25/06/2025
მოგესალმებით მეგობრებო, გვსურს გამოვეხმაუროთ და ნათელი მოვფინოთ ორიოდე დღის წინ გავრცელებულ ინფორმაციას ჩვენს სალონთან დაკავშირებით.
სალონში მოხდა მცირე ინციდენტი, რაც დაკავშირებული იყო ძაღლის უკიდურესად ცუდ მდგომარეობასთან. ჩვენი სიფრთხილის მიუხედავად, მოხდა უკვე დაზიანებული(დაჩირქებული) უბნის გახსნა, რასთან დაკავშირებითაც მაშინვე დავუკავშირდით მეპატრონეს, ჩავაყენეთ საქმის კურსში და ვთხოვეთ ვეტ-ექიმისთვის მიემართა.
სრული მზაობა და გვერდში დგომა გამოვიჩინეთ ჩვენი მხრიდან, ექიმის მიერ დასმული დასკვნის შედეგად მოხდა უკუკავშირი მეპატრონესთან, შესაბამისი რეაგირება გრუმინგის თანხის ანაზღაურებით და შემდგომი მზაობა ჩვენს წილ პასუხისმგებლობასთან დაკავშირებით. როგორც აღმოჩნდა ეს არასაკმარისი გამოდგა მეპატრონისთვის, მოითხოვა სრული მკურნალობის ანაზღაურება წინააღმდეგ შემთხვევაში კი სოციალურ სივრცეში უარყოფითი სტატუსებით და სასამართლო პროცედურით გვემუქრებოდა.
რასაც ჩვენგან ლოგიკური რეაგირება მოყვა. ჩვენ შევხვდით და ყველა დეტალი გავიარეთ მაქსის ვეტ-ექიმთან, რომელმაც ჩაუტარა ოპერაცია. მოხდა დადასტურება იმ ფაქტის, რომ ძაღლს გრუმინგამდე ჰქონდა მძიმე მდგომარეობა(კანქვეშა ინფექცია და ა.შ.), საჭიროებდა ხანგრძლივ მკურნალობას და ზემოთ ხსენებული კონკრეტული ღია ჭრილობა არ ყოფილა უშუალო მიზეზი, ასევე დადასტურდა,რომ ნებისმიერი სიფრთხილის მიუხედავად შესაძლებელი იყო მსგავსი დაზიანების მიღება უკვე ინფექციურ უბანზე. გავრცელებული ინფორმაცია და ფოტო მასალა არ შეესაბამება სრულ სიმართლეს. ეს ჭრილობა არის უკვე ოპერაციის შემდგომ გადაღებული, სადაც ექიმს დასჭირდა კანის ჩაჭრა, რომ გაესუფთავებინა სხვა დაზიანებული უბნები, რომელთანაც ჩვენ შემხებლობა არ გვქონია, თუმცა საჭიროებდა ექიმის ჩარევას.
სამწუხაროდ ეს საქმიანობა გარკვეულ რისკებთან ყოველთვის არის დაკავშირებული, მით უფრო თუ მძიმე მდგომარეობაში მოდის ოთხფეხა მეგობარი, თუმცა ჩვენ პასუხისმგებლობას არსად გავურბივართ და პირიქით მზად ვიყავით გვერდში დავდგომოდით და მომხმარებლის მდგომარეობაშიც შევსულიყავით (რაც შეგვიძლია სქრინებით დავადასტუროთ), ისევე როგორც ახლა გვაქვს ამის მზაობა ჩვენს წილ პასუხისმგებლობაზე და იმ მცირე დაზიანებაზე, რაც ჩვენთან დაფიქსირდა. დანარჩენ პრობლემურ მდგომარეობასთან დაკავშირებით მთელს გუნდს გული შეგვტკივა და ვგულშემატკივრობთ მაქსის, მაგრამ აქ ჩვენი ბრალეულობა ნამდვილად არ არის და მომხმარებლის მოთხოვნა, რომ სრულად აგვეღო ყველა პრობლემა ჩვენს თავზე მიგვაჩნია დიდ უსამართლობად ამიტომ არ ვაპირებთ მსგავსი ფინანსური პასუხისმგებლობის აღებას ჩვენს თავზე.
ჩვენმა ერთგულმა მომხმარებლებმა კარგად იციან თუ როგორი დიდი პასუხისმგებლობით და სიყვარული ვეპყრობით მოსულ თითოეულ სტუმარს, სწორედ ეს არის მიზეზი იმისა, რომ ჩვენ მსგავსი სიტუაცია ამ წლების განმავლობაში არასდროს არ გვქონია. ძალიან ვწუხვართ და განვიცდით შექმნილ ვითარებას და
მაქსის მალე გამოჯანმრთელებას ვუსურვებთ ❤️
პატივისცემით "Max Groom"- ი
ფოტო მასალა გთხოვთ იხილოთ კომენტარებში.
