10/02/2022
🔴🐶🦮რა გავაკეთოთ თუ ძაღლს გასეირნება არ უნდა? რა შეიძლება იყოს მიზეზი?
როგორც წესი, ძაღლები ელოდებიან სასეირნოდ წასვლის მომენტს. მაგრამ, ზოგჯერ ძაღლმა შეიძლება წინააღმდეგობა გაგვიწიოს და მიგვახვედროს, რომ უარს ამბობს გარეთ გასვლაზე. რა შეიძლება იყოს ამ უცნაური საქციელის მიზეზი და რისი გაკეთება შეგვიძლია?
1. ჯანმრთელობა. ამის მიზეზი შეიძლება იყოს ტკივილი, რომელსაც ძაღლი შეიძლება განიცდიდეს სიარულის, სირბილის ან ხტუნვისას. დააკვირდით ცხოველს - თუ შეამჩნევთ სხვა არატიპიურ ქცევას ან რაიმე სიმპტომს, შესაძლოა საჭირო იყოს აჩვენოთ თქვენი შინაური ცხოველი თქვენს ვეტერინარს.
2.შიში. ზოგიერთ ძაღლს ეშინია ქუჩის ხმაურის, მანქანების, სხვა ძაღლების, ამიტომაც არ სურთ ზოგჯერ გასერინება. ამ შიშთან გამკლავების ერთ-ერთი საშუალებაა ზოოფსიქოლოგის მონახულება.
3.ამინდი. ბანალურად ჟღერს, მაგრამ ზოგიერთი შინაური ცხოველი ისევე არ არის კმაყოფილი წვიმით ან სიცივით, როგორც ჩვენ. ამიტომ, თუ თქვენს ძაღლს არ სურს ცუდ ამინდში სიარული, ამის გაგება შეიძლება. დაფიქრდით, იქნებ ის იყინება ცივ ამინდში და სჭირდება თბილი ტანსაცმელი?
4.მოწყენილობა. თუ თქვენ ყოველთვის დადიხართ ერთსა და იმავე მარშრუტზე, მაშინ თქვენს შინაურ ცხოველს შეუძლია ძალიან სწრაფად მოიწყინოს. შემდეგ კი გასერინებაზე უარის თქმით, ცდილობს გაგრძნობინოთ ეს. შეცვალეთ მარშრუტი, გადადით ძაღლების სპეციალურ უბნებში, ან მოაწყეთ ერთობლივი გასეირნება სხვა ძაღლების მფლობელებთან ერთად. თუ თქვენს ძაღლს ჰყავს თავისნაირი კომპანიონი, მისთვის ბევრად საინტერესო იქნება სიარული. თანაც, ახალ ახალი მარშრუტები ნიშნავს უზარმაზარ რაოდენობას ახალ ახალი სურნელის, რაც ასევე ძალიან საინტერესო და მიმზიდველია თქვენი შინაური ცხოველისთვის.
მხოლოდ ძაღლის გასეირნებაზე უარის რელური მიზეზების გაცნობიერებით შეგიძლიათ დაეხმაროთ მას. ამიტომ, უპირველეს ყოვლისა, გაანალიზეთ ეს მიზეზები და მხოლოდ შემდეგ შეუდეგით მათ აღმოფხვრას. და არავითარ შემთხვევაში არ ეჩხუბოთ და დასაჯოთ, ამის გამო შინაური ცხოველი - ეს მხოლოდ გაამწვავებს სიტუაციას, რადგან შესაძლოა ძაღლმა არასწორად დაასკვნას, რომ დასჯა და გასერინება ერთმანეთთან დაკავშირებული მოვლენებია.
