مراح البركة للماعز الحجازي والسلالات بمصر

  • Home
  • Egypt
  • Tanta
  • مراح البركة للماعز الحجازي والسلالات بمصر

مراح البركة للماعز الحجازي والسلالات بمصر هدفنا رفع الإنتاج الحيواني بزيادة الوعي لدي المربي وإقتناء أفضل السلالات داخل مصر وخارجها.

😌من أرشيف إنتاجنا بفضل الله بمراح البركة بطنطا.💥نتاية بعمر ٣ شهور فطام كانت حوالي ٣٠ كجم فطام يعني مواصفات إنتاجية وشكلي...
05/07/2025

😌من أرشيف إنتاجنا بفضل الله بمراح البركة بطنطا.

💥نتاية بعمر ٣ شهور فطام كانت حوالي ٣٠ كجم فطام يعني مواصفات إنتاجية وشكلية ممتازة 👀 ازاي ياعم دا احنا بنشوف أقزام علي كده لا شكل ولا دم ولا أصل ولا معني!!
🤷‍♂️أقولك حاجه؟
اتفضل تشرف على الطبيعة وتشوف إنتاج من أم شامي أو أم شامي في حجازي وأبوه حجازي (لأكل البيت بفضل الله) عندنا أفخم وأجمل وأقوي من معظم اللي بيتعرض حجازي صرف عند غيرنا لمجرد فيه زريعة ودن أو ودن مدلدلة طالعة له من جيل تاني وللا ثالث هجين حتي مع شامي وللا عجمي.

🏃‍♂️بلاش أي حاجة تشوفوها مدلدلة تفتكروها قبرصي وللا حجازي أو حد يضحك عليكم بوصفها قبرصي أو حجازي السلالة والتطوير بها لايعتمد علي الدلدلة فقط، راجع أصول المال وشوفهم علي الطبيعة قبل الشراء ده حقك وتخير هاتشتري من مين قبل ماتقع الفاس في الرأس، يامسترخص يا مستوكس صدق اللي قالها والله.

🙏استقيموا يرحمكم الله

💝

💐السلام عليكم ورحمة الله وبركاته ✍صبحكم الله بالخيرات أحبابنا الأفاضل وكفانا وكفاكم شر كل ذي شر...وبعد،👍حابب افضفض بشوية...
26/06/2025

💐السلام عليكم ورحمة الله وبركاته
✍صبحكم الله بالخيرات أحبابنا الأفاضل وكفانا وكفاكم شر كل ذي شر...وبعد،

👍حابب افضفض بشوية وقائع أو نصائح مع حضراتكم أعتقد أنها تفيد كثير مننا إن شاء الله:
🌺بداية لايخفي علي أحد منا ما أصاب كل الأسواق من ركود وده ممكن مايكونش لنا يد فيه مباشرة باعتبار أنها أزمة عالمية وتضخمات الكل بيعيشها لم نشهدها طيلة حياتنا وفي مدة قصيرة كالتي عهدناها مؤخرا.

👌المربي عليه النهارده عبئ كبير جدا جدا وتحديات أكبر ومنافسة أقوي وشرسة الحقيقة سواء من أحوال اقتصادية وتضخم وارتفاع أسعار الأعلاف والأدوية والتحصينات والخدمة والإنتاج ومعدلات النفوق، أو أحوال سوق نفسه من من مبتدئ غير واعي أو غير فاهم لكن سمع أسعار وعاوز زي حزونبل اللي بيبيع وبيعبي جيوبه من وجهة نظره 😃 أو تاجر استغلالي انتهازي كل همه مكسبه وبس حتي لو هايتخرب بيتك أو مربي غشاش أو نصاب أو مشتري طماع يعني بصراحة كمجتمع مقفل اللعبة وواصل لأعلي أسباب الانتكاسة والركون والخراب علي الجميع.

