28/04/2022
Cabaleir@s 🐴
Achégase a época de rutas, campamentos e xuntanzas. Xa que nos estades preguntando moit@s, queremos comunicar que Cabaliño de Pao cambia de rumbo. É unha decisión que xa moit@s coñecedes, pero xa que nos acompañastedes en cada paso e cada logro queremos facelo público nós mesmos.
En Cabaliño de Pao, como na vida, péchase unha etapa para comezar outra.
Nos, Raúl e Ofelia, abrimos Cabaliño de Pao para compartir co mundo unha das nosas pasións: os cabalos.
Abrímolo máis para o noso deleite personal, que con vistas de negocio, xa que nós temos os nosos traballos, alleos a Caballiño de Pao, polo que todo o tempo libre do que dispoñíamos, que non é moito, invertíamolo en Cabaliño de Pao. Debido á gran acollida que tivo, pasou a requirirnos moitas horas de traballo e dedicación. O que nos levou a tomar esta decisión. Porque cando fas algo con pasión, deixas todas as túas forzas neso.
Non podemos estar máis orgullosos e agradecidos de ter pasado tantos momentos felices con vós. Gardaremos para sempre recordos, anécdotas, risas e palabras bonitas dos nosos cabaleiriños e cabaleiriñas.
Cando iniciamos este proxecto, non nos podíamos imaxinar os centos de persoas que ían confiar en nós. Os centos de kilómetros que íamos facer. Os centos de días de risas, encontros e emocións que viviríamos.
Pero hai que saber delegar, e anunciámosvos que a partir de agora será Xerardo o encargado en Cabaliño de Pao. Sabemos que vos deixamos en boas mans, e por suposto seguiremonos vendo por Sargadelos, estaremos encantados de botarlle unha man sempre que o necesite.
Pola nosa parte, seguimos adiante con novos proxectos, novas metas e novos soños. Porque os soños, se os soñas con forza, fanse realidade.
Gracias de corazón. Non hai palabras para agradecervos todo o que vivimos xuntos.
Gracias cabaleiriños e cabaleiriñas.
Esperamos que sigades disfrutando moito, moitos anos de Cabaliño de Pao.
Sorte Xerardo, deixamos nas túas mans un tesouriño, merécelo. 💫
Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de Cabaliño de Pao, Centro ecuestre, Sargadelos, Cervo.
