Zarzamora chegou ao Refuxio a comezos de febreiro, logo de ser recollida no concello de Boqueixón.
É unha cadela sociable, alegre e agarimosa. Aínda que non é especialmente nova, ten bastante enerxía 🙈 Encántalle os mecos e a xente.
Zarzamora ten arredor de seis anos e é de tamaño mediano. Alguén se anima a darlle unha oportunidade?
Urxe acollida para estes tres pequerrechos. Están comezando a comer soíños pero son demasiado pequenos para estar no refuxio. Se alguén pode acollelos que nos escriba a [email protected].
22/04/2025
Tomasa busca un fogar
Chegou ao refuxio tras ser recollida en Santiago a primeiros de abril, con síntomas de intoxicación. Agora xa se atopa recuperada e con ganas de atopar unha familia.
Ten arredor dun ano e é algo tímida de entrada, pero boíña e sociable. Alguén se anima a darlle unha oportunidade?
Kinita é outra das nosas avoíñas que segue a buscar un fogar ❤️
Chegou ao Refuxio logo de aparecer perdida no concello de Brión. Ten uns doce anos e, aínda que sabemos que isto vai limitar moito a súa adopción, confiamos en que alguén lle dea unha oportunidade.
Kinita é adorable, graciosa e cariñosa. Gústalle a xente e os mecos e é do máis boíña.
Precisa un fogar quentiño no que pasar a súa xubilación tranquila e querida. Alguén se anima? Sabemos que é algo duro, pero merece a pena abrir as portas a un canciño senior, de verdade ❤️
Comillas foi recollido a finais de novembro no concello de Trazo. Chegou ben coidado, mais ninguén o reclamou, polo que precisa un novo fogar.
É un can algo medroso cando non coñece, pero do máis doce e adorable. É moi cariñoso e encántalle pasear.
Comillas ten arredor de seis anos pero ninguén o diría. Ten unhas patiñas curtas que fan que pareza máis pequeno do que realmente é, xa que pesa case 20 kgs 😅
Comillas está desexando que alguén se fixe nel. Anímaste a darlle unha oportunidade?
Cucupi foi recollido no concello de Padrón a finais de xaneiro, cunha fractura aberta nunha patiña dianteira. Debía levar algún tempo así e ademais de ter a ferida infectada, estaba moi delgado e deshidratado. O pobre tivo que pasalo moi mal pero a pesar diso, deixouse manipular perfectamente en todo momento. A patiña non era recuperable e tivo que pasar por quirófano para amputala.
Agora atópase moi recuperado e desexando atopar un fogar. Con tres patas pode facer vida normal, pero iso si, en interior. É algo tímido de entrada, pero axiña colle confianza e é do máis ronroneador e boíño. Anímaste a darlle unha oportunidade?
Ten arredor de seis meses.
Marza chegou ao Refuxio hai apenas un par de meses, logo de ser recollida en Padrón. Era algo medrosa pero sociable.
Agora é unha cadela do máis activa e xoguetona, á que lle encanta corricar e xogar, aínda que tamén estar coa xente.
Ten sobre un ano e medio e gustaríanos que pasase pouco tempo con nós. Queres que forme parte da túa familia?
Claudia foi recollida recentemente na zona de Bembibre (Val do Dubra). Estaba coidada e parecía estar acostumada a estar coa xente pero, aínda que as persoas que a atoparon preguntaron pola zona a ver se alguén a recoñecía, non foi o caso. Agora que pasou o prazo legal, está preparada e desexando marchar canto antes a un fogar.
É unha cadela sociable e alegre á que lle encanta a xente, tanto que non o pasa nada ben cando queda soa… Así que sería algo que probablemente haxa que traballar.
Claudia ten un par de anos e está desexando que alguén lle dea unha oportunidade. Anímaste?
Briona chegou ao Refuxio a comezos de outubro do ano pasado, logo de ser recollida no concello de Brión en moi malas condicións, moi parasitada, nos ósos e cun prolapso re**al que estaba poñendo en risco a súa vida. Tivo que pasar por quirófano en dúas ocasións pero afortunadamente todo saíu ben e xa se atopa totalmente recuperada e lista para marchar a un fogar.
É unha gata do máis adorable e sociable 😍😍 Briona é moi agarimosa, ronroneadora e encántanlle os mecos. Ten arredor de catro anos e sabemos que a súa cor non lle vai axudar a atopar un fogar, e menos sendo adulta. Pero logo de todo o mal que o tivo que pasar na rúa, pensamos que é hora de que a vida lle comece a sorrir 😁 Anímaste a darlle unha oportunidade?
URXE casa de acollida para gatiña de biberón. Se alguén pode botar unha man que nos escriba a [email protected].
Precisamos que sexa da zona de Santiago ou arredores, para poder achegarse ao refuxio para revisións ou para resolver calquera imprevisto que poida acontecer.
NON ESTÁ EN ADOPCIÓN, nin o vai estar ata que teña o tempo suficiente para marchar adoptada, polo que tampouco se reserva para adopción. Os animais que si están en adopción podedes velos na nosa web e redes sociais.
Dirección
Lugar Zarramacedo-Bando, S/n Santiago De Compostela 15820
Sé el primero en enterarse y déjanos enviarle un correo electrónico cuando Refuxio de Bando publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.
O Refuxio de Bando ocupa uns 7.000 metros cadrados dunha parcela de 15.000 e está dividido en catro grandes módulos.
O edificio principal alberga as oficinas, a área de atención veterinaria (consulta, clínica, sala de hospitalización, …), a de atención ao público e a aula de educación ambiental, hospitalización e almacén de alimentación.
Nos módulos construidos como residencia para animais hai espazos específicos para cans e gatos, ademais de amplios patios e espazos comúns para que fagan exercicio e se socialicen. Todos os canís están protexidos do exterior e contan cunha cama para cada animal así como comedeiros e bebedeiros. Cada un destes espazos ten un patio ao que a animal pode acceder libremente.
O Concello de Santiago investiu 395.000,00 € na construción e dotación deste centro. Atrás queda o caduco modelo de canceira, onde os animais se amorean sen espazo e sen as desexábeis condicións de hixiene e saúde. No Refuxio de Bando quérese asegurar a calidade de vida dos animais mentres estean baixo a súa tutela. Quen adopte no Refuxio de Bando terá todas as garantías de que ese can ou gato chega ao fogar coas acaídas condicións hixiénico-sanitarias.
Na actualidade estase ampliando con 1.037 metros cadrados máis de instalacións: para residentes e unha nova cuarentena. Tamén 2 novas áreas de saída de cans, para elo invertíronse ao redor de 180.000,00 €.
¿Como conseguimos este obxectivo? En primeiro lugar sendo esixentes no deseño e construción do propio centro. O equipo de arquitectos que deseñou o Refuxio visitou previamente outros en diferentes zonas do Estado para tomar ideas, non repetir erros e adaptarse ás nosas necesidades.
Na Fundación trabállase día a día, e recopílase moita información de manexo, estancias, etc. baseada na experiencia, é por elo que as novas instalacións se deseñaron tendo en conta a experiencia destos 5 anos de traballo, solucionando problemas vistos e con melloras.
Situado en Zarramacedo (Bando)