👀طيب ايه الكركبة دي يا هندسه ووجع البطن اللي علي الصبح ده؟

👍لا للأسف دي الحقيقة والواقع المرير اللي عايشين فيه لكن يقيننا بالله وحده هو مايقينا بفضل الله وقناعتنا بأن الله لايضيع أجر من أحسن عملا ينجينا، وأن علي المرء أن يجتهد وليس عليه إدراك النتيجة، رغم الأسباب المذكورة وأكثر؟!، ايوة رغمها وأكثر فلا يصح إلا الصحيح، لكن عاوز أقول إن حضرتك كمبتدئ اللي بتسمح لكل المنظومة دي أو أغلبها يشتغل عليك كويس جدا حضرتك لو صبرت واتعلمت وكانت خطواتك محسوبة ومحددة جزء كبير من الكركبة دي مش هايحصل إن شاء الله.

💥وبانصحك يا اخي الفاضل شوية نصائح لعلها تكون المنجية:
👈عليك باختيار البائع سواء مربي أو تاجر أمناء قبل اختيار الحلال نفسه.
👈عليك بملازمة من اشتريت منه حتي تتعلم وتنتج أي حاجة ارجع له فيها وهو مشكورا يساعدك.
👈عليك بالعمل علي نفسك بالعلم والمطالعة العلمية وتدوين الخبرات فقد أصبحت راعيا وكلكم راع وكلكم مسؤول عن رعيته.
👈عليك باختيار الأنسب اللي من جيل واحد فقط إنتاج تتقدم به وتحس بفرق عن الأصول إن شاء الله.
👈بلاش كمبتدئ تشتري دم نقي، إنتاج الدم النقي من نتايات الدم النقي وفحل دم نقي عاوز حسوكة واهتمام زائد في كل السلالات وأنت لسه بتحبي علي ركبتيك فبلاش تطمع وتستعجل هجن وانتج وبيع ولم نفسك ودير بالك علي حالك وبعدين دخل دم نقي و اعلي براحتك.
👈مفيش مانع تبتدئ بالفحل فقط دم نقي بل بالعكس هو الأفضل لك، لأنه لابد منه وهو الي هاينقل معاك الإنتاج مع مستوي أمهات محترمة عن طريق التطوير والتهجين.
👈خليك واقعي واعرف زي مافيه مكسب فيه خسارة وزي مافيه جانب مشرق فيه جانب مظلم في التربية.
👈المال النظيف رخيص والله المال المتكلف المظبوط رخيص مهما كان سعره غالي بالنسبة لك لأنه هاينتج الأفضل لحضرتك إن شاء الله.
👈بلاش تشتري مال هايكون أكله بالغالي وإنتاجه بالغالي ويمكن أغلي من سعره وفي الآخر هاينتج بالرخيص هايطول معاك مدة كبيرة علي ماترد أصل مالك وده مخاطرة أكبر ومصاريف أكثر ف قلل ودلل.
👈خلي نفسك طويل وبداية نجاحك في الإنتاج الحيواني إنك تلم اللي دفعته من ذي قبل.
👈عليك بالصبر والصبر والصبر مفيش مربي محترف وناجح ويكون مستعجل أبدا.
👈التربية بتعود الصبر للمرة الثانية فخليك صبووور وبالك طويل يا إما ما تبدأش من الأساس.
👈الحجازي في مصر معظمه مضروب فبالله عليك خلي بالك مفيش مانع تجيب ودن طويلة تحطها علي كتفك وأنت ماشي جنب الحلال لكن ماتبقاش طويلة علي جسم معزة بلدي ووجه معزة بلدي وإنتاجية معزة بلدي وللعلم فيه خليط ودنه أطول من نقي عادي، باستعجب الحقيقة من متصل يقولي ودنه كام وهو بيسأل علي الودن علشان يضرب بها مع بلدي وزرايبي ويبيع دم نقي عارفك يالئيم😃.
👈يعني تبحث علي مواصفات السلالة القياسية شكليا مفيش مانع وده شئ ممتاز ولكن المواصفات الإنتاجية هي المسؤولة عن التطوير مثل معدل النمو والشاسية والتحويل والتوأم واللحم واللبن وهكذا.
👈وقس ذلك أيضا علي القبرصي فهو سلالة لحم ولبن بجانب المواصفات السكلية المتفق عليها.
👈وأيضا علي البور فهو سلالة لحم وليس أبيض ورقبة بني و٤ حلمات وفقط.
👈وأيضا علي السانين مثلا فهو سلالة لبن يعني مايعينك هو معدل اللبن يوميا كام لتر يوميا؟.
حدد وجهتك واعرف وتأكد إن البداية الصح يعني طريق نجاح ممهد بعد توفيق الله ثم اجتهادك كمربي واهتمامك بتحصيل كل معلومة صحيحة وتطبيقها.
👈عاوزين نطبق علي الجروبات إن أي سلعة غير موصفة توصيف صحيح نافي للجهالة لا يتم قبول المنشور حتي توصف توصيفا جيدا وصحيحا وده محتاج جهد فائق للموافقة على المنشورات أو رفضها من الأدمنز الحقيقة لكن آليته ممتازة لحماية المبتدئ وظبط السوق إن شاء الله.
👈للمرة الثانية في عروض كثيرة في كل السلالات بتعرض أنها دم نقي وهي خليط أرجو اللي يشوف حاجة أو شاكك في توصيف يتأكد منه قبل الشراء مع المختص.
👈السعر ماليش ولا أي حد يتكلم في سعر مال حد فكل مربي أعلم بماله وتكاليفه عليه ومستواه وأصوله وربحه الي يرضيه، فمن باب الأدب لاتسعر مال أحد ولكن وضح التوصيف لمن يجهل به.

