19/05/2021
العنايه بالجراوى منذ لحظه الولاده حتى الفطام
دلوقتى بعد الولادة نبتدى نعلم الانثى كيفية انها تنام للجراء للرضاعة ونبتدى نهديها ونخليها تنام فى وضع ثبات ونبتدى ناخد الجراء برفق على الحلمات وبضغطة بسيطة على الح**ة هينزل نقطة لبن
نبتدى نحط فم الجرو عليها برفق حتى يمسك فى الحلمه بكل قوته ثم الجرو اللى بعده ثم اللى بعدة الى ان ننتهى من الجراء
ملحوظة
دائما حاول انك توفر الهدوء لكلبتك وبالذات لو هى اول مرة
اللى يتابع الانثى شخصين بالكتير ويكونوا بيتعاملوا معاها قبل الولادة
دائما تضع الجراء الكبيرة على الحلمات الامامية والجراء الصغيرة على الحلمات الخلفية
لان الحلمات الخلفية مملؤه باللبن اكثر من الامامية
دائما تحافظ على تقليب الانثى على الجنبين وتخلى الجراء ترضع من جميع الحلمات قد يؤدى عدم الرضاعة من ح**ة او اكثر الى وجود صديد
دائما واظب على تدريب الانثى على النوم لفترات طويلة للجراء ده هيؤدى الى تعليمها انها تجلس الى جرائها
هتواظب على عمل ذلك كل نصف ساعة لمدة 4 ايام متواصلة
واحد هيقول ناس سايباها على الله وسايبين كلابهم هقولك كله على الله وناس سايبة كلابها والجراوى بتموت احنا بنعمل اللى علينا لان كل جرو بيموت بتخسر قيمتة وبيسبب لك الم كبير معنويا
لون اللبن فى اول 4 ايام ابيض مصفر ( السرسوب ) المفروض ولو فيه صديد لاقدر الله بيبقى شبة لبن السرسوب
المحترف فقط هو اللى يقدر يفرق بينهم من الملمس او الرائحة
لو انت مش محترف هتلاحظ خلال تلك الفترة ان الجراء بيخسوا وتبدى ضلوعهم تبان ويبتدى الجرو يفقد القوة على الرضاعة وعاوز حد يحطله اللبن فى بقة ويبلع لية كمان وتبدى الجراء تموت واحد بعد واحد بنفس الطريقة والاعراض
الحل اية ؟؟
لو وجدت هذة العلامات واستمر اللون الاصفر مستمر لمدة 5 ايام اعزل الجراء واديهم لبن صناعى رويال كانيل او اى نوع لبن متخصص للكلاب
وابتدى ادى النتاية اوجمنتين 1 جرام قرص كل 12 ساعة لمدة 5 ايام
خلال فترة المضاد الحيوى يوميا انت بتعصر سعر النتاية حتى لا يجف اللبن من صدرها نهائى
( يفضل عمل مزرعة لبن فى اى معمل تحاليل بشرى )
بمجرد مشاهدة لون اللبن يرجع الى لونة الابيض الطبيعى نضع الجراء تحت امهم
نصيحة هااامه
سواء الام جابت صديد اولا
اديى لبن صناعى مع الرضاعة الطبيعى ده هيفرق معاك كتييييير
فى الحجم والصحة والتاسيس بجد هتاخد جراء مستواها رهيييييب
كيفية اعطاء اللبن الصناعى للجراء
لو مع الرضاعة الطبيعى 5 مرات على فترات منتظمة
لو بدون الرضاعة الطبيعى مره كل ساعة
المهم نواظب على وضع الجراء على الصدر وتثبيتهم كل نصف ساعة و وضع اللبن الصناعى 5 مرات يوميا لمدة اسبوع
بعد مرور اسبوع بهذا النظام لابد ان تكون الجراء ضعف الحجم الطبيعى وعدينا الخطر بنسبه 50 % نبتدى بقى نشبط الجراء صباحا او ليلا اوكل ماتبقى فاضى مع المحافظة على رضعات اللبن الصناعى
