმნის დისკომფორტს, ტკივილს და სხვადასხვა ჯანმრთელობის რისკებს უყენებს. ბალახი რომელსაც მთელი საქართველოს მარშტაბით არ მოეძებნება კონკურენტი, Fox tail ეძახიან 🤕
ამ პერიოდში ის უკვე მომწიფებული და გამომშრალია, რის გამოც ძალიან ხშირად ბუნებაში სეირნობისას ხვდება როგორც ცხოველის სხეულის ზედაპირზე,აგრეთვე კანქვეშ, განსაკუთრებით თათებში, თითებსშორის, ცხვირის ღრუში შესუნთქვისას, პირის ღრუში და შესაბამისად კუჭ-ნაწლავში,
ყურში, განსაკუთრებით გრძელყურება, გრძელბეწვა ან ბალახში წოლის მოყვარული ძაღლების ყურებში, თველში.
აღნიშნულ ბალახს ძალიან იშვიათად ახასიათებს უკუსვლა, ყველაზე გართულებულ შემთხვევებში შესაძლოა ხვდებოდეს როგორც თავის ტვინში, აგრეთვე ფილტვებში და იწვევდეს ცხოველის სიკვდილსაც კი, ყველაზე ხშირ შემთხვევაში კი იწვევს ანთებას, შეშუპებას, აფსცესს, გამონაყოფებს დაზიანებული უბნებიდან, ტკივილს და განგრენას.
გასეინებისას მოარიდეთ ცხოველები მაღალ ბალახიან ტერიტორიას და ეცადეთ მაქსიმალურად კარგად დაათვალიეროთ მათი სხეული ყოველი გასეირნების შემდეგ!
აღნიშნული ბალახი საფრთხეს უქმნის როგორც ძაღლებს, აგრეთვე კატებსაც 🐶🐱
აუცილებელია ყურადღება მიაქციოთ შემდეგ ნიშნედბს და მათი არსებობისას რაც შეიძლება მალე მიმართოთ ვეტერინარს:
თათები 🐾 თითების მიდამო ყველაზე აქტიურად ზიანდება აღნიშნული ბალახით, ამიტომ თუ შეატყობთ რომ თქვენს ცხოველს გაწითლებული აქვს თათი, ან თათები, კოჭლობს ან სულაც უფრო ინტენსიურად ილოკავს თათებს, აუცილებლად მიმართეთ ვეტერინარს.
ყირები 👂 თუ თქვენს ოთხფეხა მეგობარს უმეტესწილად ცალ მხარეს აქვს დახრილი თავი, წკმუტუნებს ყურზე შეხებისას, იფხანს ან იქნევს თავს ინტენსიურად აუცილებელია მიმართოთ ვეტერინარს, რათა მან შიგნიდან გამოიკვლიოს ყური. ხშირად ბალახი ძალიან ღრმად არის და მარტივად არ ვიზუალიზდება ამიტომ საჭიროებს სპეციალური ხელსაწყოთი ყურის დათვალიერებას.
თვალი 👁️ თვალში მოხვედრისას იწვევს სიწითლეს, შეშუპებას, თვალის მოჭუტვას, ხშირად იფხანენ თათით, ახასიათებს გამონადენი. ამ შემთხვევაშიც აუცილებელია მიმართოთ ვეტერინარს, რათა მან თვალის დაუზიანებლად მოახერხოს დათვალიერება და ბალახის ამოღება.
ცხვირი 👃თუ ცხოველს ინტენსიური ცემინება აქვს, თათებს ისვამს ცხვირზე, აქვს გამონადენი, მათ შორის სიხლიანი, ისევ ისე აუცილებელია მიმართოთ ვეტერინარს.
პირის ღრუ 👅 თუ თქვენს შეატყობთ პირის ღრუდან გამონადენს, ჭარბი რაოდენობით ნერწყვს, სპეციფიურ სუნს, ქსოვილების შეშუპებას და სიწითლეს, შესაძლოა ისევ აღნიშნულ ბალახთან გვქონდეს საქმე, ამიტომაც მიმართეთ თქვენს ვეტერინარს ან უახლოეს ვეტერინარულ კლინიკას.
გაითვალისწინეთ, რომ აღნიშნული ბალახის ამოსაღებად ხშირ შემთხვევაში აუცილებელია ცხოველის ანესთეზიაში შეყვანა, რადგან ბალახი ღრმად არის და ტკივილის ეფექტი კიდევ საკმაოდ ძლიერი, ამიტომ ამ პროცედურისთვის სასურველია ცხოველი იყოს უზმოზე. შემდგომი დანიშნულება დამოკიდებულია ცხოველის ჯანმრთელობის მდგომარეობაზე და გართულებების სიმძიმეზე.
მშვიდობიან სეზონს გისურვებთ 🍀🐶🐱
პ.ს. ამჯერად ფისოს თვალიდან ამოვიღეთ 😞
