¿Qué es el sitio web?

https://www.facebook.com/916194591768570/

Anajata Asociación animalista

Casa
España
Muros
Anajata Asociación animalista

Luchamos por la vida animal y natural en todas sus formas. ¡DÉJALES TU HUELLA!

10/06/2026

🐾✨ Ola! Eu son Bruma ✨🐾
Din que son unha gatiña moi especial, pero eu creo que simplemente son... ¡Bruma! 😸

Encántame xogar, investigar cada recuncho da casa e meter o fuciño en todo o que me parece interesante (que son moitas cousas, para que nos imos enganar 😹). Son moi curiosa e sempre estou preparada para vivir unha nova aventura.

Cando me canso de tanto traballo explorador, gústame facer unha boa sesta acurrucada cos meus irmáns. A verdade é que adoro estar acompañada, porque son unha gatiña moi sociable e cariñosa. 💕

Busco unha familia para sempre que me queira tal e como son: divertida, agarimosa, algo traste e con moito amor para dar. A cambio prometo encher a túa casa de ronroneos, xogos e momentos inesquecibles.

🏡 ¿Queres ser a miña familia definitiva?
Se pensas que temos que coñecernos, escribe á asociación. Eu estarei aquí, practicando as miñas mellores poses e esperando por ti. 🐾🤍

Bruma busca fogar. Comparte para axudarme a atopar a miña familia para sempre.

09/06/2026

✨ Néboa xa ten fogar definitivo! ✨

E non podía ter caído nunha familia mellor. ❤️

Nos últimos días na súa casa de acollida decatámonos de que Néboa non apoiaba completamente ben as patiñas traseiras. Aínda que fai vida normal, xoga, corre e compórtase como unha gatiña feliz, decidimos levala ao veterinario para asegurarnos de que todo estaba ben.
Tras varias probas, o diagnóstico apunta a que posiblemente sufrise algún golpe cando era moi pequena e que poida ter algún tipo de afectación neurolóxica.
Sabemos que noticias así, moitas veces, fan que algunhas persoas se boten atrás á hora de adoptar. Pero a familia de Néboa demostrounos que o amor verdadeiro non entende de diagnósticos nin de condicións. Eles xa a querían antes de coñecer esta situación e, lonxe de dubidar, reafirmaron o seu compromiso de coidala, respectala e querela tal e como é.

Hoxe queremos agradecer de corazón a esta familia tan especial por abrirlle as portas do seu fogar e do seu corazón. O mundo sería un lugar moito mellor se houbese máis persoas capaces de mirar máis alá das limitacións e ver o que realmente importa: o ser que hai detrás delas.

Desexámoslle a Néboa unha vida longa, feliz e chea de amor. E á súa familia, grazas por ensinarnos que a empatía e o compromiso seguen existindo. ❤️

Necesitamos máis familias así no mundo: familias que amen sen condicións, que non midan o valor dunha vida pola súa perfección, e que entendan que todos merecen unha oportunidade. 🐱✨

05/06/2026

📢 Aviso importante
Informamos de que mañá a tenda solidaria permanecerá pechada por motivos alleos á Asociación.

Desculpade as molestias que isto poida causar e agradecemos moito a vosa comprensión e apoio continuo.

💚 Volveremos abrir en canto sexa posible para seguir axudando aos animais que máis o precisan.

03/06/2026

🐾💚 MERCADIÑO SOLIDARIO EN MUROS 💚🐾

Este venres estaremos co noso mercadiño solidario debaixo do soportal, enfronte a Electro Dosil, en Muros, de 10:00 a 13:30 h aprox.

Todo o recadado irá destinado ao coidado dos animais da rúa que máis o precisan: alimentación, atención veterinaria, esterilizacións e rescates.
Haberá:
📚 libros
🧵 Artesanía
🎁 O noso merchan solidario
🐾 E algunha sorpresa máis!

Cada compra, por pequena que sexa, axúdanos a seguir atendendo aos animais que dependen da nosa asociación.

Se queres colaborar cunha causa que cambia vidas, pásate a visitarnos, saúdanos e axúdanos a seguir axudando. 💕
100% solidario. 100% para eles.

📍 Muros – Debaixo do soportal, enfronte a Electro Dosil
🕙 Venres, de 10:00 a 13:30 h aprox.

02/06/2026

🐾 BUSCAMOS UN FOGAR DEFINITIVO PARA BRUMA 🐾

A pequena Bruma (antes "Bruce") está lista para comezar unha nova vida xunto a unha familia que a queira para sempre. 🖤
Ten aproximadamente 1 mes e medio, é negativa en Inmunodeficiencia Felina (FIV) e Leucemia Felina (FeLV) e en breve recibirá a súa primeira vacina.

Bruma está perfectamente acostumada a convivir con cans e gatos, adaptándose moi ben a outros animais. É unha gatiña moi simpática, cariñosa e sociable, que busca sempre compañía e mimos. Ademais, como boa bebé, encántalle xogar, correr e descubrir o mundo que a rodea.

