24/10/2025
თუ ცივ თვეებში „მკვდარი“ ზღარბი იპოვეთ, ნუ დამარხავთ, არ გადააგდოთ სანაგვეში...
არავის სურს, დაინახოს მკვდარი ცხოველი თავის ბაღში ან სადარბაზოში, მაგრამ ეს არის ზღარბი, რომელიც ნოემბრიდან მარტამდე შევიდა ჰიბერნაციაში - „ზამთრის ძილში“.
ისინი, როგორც წესი, თხრიან სოროებს, უსაფრთხოებისთვის, მაგრამ ჩვენ ნელ-ნელა ვანადგურებთ მიწის საფარველს, ვამატებთ ასფალტსა და ბეტონს, ნაკლებია გამწვანებული ტერიტორია, ბუჩქნარი ან ტყე და მათთვის სულ უფრო რთული ხდება ზამთრისთვის უსაფრთხო ადგილის პოვნა.
ზოგი ზღარბუნა შეიძლება თქვენს ბაღში მოვიდეს უსაფრთხოებისა და სითბოს მოსაძებნად, რათა „ზამთრის ძილით“ დაიძინოს. ზოგიერთი იმდენად დაღლილია, უსაფრთხო საძინებლის ძებნით, რომ, საბოლოოდ, იძინებს სხვადასხვა უცნაურ ადგილებში, როგორიცაა გზები ან თუნდაც ტროტუარები.
ჰიბერნაციის დროს მათი გულისცემა და სხეულის ზოგადი ფუნქცია საგრძნობლად ნელდება, როგორც ენერგიის დაზოგვის გზა, რამაც შეიძლება დააბნიოს ადამიანი, აფიქრებინოს, რომ ზღარბი მკვდარია.
სტაციონარულად გაშეშებული ზღარბის დანახვის შემთხვევაში, დარწმუნდით, რომ ის არის უსაფრთხო და თბილ ადგილას და შეიძლება დაჰყოს იქ ხუთი თვე 🦔
თუ ზღარბს თქვენს ბაღში ან სადმე ქუჩაში აღმოაჩენთ, გააკეთეთ ხვრელი მუყაოს კოლოფში და მშრალ, უსაფრთხო და წყნარ ადგილას გადაიყვანეთ ის, ცივი თვეების გასატარებლად.
ზღარბი გადაშენების პირას მყოფი სახეობაა, ის სრულიად უვნებელია და ძალიან მნიშვნელოვანი - ჩვენს ეკოსისტემაში. ზღარბები ჭამენ ხოჭოებს, ლოკოკინებს, ბაყაყებს, ხვლიკებს, გველებს, მათ შორის - შხამიანებს.
ისინი, ასევე, ანგრევენ მავნებელი თაგვების ბუდეებს.
მათ არ ეშინიათ ფუტკრებისა და კრაზანების. ზღარბს შეუძლია ადვილად გაანადგუროს მავნებელი კრაზანების ბუდე და შეჭამოს მისი მცხოვრებლები, უგულებელყოფს მათ ნაკბენებს.
მეცნიერები დიდი ხანია აკვირდებიან ზღარბის იმუნიტეტს ძლიერი შხამების მიმართ, მათ შორის მწერების ნაკბენის მიმართ. ეს ანტიდოტის ფენომენი მეცნიერებისთვის ჯერ არ არის ცნობილი.
ფრთხილად იყავით, როცა ცივ თვეებში ზღარბს ხედავთ. 💛🦔
