11/09/2017
علشان نظافة ودن كلبك بتحميه من أى عدوى تعمل مشاكل فيها لازم كل فترة تبص جوا ودن كلبك و تشوف نظيفة ولا لأ و لو مش نظيفة الموضوع مش هياخد من وقتك دقيقة 😃
لو مش نظيفة و فيها شمع أو أى حاجة تانية لازم تنظفها كويس و التنظيف مش هيآخد من وقتك كتير برض بس مهم تشوفها لصحة أليفك ✋
و عشان تنظفها كويس هنقولك تنظفها إزاى فى ٤ خطوات 👌
۱- حضر قطعة قطن صغيرة و محلول تنظيف للودن عبارة عن زيت صبار جونسون مثلاً أو معلقة كبيرة خل على معلقتين مياه و دة محلول قوى جداً و آمن و اوعى تستخدم مياه بس
٢- العب مع كلبك الأول و اديله تريتس عشان تشجعه و ابدأ امسح ودن اليفك كويس من برا بالقطن و المحلول و حاول متستخدمش الCotton buds بتاعة البنى آدمين عشان مضره لودن كلبك ممكن تؤذيه
٣- ابدأ دخل القطنة فى الودان شوية عشان تنظف الجزء الداخلى لكن بحرص متدخلش القطن جامد عشان متوجعهوش
٤- بعد ما تنظف ودن واحدة و قبل ما تنظف التانية سيب فرصة لكلبك ينفض ودنه و يهز دماغه عشان ميزهقش
٥- مهم مكان التنظيف فى البيت يكون كلبك بيحبه مش مكان غريب عليه و بعد التنظيف تديله تريتس و تلعب معاه كمكآفأة
منشن لصحابك مربيين الكلاب عشان يستفيدوا زيك 😄