Seixo é outro dos nosos veteranos que busca fogar 😄
Chegou ao Refuxio en 2017, logo de ser recollido en Santiago de Compostela e, en todo este tempo, ninguén preguntou por el.
A pesar de ter xa uns trece anos, é bastante activo e disfruta moito dos paseos. Tamén lle gusta moito xogar (e esnaquizar) pelotas e xoguetes 🙈
Non é apto para convivir con gatos.
Seixo tamén merece atopar un fogar, ao igual que todos os veteranos que foron marchando recentemente adoptados. Alguén se anima a darlle unha oportunidade?
Recibimos noticias da guapísima Celta, adoptada fai xa seis anos 🥰 Grazas!!
09/07/2025
Chamba, un dos nosos casos especiais, busca un fogar
Chegou ao refuxio o pasado mes de xuño tras ser recollida na avenida de San Marcos, en Santiago. Viña ferida, cunha fractura aberta nunha patiña dianteira. Non era salvable e houbo que amputarlla. Xa pasaron uns días e atópase moi recuperada, e acostumándose ás súas novas circunstancias. É boíña e perfectamente manexable, pero no refuxio está bastante asustada. Non é o mellor sitio para unha pequerrecha destas características así que agardamos que haxa sorte e alguén se fixe nela canto antes. Anímaste a coñecela? Ten pouco máis de dous meses.
Algúns dos nosos animais que foron adoptados recentemente :)
09/07/2025
Difundimos de novo
Urxe acollida para Lenda e os seus bebés. É moi boíña, e boa nai, per no refuxio está moi estresada 😓 Se alguén lles pode facer un oco que nos escriba a [email protected]
Sé el primero en enterarse y déjanos enviarle un correo electrónico cuando Refuxio de Bando publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.
O Refuxio de Bando ocupa uns 7.000 metros cadrados dunha parcela de 15.000 e está dividido en catro grandes módulos.
O edificio principal alberga as oficinas, a área de atención veterinaria (consulta, clínica, sala de hospitalización, …), a de atención ao público e a aula de educación ambiental, hospitalización e almacén de alimentación.
Nos módulos construidos como residencia para animais hai espazos específicos para cans e gatos, ademais de amplios patios e espazos comúns para que fagan exercicio e se socialicen. Todos os canís están protexidos do exterior e contan cunha cama para cada animal así como comedeiros e bebedeiros. Cada un destes espazos ten un patio ao que a animal pode acceder libremente.
O Concello de Santiago investiu 395.000,00 € na construción e dotación deste centro. Atrás queda o caduco modelo de canceira, onde os animais se amorean sen espazo e sen as desexábeis condicións de hixiene e saúde. No Refuxio de Bando quérese asegurar a calidade de vida dos animais mentres estean baixo a súa tutela. Quen adopte no Refuxio de Bando terá todas as garantías de que ese can ou gato chega ao fogar coas acaídas condicións hixiénico-sanitarias.
Na actualidade estase ampliando con 1.037 metros cadrados máis de instalacións: para residentes e unha nova cuarentena. Tamén 2 novas áreas de saída de cans, para elo invertíronse ao redor de 180.000,00 €.
¿Como conseguimos este obxectivo? En primeiro lugar sendo esixentes no deseño e construción do propio centro. O equipo de arquitectos que deseñou o Refuxio visitou previamente outros en diferentes zonas do Estado para tomar ideas, non repetir erros e adaptarse ás nosas necesidades.
Na Fundación trabállase día a día, e recopílase moita información de manexo, estancias, etc. baseada na experiencia, é por elo que as novas instalacións se deseñaron tendo en conta a experiencia destos 5 anos de traballo, solucionando problemas vistos e con melloras.