🙏باعتذر إن أطلت عليكم وأتمني اكون أفدتكم ولو بقليل علم.

💐وأخيرا وليس آخرا نسأل الله لنا ولكم جميعا البركة في أرزاقنا والعفو والعافية وصل اللهم علي سيدنا محمد وعلي آله وصحبه أجمعين وسلم تسليما كثيرا.





🌺إهداء لحضراتكم عرض من إنتاجنا بفضل الله بمراح البركة بطنطا جدي حجازي دم نقي سلالة (التحذير في بدر الجنوب) بعمر كاسر جوز واللي ماشرفنيش وشاف الحجازي الدم النقي المظبوط فايته كثييير وربنا يعينه علي حاله.

💥💢السيمنتال💢 ولد الفولاذ ولد التحذير الجديد ولد إندار ولد التحذير، الأم بنت بدر الجنوب.

💐ماشاء الله تبارك الله اللهم بارك واحفظ 💥متاح فحل حجازي دم نقي كاسر جوز من أطيب المال اللهم بارك واحفظ.🏃‍♂️العنوان: طنطا...
25/06/2025

💐ماشاء الله تبارك الله اللهم بارك واحفظ

💥متاح فحل حجازي دم نقي كاسر جوز من أطيب المال اللهم بارك واحفظ.

🏃‍♂️العنوان: طنطا - سبرباي

🤳للتواصل 💢01004638617💢 أو خاص لوتكرمتم

🌺بسم الله خير الأسماء، وماشاء الله تبارك الله اللهم بارك واحفظ ✍متاح بفضل الله فحل حجازي دم نقي، الأب سلالة التحذير والأ...
16/06/2025

🌺بسم الله خير الأسماء، وماشاء الله تبارك الله اللهم بارك واحفظ

✍متاح بفضل الله فحل حجازي دم نقي، الأب سلالة التحذير والأم سلالة هت..لر، بعمر كاسر جوز.

🤲ربنا يبارك للي هايكون من نصيبه حيث تجتمع فيه دماء قوية من خشانة وجهامة وأذن ووجه وعين بيضاء وتراكيب لاقوة إلا بالله العلي العظيم، للتطوير من أي سلالة بلا استثناء وللتأصيل والانتخاب الوراثي في الحجازي.

👌نصيحة لله: عاوز تحق الحجازي فعلا وصح عاينه علي الطبيعة، وعاوز تتأكد من تطويره تابع إنتاج من عاملنا من إخواننا الأفاضل بفضل الله مع كل السلالات.

🤳للتواصل خاص أو فون لو سمحت يا أفاضل 💢01004638617💢

🏃‍♂️العنوان: طنطا-سبرباي

31/05/2025

الله أكبر الله أكبر الله أكبر لا إله إلا الله،

الله أكبر الله أكبر ولله الحمد...

