AVC

AVC د/أحمد أبو شنب طبيب و جراح الحيوانات الاليفه و طيور الزينه و الحيوانات البرية

هنوحشكم وهتوحشوا مشمش الغني عن التعريف 😂💙، بس ان شاء الله مش هنطول عليكم 🐾صحابنا الصغيرين والكبار 🐱🐶حبينا نعرفكم إن العي...
31/07/2026

هنوحشكم وهتوحشوا مشمش الغني عن التعريف 😂💙، بس ان شاء الله مش هنطول عليكم 🐾

صحابنا الصغيرين والكبار 🐱🐶

حبينا نعرفكم إن العيادة هتكون مغلقة مؤقتًا خلال الفترة القادمة.
هنفتقد استقبالكم ووجودكم معانا 🥹
بس إن شاء الله نرجع في أقرب وقت، ونكمل معاكم بنفس الحب والاهتمام بأدق التفاصيل اللي اتعودتوا عليها. ❤️

تابعوا الصفحة، وأول ما نحدد موعد العودة هنعلن عنه فورًا. 💪🏻

شكرًا لتفهمكم وثقتكم ودعمكم الدائم، ونشوفكم قريب بإذن الله 🐾🤍

حلاقة و Grooming ومتروق عليه بفوطة سخنة وساقعة وكل حاجة ممكن تتعمل 🧼🛁✨بس التكشيرة دي جينات، ملهاش علاقة بمزاجهم 😂❤️
16/06/2026

حلاقة و Grooming ومتروق عليه بفوطة سخنة وساقعة وكل حاجة ممكن تتعمل 🧼🛁✨
بس التكشيرة دي جينات، ملهاش علاقة بمزاجهم 😂❤️

البوست ده مختلف عن كل بوستاتنا، عشان مش هنتكلم عن حالة أو توعية أو عروض…احنا جايين نحكي قصة لمست كل واحد فينا وحابين نشا...
03/06/2026

البوست ده مختلف عن كل بوستاتنا، عشان مش هنتكلم عن حالة أو توعية أو عروض…
احنا جايين نحكي قصة لمست كل واحد فينا وحابين نشاركها معاكم ❤️

﴿وَمَا مِن دَابَّةٍ فِي الْأَرْضِ إِلَّا عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا ۚ كُلٌّ فِي كِتَابٍ مُّبِينٍ﴾

من فترة قصيرة ظهرت قطة جديدة في المنطقة، أول مرة نشوفها.
كانت حامل وفي أواخر حملها، خلّونا نسميها “حليمة”، وهتفهموا ليه بعد شوية ❤️
كنا بنأكلها ونهتم بيها عادي لوجه الله، وبعد ما ولدت أهل المنطقة دخّلوها عمارة من العمارات وحطّينالها بوكس من عندنا، وكل العمارة تقريبًا كانت بتراعيها معانا، وولدت ما شاء الله 6 قطط 🥹

بعدها بأسبوعين تقريبا جالنا العيادة قطة جميلة اسمها “سوزي”، حامل هي كمان في أواخر حملها.
وبعد الفحص والسونار كان التدخل القيصري ضروري، والحمد لله ولدت 4 قطط أجمل من بعض، وفاقت وروحت بيتها بالسلامة ❤️

ومن المفارقات الغريبة، أثناء ما كانت سوزي بتفوق وصوت أولادها عالي، حليمة كانت واقفة على باب العيادة وحاولت تدخل عشان تقرب من الصغيرين بهدوء، مجرد كانت عايزة تتعرف عليهم.
وده سلوك نادر، لأن الطبيعي إن أغلب القطط بتبقى عدوانية وممكن تهاجم صغار مش ولادها.

تاني يوم صاحبة سوزي كلمتنا وقالتلنا إنها كويسة وزي الفل، بس رافضة أولادها تمامًا.
وطبعًا كلنا عارفين قد ايه الرضاعة الطبيعية مهمة جدًا في السن ده.