Agora só lle falta atopar unha familia responsable que lle dea o fogar seguro e cheo de amor que merece. 💕

📩 Se queres coñecer a Bruma ou estás interesado/a en adoptala, ponte en contacto con nós.

Axúdanos compartindo para que Bruma atope a súa familia definitiva. 🐱🏡💚

01/06/2026

ATENCIÓN ‼️

Avísannos que esta cadela anda ceibe pola estrada na zona de Acea en Muros. Se alguén sabe de quen é que avise a súa familia!!, xa están avisadas as autoridades.

Recordamosvos que:

Se atopas un can ou un gato só na rúa, a túa axuda pode ser fundamental para que regrese coa súa familia e para evitar que corra riscos.

✅ Pon o animal a salvo, sempre que sexa posible e sen poñer en perigo a túa seguridade nin a del. Afástao de estradas, zonas de tráfico ou outros perigos.

✅ Comproba se leva identificación, como unha chapa cun número de teléfono ou outros datos de contacto.

✅ Chama ao 112. O servizo de emerxencias indicará os pasos a seguir e avisará aos servizos competentes para a recollida ou identificación do animal.

✅ Faille unha foto clara e comparte o aviso nas redes sociais e grupos locais da zona onde apareceu. Indica a data, o lugar aproximado e unha forma de contacto.

✅ Pregunta nos arredores, especialmente a veciños, comercios e persoas que frecuenten a zona.

✅ Se podes mantelo a salvo temporalmente, estarás evitando que corra riscos como atropelos ou ataques doutros animais.

⚠️ Evita publicar todos os detalles identificativos do animal para poder comprobar posteriormente que quen o reclama é realmente a súa familia.

⚠️ Non o deixes de novo na rúa pensando que atopará o camiño de volta. Un animal perdido pode desorientarse e acabar en situación de perigo.

💚 Coa colaboración de todos é máis doado que os animais perdidos regresen axiña ao seu fogar.

30/05/2026

Actualizamos: resolto.

Grazas a todas as persoas que vos ofrecestedes voluntari@s.💚

🚨 URXENTE: PRECISAMOS AXUDA PARA A COLONIA DE SAN XOSÉ (MUROS) 🚨

Buscamos persoas voluntarias que poidan axudarnos co coidado da colonia felina de San Xosé, en Muros.

A persoa que se encargaba ata agora de atendela non pode seguir facéndose cargo, polo que precisamos atopar alguén con urxencia. De non ser así, os gatos quedarán sen atención.

Trátase dunha colonia duns 10 gatos e a tarefa sería moi sinxela: só hai que darlles de comer unha vez ao día.

Se vives pola zona e podes botar unha man, ou coñeces alguén que poida facelo, por favor ponte en contacto connosco. Entre todos podemos evitar que estes gatiños queden desamparados.

🙏 Compartir esta publicación tamén é unha gran axuda.

28/05/2026

✨ Recordades a Niebla a gatiña da rúa con Carcinoma?, pois xa está recuperándose da súa cirurxía ✨
Despois de ter que amputarlle as súas orelliñas, Niebla leva uns días moi ben coidadiña e mimadiña na casa da súa coidadora 🤍.
Pouco a pouco vai collendo forzas e adaptándose a esta nova etapa, demostrando unha vez máis o loitadora que é.
Agora tócanos afrontar a súa factura veterinaria, por iso queremos lembrarvos que mañá venres e sábado abrimos a nosa tenda solidaria 🐾
📍 Antiga Fábrica de Sel, en Muros
🕚 De 11:00 a 13:00
Cada compra, cada visita e cada pequeno apoio axúdanos a seguir atendendo casos como o de Niebla. Grazas por estar sempre aí.

27/05/2026

Actualizamos: apareceu sana e salva!

ATENCIÓN ‼️

Gatiña perdida en Serres ( Muros) na zona da capilla de San Ramón. Chámase Ruliña, é unha gata caseira que se perdeu e estará desorientada porque non coñece a zona.

Se a vedes chamade de inmediato ó seguinte número: 667975285.

Pregamos difusión!

26/05/2026

🐾 Bruce foi hoxe facer unha revisión ao vete e temos moi boas novas! 🩺✨

Os test de Leucemia Felina e Inmunodeficiencia Felina deron NEGATIVO 💚👏 Nunhas semanas tocaralle xa a súa primeira vacina e segue medrando sanota e feliz.

Pero… levamos unha sorpresa 😂 O noso “Bruce” resultou ser unha FEMIA! 🎀🐱

Así que agora precisamos da vosa axuda para atoparlle un nome bonito a esta pequecha panteriña. 🖤 Déixanos nos comentarios ideas de nomes! Queremos escoller un entre todas as propostas e así facervos tamén parte da súa historia 🥰

A ver que nomes se vos ocorren para esta mini panteriña tan especial 🐾

Dirección

Muros
15250

Página web

facebook.com

Notificaciones

Sé el primero en enterarse y déjanos enviarle un correo electrónico cuando Anajata Asociación animalista publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Empresa

Enviar un mensaje a Anajata Asociación animalista:

Atajos

¿Quieres que tu empresa sea el Tienda De Mascotas mas cotizado en Muros?