30/05/2025

لقد حصلتُ على ما يزيد عن ‏٥٠٠‏ من التفاعلات على منشوراتي الأسبوع الماضي! شكرًا للجميع على الدعم! ‏🎉‏

27/05/2025

✍تشريف وتكريم أخونا الحاج محمود البكر بالزيارة لمزرعتنا المتواضعة حللت أهلا ونزلت سهلا يا حبيبنا الغالي بارك الله لنا ولكم جميعا في أرزاقنا دعواتكم بالبركة ولكم بالمثل وزيادة وجزاكم الله خيرا💐.
🏃‍♂️العنوان:طنطا .. سبرباي
🤳لأي استفسار يرجي التواصل علي👇 💢01004638617💢

💝

26/05/2025

💐ماشاء الله تبارك الله اللهم بارك واحفظ

✍في زيارة تشريفية لمزرعتنا المتواضعة من أخينا الكبير الحاج محمود البكر

🌺ماشاء الله تبارك الله اللهم بارك واحفظ🌺✍متاح بفضل الله 💥جدي حجازي من حلالنا بفضل الله، دم نقي عمر ٨ شهور تقريبا لباني، ...
05/02/2025

🌺ماشاء الله تبارك الله اللهم بارك واحفظ🌺

✍متاح بفضل الله
💥جدي حجازي من حلالنا بفضل الله، دم نقي عمر ٨ شهور تقريبا لباني، بداية شغله وربنا يبارك لنا ولصاحب النصيب يارب.
💢 الهرم 💢
🙏الأب مزيج من دماء التحذير والأباتشي، والأم بنت التحذير الجديد ولد إندار ولد التحذير.

🏃‍♂️العنوان: طنطا سبرباي

🤳لأي استفسار خاص أو فون لو تكرمتم يا أفاضل 💢01004638617💢

💝

💢إعلان بيعة💢✍وكما عودنا أهلونا وإخواننا في صعيد مصر، وصعيد من الصعود وعلو المكانة أولا قبل ارتفاع المكان، بحسن اختيارهم ...
03/02/2025

💢إعلان بيعة💢

✍وكما عودنا أهلونا وإخواننا في صعيد مصر، وصعيد من الصعود وعلو المكانة أولا قبل ارتفاع المكان، بحسن اختيارهم لتطوير السلالات في صعيد مصر وخاصة في محافظة المنيا مجددين ثقتهم بنا وبإنتاجنا وبفكرنا مما يزيدنا مزيد شرف وامتنان، ليشاركونا تحقيق رؤيتنا في كل بلادنا الحبيبة من حتمية تطوير السلالات المحلية مع الحفاظ وتطوير السلالات المستوردة، تم اقتناص البطل قبل عرضه كما هو حال القناصين المحترفين، ماشاء الله تبارك الله اللهم بارك واحفظ:

💐💢 #الطوفان ولد الفولاذ ولد التحذير الجديد ولد إندار ولد التحذير ولد الرنج ولد خنجر ولد برد💢 بعمر كاسر جوز

👈الأم: مودة بنت التحذير الجديد ولد إندار ولد التحذير ولد الرنج ولد خنجر ولد برد .. لتتلاقي دماء وجينات كلا الأبوين وأصولهما للسعودية ثم لليبيا ثم لمصر الحبيبة.

🙏من إنتاجنا بفضل الله بمراح البركة بطنطا ليكون جده المشترك من أبيه وأمه التحذير الجديد ممتزجا بدماء من أمهات بنات الجارح والبارون.

🌺اسأل الله العظيم رب العرش العظيم أن يرزق أخي الفاضل Moustafa Abdelaziz خيره عدد شعره خير وبركة بأمر الله.

💝

🌺الحمد لله وحده والصلاة والسلام على من لا نبي بعده🌺✍جاء في الحديث الشريف عن عروة بن أبي جعد البارقي:دفع إليَّ رسولُ الله...
09/01/2025

🌺الحمد لله وحده والصلاة والسلام على من لا نبي بعده🌺

✍جاء في الحديث الشريف عن عروة بن أبي جعد البارقي:
دفع إليَّ رسولُ اللهِ صلَّى اللهُ عليهِ وسلَّمَ دينارًا لأشتريَ له شاةً فاشتريتُ له (شاتَين) فبِعتُ إحداهما بدينارٍ وجئتُ (بالشاةِ والدينارِ) إلى النبيِّ صلَّى اللهُ عليهِ وسلَّمَ فذكر له ما كان من أمرِه فقال له بارَكَ اللهُ لك في صفقةِ يمينِك فكان يخرجُ بعد ذلك إلى كِناسةِ الكوفةِ فيربحُ الرِّبحَ العظيمَ فكان من أكثرِ أهلِ الكوفةِ مالًا.

