03/03/2026
اسباب تفاوت الاوازن والسردة
*مبدئيا اي حاجة تحصل للفراخ تاثر عليها بالسلب هتعمل سردة وتفاوت اوزان
يعني اي حاجة وحشه تحصل هتعملك تفاوت اوزان وسردة زي مثلا:-
١-) مربي لسه جديد مش مهتم بالمساحة العلفية يعني عدد العلافات وعدد السقايات اقل من عدد الفراخ ..................................................................................
2-) مش مراعي مساحة التسكين والمكان عندك مزدحم..................................................................................
3-) مش ظابط الحرارة ولا التهوية ولا الرطوبة ولا الفرشة ..................................................................................
4-) اهمالك في تدفئة العنبر في دورات الشتاء قبل وصل الكتاكيت ب 12 ل 24 ساعه (كل واحد بقي عارف مزرعته بتاخد وقت اد اي علي اما توصل للحرارة المطلوبة انا مثلا بشغل الدفايات والهيتر قبل وصول الكتاكيت ب 15 ل 20 ساعه طبعا الهيتر والدفايات مبتشتغلش متواصل انما انت ظابط الحساس علي درجة معينة بيوصلها بيفصل نزلت بيشتغل) فالموضوع دا محتاج تكون مشغل الهتير والدفايات قبل وصول الكتاكيت بمدة لا تقل عن 12 ساعه علشان تدفي كل حاجة في العنبر خصوصا الفرشة والا الكتكوت لو نزل لقي الفرشة باردة هتعمله بردوة في ارجل الكتكوت وهيحصل برودة في حرارة الكتكوت الداخلية ودا هيعملك تفاوت اوزن وسردة كتير وحاجات اكثر انت في غني عنها ..................................................................................
5-) الفرشة لو مش مستوية يعني مش في مستوي واحد في الفترة الاولي قبل نزول الكتاكيت بتعمل حاجة اسمها الجيب الحراري يعني مناطق فيها الحرارة عالية فالكتاكيت بتتجمع فيها واماكن فيها بردوة فالفراخ تبعد عنها وبكدا الانتشار مش هيبقي كويس وكيس المح هيتاخر في الامتصاص عندك وهيحصل تفاوت اوزان وسردة ومشاكل كتير جدا ..................................................................................
6-) بعض المعامل والموذعين ايلي معندهمش ضمير بيخلطوا الدفعات ببعض او حتي في المعمل لو هو مش امين ممكن يدخل بيض من اكثر من مزرعه في مفرخ واحد وفيه موذعين بتقف علي الطريق بالعربيات وتخلط الدفعات ببعض
فعلشان كدا لازم انت كمربي الكتاكيت وصلتلك وفرزتها وبعد كدا خدت متوسط وزن للقفص او البرنيكه ايلي هي فيها مثلا 80 كتكوت
فطلعلك متوسط الوزن 45 جرام مثلا
اياك تعتمد علي متوسط الوزن الجماعي وتقول الكتكوت دا حلو او متوسط وزنه حلو من مجرد انك وزنت القفص كله فقط
لكن لازم تاخد وزن فردي
اختار قفصين كدا
واوزن الكتاكيت ايلي فيهم بشكل فردي
كتكوت كتكوت
لو لقيت الاوزان الفردية الفرق بينها كبير متستلمش الدفعه
يعني لو لقيت مثلا القفص الواحد
فيه
30 كتكوت متوسط وزن 35 جرام
و
30كتكوت متوسط وزن 42 جرام
و
20 كتكوت متوسط وزن 45 جرام
فدا كدا معناه ان الدفعه دي مخلطه والموذع ايلي انت جايب منه دا مش آمين ومتستلمش الدفعه لانها هتكرهك في عيشتك طول الدورة..................................................................................
7-) السموم الفطرية زي ما قلنا قبل كدا ان السموك الفطرية بتاثر علي استهلاك العلف فبالتالي بتاثر علي النمو وكمان بتاثر علي الكبد بتعطل انزيمات في الكبد ايلي هي مسؤولة عن معدل التحويل الغذائي فبالتالي بيحصل عندك مشاكل في النمو وسردة ..................................................................................
8) الكوكسيديا والكولستريديا لو متعاملتش معاهم صح
هيحصلك تفاوت في الاوزان وسردة ..................................................................................
9-) لو وقعت في دفعة كتاكيت فيها اي كولاي وسالمونيلا ومنضفتش الكتكوت كويس في الاسبوع الاول ايلي بيقولك استعمل مضاد حيوي ضعيف وخلي القوي لاعمار اكبر متسمعش كلامه مهو معذور ميعرفش من المضادات الحيوي غير التايلوزين والاريثرومايسين والكولستين والنيومايسين
لكن لازم تنضف الكتكوت كويس اوي اوي وتاسسه صح قبل اما تطلع من الأسبوع الاول
10-) الجمبورو الفارينت بردوا من ضمن اعراضه تفات اوزان في اعمار مبكرة من اليوم السابع لليوم ال 14
11-) اي اصابة فيروسية بردوا هتعملك تفاوت في الاوزان هتعملك مشاكل في الاوازن عموما ...................................................................................
طيب الحل اي علشان اسيطر علي مشكلة تفاوت الاوزان دي
1-)متهملش في الحاجات ايلي هي في ايدك زي اهتم بمساحة العلف والمياه كلما زادت مساحة التعليف قل تفاوت الاوزلن والسردة
يعني انت لو زودت عدد علافات وسقايات افضلك من انك نبقي حاطط عدد قليل
يعني في التحضين مثلا لكل الف كتكوت
15 ل 20 سقاية يدوي حجم متوسط
20 ل 25 طبق تحضين
وبعد كدا لو شغال
سقايات جامبو 5 ل 7سقايات للاف
و 20 ل 25 علافه حجم متوسط ..................................................................................
2-) مساحة التسكين مهمه جدا..................................................................................
3-) متخليش يبقي فيه اهمال منك او من العامل ايلي معاك وتهمل في التهوية او التدفئة والعامل ايلي معاك ينام بليل ويسيب الحرارة تنزل والدنيا تبوظ اكثر بليل بصرف النظر عن تفاوت الاوزان والسردة فهيحصلك مشاكل اكبر من مما تتخيل انت في غني عنها بات انت في مزرعتك بليل ..................................................................................
4-) لازم تنظف الكتكوت كويس اوي قبل اما تطلع من الاسبوع الاول من الامراض البكتيريا زي الاي كولاي والسالمونيلا
وطبعا اكيد. هيبقي معاهم مايكوبلازما نظف كويس اوي ..................................................................................
5-) مشاكل تفاوت الاوزان الناتجه عن الاصابة الفيروسية دي محتاجه بقي تبقي متابع معايا علشان نشوف هنشتغل ازاي وعلي اي بالظبط حسب حالتك ووضعك ووضع عنبرك
لكن مفيش كلام عام..................................................................................
6-) دايما خلي في البرنامج بتاعك
بروبيوتيك زي الباكتيلاك
واحماض امينيه زي النيبرجين
ومنشط كبد زي الليفارين
ومضاد سموم بيولوجي زي الرويال تكس..................................................................................
7-) واخيرا متنساش تبعتلنا وتسال علي تفاصيل المتابعه المجانيه مع الدعم الفني