جالنا وقتها فكرة غريبة شوية بس قررنا نجرب.
قلنا نقدّم الأربع قطط بتوع سوزي لحليمة ونشوف هيحصل إيه!

والمفاجأة؟! آه… زي ما انتوا متوقعين دلوقتي 🥹❤️
حليمة قبلتهم وضمّتهم مع ولادها، وتاني بنقولها ده سلوك نادر ومش بيحصل كتير.
وحاليًا هما بايتين مع حليمة وسط إخواتهم الستة ( بقى معاها 10 ماشاء الله )❤️

محدش كان عارف قصة ظهور حليمة في المنطقة إيه وإشمعنا التوقيت ده بالذات، بس ربنا كان قاسم لولاد سوزي رزقهم قبل حتى ما ييجوا الدنيا.
وكل الترتيبات دي، وكل الناس اللي ساعدت، كلنا كنا مجرد أسباب عشان اللي ربنا كاتبه يحصل .. سبحان الله ❤️

ولسه في ناس شايفة الكائنات دي ولا حاجة، وبيأذوهم كأن ربنا خلقهم عبثًا.

سوزي دلوقتي رجعت زي الأول وأحسن ❤️
وادعوا لحليمة ربنا يقدرها ويقويها على الجيش الصغير ده 😂❤️

تابعوا التفاصيل تحت كل صورة، وحد بقى عرف سميناها حليمة ليه؟ 🥹

الحالات البيطرية مش دايمًا نهايتها سعيدة… لكن دايمًا بيبقى ليها قصة تستحق تتحكي 🕊️العصفور ده جه العيادة بسبب ورم واضح في...
19/05/2026

الحالات البيطرية مش دايمًا نهايتها سعيدة… لكن دايمًا بيبقى ليها قصة تستحق تتحكي 🕊️

العصفور ده جه العيادة بسبب ورم واضح في رجله،لكن أثناء الكشف لاحظنا وجود ورم تاني كبير بمنطقة الصدر مع فقدان شديد في الوزن وهزال عام.

الأشعة أكدت إن شكّنا كان في محله… للأسف الأورام كانت منتشرة في أكثر من مكان بالجسم، وده خلّى الحالة معقدة جدًا من البداية.

وخلال الفحص ظهر كمان وجود آثار رصاص داخل المعدة، واللي رجّح احتمالية lead poisoning نتيجة قضم دهانات أو أجزاء معدنية مع الوقت.

📌 الحالات دي بتفكرنا قد إيه الطيور بارعة في إخفاء أعراض المرض لآخر مرحلة، وإن أي تغيير بسيط في الوزن أو النشاط ممكن يكون علامة على مشكلة أكبر بكتير.

وده يعرفنا ليه المتابعة الدورية، وجود أقفاص وخامات آمنة، والانتباه لأي تغيرات بسيطة… حاجات ممكن تفرق جدًا في حياة الطائر ❤️

📍عنواننا: داخلة فوكس من ع الدايري الشارع اللي بعد معرض الحوت
📲 للتواصل: 01225539750

#اورام

29/04/2026

🚨 حاجة بسيطة جدًا بنشوفها كل يوم… ممكن توصل لجراحة!
تنضيف القط لنفسه (grooming) شيء طبيعي، لكن بلع الشعر بشكل مستمر ممكن يكوّن كرات شعر تعمل انسداد خطير في الأمعاء.

✨ لما بننصحك بتسريح شعر قطتك بانتظام، إحنا مش بنبالغ…
إحنا بنتكلم عن وقاية من خطر حقيقي.