الجراء هتفتح من 10 ايام الى 14 يوم باذن الله
نبتدى نواظب على الرضاعة الصناعى ونزودها لو امكن
اول لما الجراء تكتمل عمر 18 يوم نبتدى ندى الجراء لبن زبادى منزوع الدسم مخلوط بمعلقة عسل ابيض
يتم وضع فم الجرو فى الكوب هيبتدى الجرو يشم ثم يلحس الزبادى مرة فى مرة هيبتدى يلحس وياكل الزبادى المنزوع الدسم
هنفضل كدة لمدة اسبوع يعنى عمر 25 يوم وطبعا هتبتدى بعلبة زبادى للكل وهتوصل الى كوب زبادى لكل جرو مخلوط بالعسل الابيض فى الوجبه الواحدة هتدى زبادى 3 مرات فى اليوم او مرتين مفيش مشكله
بعد سن 25 يوم نبتدى ندى سريلاك اصغر سن بالقمح وكما فعلنا بالزبادى نفعل بالسيريلاك وتبقى وجبتين زبادى مع وجبة سيريلاك مع اللبن الصناعى
نسيت اقول انك فى اليوم 25 من الولادة تدى للجراء كل جرو ربع قرص درونتال
ايوة هتدى ربع قرص درونتال فى سن 25 يوم
وصلنا لليوم 30 نبتدى ندى خضار مهروووووس جيد جدا يبقى شوربة من كتر الهرس يعنى اسلق الخضار جامد واضربه فى الخلاط مع معلقة لكل جرو ارز جرام ارز مهروس ايضا
وهيبقى وجبة زبادى ووجبة سيريلاك ووجبة خضار مهرووس مع ارز
ووجبة سيريلاك تانى مع اللبن الصناعى والرضاعة الطبيعى
عاوز تدى فيتامينات ندى كالسيوم شرب + فوسفات 2 سم كل يوم صباحا مع الزبادى
ملحوظة
حافظ دائما ان الكالسيوم مع اللبن او الزبادى صباحا مع الشمس ( مابعد 7 صباحا وحتى ماقبل 10 ص )
طيب وصلنا الى اليوم 35 ندخل مع الخضار المهروس لحمه مفرومة او نساير فراخ بنسبة قليلة جدااا جدااا
من الاخطاء لدى المربيين انه مايديش لحم او فراخ للجراء الى مابعد الشهرين او 3 شهور خوفا من التليين
دى معلومة خطا
ادى لحم او فراخ انما بكمية قليلة جدا جدا جدا يعنى فى النصف كيلو طعام ادى 100 جرام لحم
لان زيادة البروتين بيزود اليورك اسيد ودة بيعمل مشاكل فى وظائف الكلى
ممنوع العظم نهائيا للجراء حتى اكتمال الشهر الرابع
ونزود كمان صفار بيضة الصبح مع الزبادى
الكلام دة الى 35 يوم
وندخل بقه الدراى فوود المخلوط بالماء
هتبقى الوجبه
زبادى مع عسل مع رغيف عيش فينو مع صفار بيضة لكل جرو
3 وجبات دراى فووود حتى البيع او اكتمال شهرين
عمر 40 يوم ندى نصف قرص درونتال لكل جرو يعنى بعد الجرعة الاولى ب 15 يوم
وعند بلوغ الجرو عمر 55 يوم ندى قرص درونتال لكل جرو
طيب اللى عاوز يوقف الرضاعة الصناعى
ممكن توقفها عند عمر 45 يوم وتستبدلها بلبن اسمه دانو جميل جدا وتحط علية مكمل غذائى اسمة بديا شور معلقة على كل وجبة اكل
ملحوظات هامة جدا جدا جدا
التطعيمات
حافظ جدا على التطعيمات
توجد تطعيمات فى السوق ( ثنائى ) ادى الجرو فى عمر 25 يوم تطعيم ثنائى
وبعد 21 يوم تطعيم سباعى او ثمانى
وبعد 21 يوم سباعى ثمانى