👌الحقيقة استشهدت بالحديث في أمر الاستثمار في الثروة الحيوانية وما أمس حاجة الناس إليه اليوم سواء في التربية/الحاجة أو التجارة والبيع والشراء.

✍تعالوا نعمل حسبة بسيطة👇
🐐 الدينار الذهبي يساوي ٤ جرامات وربع لو متوسط سعر الجرام ٣٨٠٠ اليوم ما يعادل ١٦١٥٠ جنيه مصريا تقريبا
يعني المعزة كانت بنفس ثمنها اليوم ما يعادل نفس قيمتها بالدينار لأن الذهب أصل الأموال.
🐐 بمعني آخر اللي عنده حلال وبيربي وينتج أو بيتاجر أحسن من اللي راكن فلوسه كعملات ورقية بتقل قيمتها مع الزمن لأنها ليست عملة قياسية مثل الذهب وهو الاستثمار المحبذ.
واللي ماعندوش إمكانيات تربية وقام بحفظ قيمة فلوسه في ذهب هاتظل قيمة المال ثابتة عبر مرور الزمن وهو الإدخار الآمن.

✍عوامل تؤدي لزيادة الربحية وتقليل التكاليف بالنسبة للمربي:
١. زراعة ما يأكلون، بالنسبة لشراء الأكل فالزراعة تقلل التكاليف بنسبة كبيرة.
٢. إن لم أزرع أشتري الأكل أو أغلبه (مواد مالئة وحبوب) في موسمه لكون عروضه كثيرة وسعره أقل من وقت ندرته.
٣. عملية التهجين بشرط عدد يتحمل عليه سعر جدي سلالة لو هاعلي دم الفحل لتطوير الإنتاج أو بالاشتراك مع مربي آخر في شراء فحل ويشتغل عند الاتنين لو عدد حلال كل منهما قليل.
٤. الاهتمام والاستزادة من العلم والمعرفة عن التربية والعلاجات والتحصينات والأمراض وطرق التغذية إلخ...
٥. التوكل علي الله قبل كل شئ ونسأل الله التوفيق أولا وآخرا.
٦.لو قلت التربية بتخسر ف ركنة مالك (عملات ورقية) في إيدك هايخسرك أكتر اشتغل واسعي بالمتاح في إيدك وربك كريم.

👈يقول الله تعالي: { هُوَ ٱلَّذِی جَعَلَ لَكُمُ ٱلۡأَرۡضَ ذَلُولࣰا فَٱمۡشُوا۟ فِی مَنَاكِبِهَا وَكُلُوا۟ مِن رِّزۡقِهِۦۖ وَإِلَیۡهِ ٱلنُّشُورُ }

👈ويقول رسول الله صل الله عليه وسلم تسليما كثيرا:
( إِنْ قَامَتِ السَّاعَةُ وَفِي يَدِ أَحَدِكُمْ فَسِيلَةٌ (نخلة صغيرة)، فَإِنِ اسْتَطَاعَ أَنْ لَا يقُومَ حَتَّى يَغْرِسَهَا فَلْيَغْرِسْهَا).

👈ويقول صل الله عليه وسلم: (إِذا سمع أحدكُم بالدجال وَفِي يَده فسيلة فليغرسها فَإِن للنَّاس عَيْشًا بعد) تدليل علي أن علي المرء أن يجتهد وليس عليه إدراك النتيجة.

💐رزقنا الله وإياكم حسن العمل ودوام التوكل والسعي وأنعم علينا وعليكم بخيره العظيم وبركته وصل اللهم علي سيدنا محمد وعلي آله وصحبه أجمعين وسلم تسليما كثيرا...💐

Address

Tanta

Telephone

+201004638617

Website

Alerts

Be the first to know and let us send you an email when مراح البركة للماعز الحجازي والسلالات بمصر posts news and promotions. Your email address will not be used for any other purpose, and you can unsubscribe at any time.

Contact The Business

Send a message to مراح البركة للماعز الحجازي والسلالات بمصر:

Shortcuts

Share

Category