راقب قطتك كويس، وأي تغيير في الأكل أو الإخراج أو النشاط محتاج كشف بدري 🐾

📍عنواننا: داخلة فوكس من ع الدايري الشارع اللي بعد معرض الحوت
📲 للتواصل: 01225539750

26/04/2026

🚨 لما التدخل يكون ضروري وسريع… وفي نفس الوقت محتاج دقة
يبقى الخبرة والاحترافية هما الأساس ✨
وإحنا بفضل الله دايمًا قد المسؤولية 💪🏻❤️

📍عنواننا: داخلة فوكس من ع الدايري الشارع اللي بعد معرض الحوت
📲 للتواصل: 01225539750

#جراحةالعظام

💙🐾النهارده اليوم العالمي للطبيب البيطري 🐾💙(آخر سبت من أبريل بمبادرة من World Veterinary Association)تعالوا ناخدكم رحلة ل...
25/04/2026

💙🐾النهارده اليوم العالمي للطبيب البيطري 🐾💙
(آخر سبت من أبريل بمبادرة من World Veterinary Association)

تعالوا ناخدكم رحلة لورا شوية…
ونشوف الطب البيطري بدأ إزاي 🤔

من أكتر من 250 سنة، وتحديدًا سنة 1761، اتأسست أول مدرسة طب بيطري في فرنسا على إيد العالم Claude Bourgelat
والسبب؟ أمراض كانت بتنتشر وسط المواشي وتهدد حياة ناس كتير ومصدر أكلهم.

بس الموضوع ما وقفش هنا…
مع الوقت الطب البيطري اتطور، ووصل لعلاج الحيوانات الأليفة، والطيور الجارحة، وحتى الحيوانات البرية 🐾

وبقى دوره أكبر من مجرد علاج…
بقى بيغطي حياة الإنسان كمان وبيحميه،
وفي نفس الوقت رحمة بكل روح بتحس وتتألم زينا بالظبط 🤍

وإحنا في العيادة مؤمنين بده جدًا…
وعارفين إن كل حالة مش بس “حيوان”، دي روح محتاجة رعاية واهتمام حقيقي 🐾💙

كل سنة وكل دكتور بيطري بيعمل فرق حقيقي… حتى لو محدش شايفه 🐾

📍عنواننا: داخلة فوكس من ع الدايري الشارع اللي بعد معرض الحوت
📲 للتواصل: 01225539750


الحرارة رجعت تزيد والصيف شادد حيله, محتاجين نروق على صحابنا الصغيرين 🐶🐱🐾عارفين إن دفتر المتابعة ساعات بيختفي في ظروف غام...
20/04/2026

الحرارة رجعت تزيد والصيف شادد حيله, محتاجين نروق على صحابنا الصغيرين 🐶🐱🐾
عارفين إن دفتر المتابعة ساعات بيختفي في ظروف غامضة، بس المرة دي الموضوع يستاهل تطلعه من تحت الأرض! 📒👀

عشان عملنا عرض خاص جداً لعملاء العيادة:
✂️ خصم خاص على الحلاقة والشاور بمجرد ما تورينا الدفتر وأنت جاي، كلمنا وأحجز معادك.💥

الانتعاش ليهم🫧 .. والخصم ليك✨

📍عنواننا: داخلة فوكس من ع الدايري الشارع اللي بعد معرض الحوت
📲 للتواصل: 01225539750


11/04/2026

📌 Unicornuate pregnancy with extra-uterine adhesions.

واحدة من الحالات النادرة والمعقدة في الطب البيطري واللي بتحتاج خبرة واحترافية عالية في التشخيص والتدخل الجراحي.

بفضل الله تم التعامل مع الحالة بالشكل الصحيح وبأعلى قدر من الدقة والحرص، والحمد لله تمت العملية بنجاح والأم وجنينها بخير 🥹❤️

دايمًا بنؤمن إن كل حالة هي مسئولية، والتحديات ان شاء الله دايمًا إحنا قدّها 🐾✨

📍عنواننا: داخلة فوكس من ع الدايري الشارع اللي بعد معرض الحوت
📲 للتواصل: 01225539750

#جراحة

Address

Ismailia
Tel El Kebir

Telephone

+201225539750

Website

Alerts

Be the first to know and let us send you an email when AVC posts news and promotions. Your email address will not be used for any other purpose, and you can unsubscribe at any time.

Shortcuts

Share

Category