اللى تلاقية سواء سباعى او ثمانى ادى منه
اهم شىء المصدر يكون موثوق به
ومتديش تطعيم فى الشمس لان الشمس بتتلف التطعيم
ولا تدى وفية جرو سخن او عندة برد
كن صريحا مع الاخرين اللى هتديهم او تبيع لهم كلابك بتطعيمات الكلاب سواء اعطيتها ام لا
تدى التطعيم مساءا وراقب الجرو بعد التطعيم وشوف حالته لو سخن شوية اديلة بروفين او اذهب بية الى الطبيب
راعى دائما اثناء معاملتك مع الجراء لاتذهب الى صديق لدية كلاب او مزرعة او احد يتعامل معك ولو حدث ذلك غير ملابسك كاملة قبل التعامل مع الجراء
كل جرعات الديدان والتطعيمات لابد ان تعطى الام منها مع اختلاف النسب فى ادوية الديدان
لاتعطى تطعيم وفية جراء من اناث اخرى لم تطعم
طبعا تكلفة عالية جدا جدا جدا وعلشان كدة انا قولت حاول تقتنى كلب نقى بيور علشان تغطى تكلفتك
لو عملت غير كدة انت غير امين مع نفسك ولا مع الاخرين
وللحديث بقية
وتفضلوا بقبول فائق الاحترام
اول حاجه يفضل الكلبه الحامل تتعزل عن اي كلاب علشان الاجهاد سواء باللعب مع كلاب تانيه او بالخناق مع كلاب تانيه
يفضل عدم رؤيه الكلبه الحامل اي غريب علشان متخافش او تهجم عليه او تنبح عليه وتبذل مجهود كبير
يفضل تمشيه الكلبه الحامل لمده نص ساعه يوميا بشكل منتظم
قبل الولاده بيومين هتلاحظ انتفاخ البطن طبعا بالاضافه لانقطاع الكلبه عن الاكل اخر يوم قبل الولاده هتلاحظ وجود لبن ف صدر الكلبه ف اخر 3 ايام قبل الولاده وممكن اقل حتي لحظه الولاده
الكلبه بتولد ...ممنوع وجود اي كائن غريب عليها ولا كلب ولا بني ادم ممكن يحصل حاجه من الاتنين
1-هتوقف عمليه الولاده والجراوي هتموت ف بطنها وتنزلهم ميتين2-هتولد و تاكل الجراوي من الخوف عليهم
الكلبه لو طولت ف عمليه الولاده عن 6 ساعات وانت شايف ان لسه في جراوي ف بطنها يعني جابت جرو واحد وبس هتبدأ تتدخل وتديلها حقنه طلق صناعي "موجوده ف صيدليات بشري"
تمت عمليه الولاده كامله والحمدلله الكلبه صدرها مفيهوش لبن هتجيب اقراص من الصيدليه "بشري" اسمها ماتيرنا وتديلها قرصين بعد كده قرص كل يوم
الكلبه عندها صديد "هتعرف ازاي ان عندها صديد" هتلاقي اللبن لونه اصفر
طيب لحد لما الكلبه صدرها ينزل لبن اعمل ايه ؟ هتجيب لبن صناعي ويفضل-رويال كانين "بيطري" لو ملقيتش رويال كانين هتجيب لبن اسمه "بيبي لاك" اهم حاجه يكون اللبن خالي من ماده اللاكتوز لان الماده دي الجراوي مبتقدرش تهضمها وبتسبب انتفاخ
ترضع الجراوي 3 سم من اللبن كل 3 ساعات وبعد عمليه الرضاعه هتمسح بقطنه منطقه الشرج بانتظام لحد لما الجرو يعمل حمام
لو لقيت جرو ضعيف تعمل ايه هتقربه لصدر امه اكتر او ترضعه صناعي افضل
لو لقيت جرو بيموت درجه حرارته بارده جدا بقي ساقع وبيموت تلحقه ازاي؟ هتجيب جلوكوز5% و تدفيه ف ميه سخنه و تدي 5 سم بالفم للجرو
