Cat's Planet

06/01/2022

لما قطتك تشوف قط الجيران 👇😄 الحب من أول ناوه 😆😆💞.

06/01/2022

أنا بجد مش مصدق إزاي الحلوين دول لسه ما طلعوش !! بالأخص كوكا دي من أجمل البنات الشانشيلا اللي عرضتها في الصفحة بجد قطة قمر وواخده كل تطعيماتها وملكة في نفسها كدة من التجمع كمان ♥ لسه ما لاقتش حد مناسب ليها ولا لمشمش الجميل ♥ كلموني رسايل .

06/01/2022

مساء النونوه عليكم تفتكروا بما إني انهاردة وبكرة اجازة لأول مرة في حياتي 🤷😁 جاء الفرج نعمل ايه ؟ اقتراحاتكم من مواضيع أو فقرات أو تبني اتفضلوا اقترحوا يا أعضاء النونوه العليا 😁😆....

05/01/2022

مهم لمتابعي الصفحة 👇👇😄.

05/01/2022

♥♥ .
: 1 .
شانشيلا تايجر بيور ♥♥
: كوكا
: بنت .
: عامين .
: عدم التفرغ فقط .
ما شاء الله جيدة ومطعمة كل التطعيمات بالشهادة بتاعتها ♥.
: التجمع الأول /القاهرة_ .
👇👇.
القطة بيور ما شاء الله جميلة جدًا جدًا وهتروح للي يستاهلها نضيفة وواخده كل تطعيماتها ومعاها شهادة متعودة ع الليتر بوكس وجميلة اللي عايزها يكلمني ع رسايل الصفحة ممنوع التجار الأنسب هديله رقم صاحبتها فقط شكراً .

05/01/2022

مساء الخير عليكم ♥♥ معلش اليومين دول مقصر مش بنشر حاجة بس شبه مابروحش البيت 😁🤦🤷😓 فأعذروني بقى والله الرسايل لوحدها كفيلة تخليني اروح ما انامش =D > ليه كل دي رسايل 63 رسالة في يومين 😓😓 ونصهم حالات متأخرة يارب والله هرد على الجميع لحد ما أشوف حد يشيل عني الحمل ده قبل ما يحصلي حاجة 😄😁 .

04/01/2022

مساء الخير عليكم -- .
عايز أنبه على حاجة الله يكرمكم ضروري جدًا عشان ابتديت أتضايق من الموضوع ده جدًا وبقى يأثر عليا حرفياً في 3 حالات على مر 3 أيام حاليا تكلمني على قطط مصابة بتسمم وطبعاً مش عارفين يفرقوا بين تسمم والفيروس لأن الإتنين يكادوا يكونوا في الأعراض أقرب إلى بعض جدًا في البداية مع إختلافات بتتلاحظ وده أنا ذكرته في المواضيع خشوا البوست المثبت واختاروا موضوع الفيروسات والتسمم واحفظوهم من فضلكم والله مهمين المهم يعني الحالات كانت بتجيلي لما خلاص مفيش أمل لأ وتجيلي الساعة 1ونص ولا حاجة ببقى خلاص دخلت نمت عشان أصحى بدري غير كدة يعني انا ممكن أصحى عادي عشان أساعد أو انقذ بس المشكلة 1 ونص والحالة متأخرة وخلاص بتموت فبتكلمني اللي هو بتموت وهي بتكلمني الموضوع بيتعب فعلاً يعني حضرتك كان عندك يوم أو يوم ونص كاملين في أعراض ظهرت جيتي بعد ما خلاص الروح بتطلع !! طبعاً حصلت مع حالتين والإتنين ماتوا لأن صحابهم بيكلموني في نفس التوقيت المتأخر ده والقطط وصلت لتشنجات ونزلت ريالة وفقدت الشهية والحركة عدا الإيدين فاللي هو أنا وقتها هتصرف إزاي وطبعاً بنصح وقتها بحقنة فورية أو عيادة علطول مفيش وقت إني انقذك أون لاين كدة نهائي القطة بتموت !! لدرجة القط اللي مات من يومين ده والله كنت نايم معرفتش أكمل نوم ولما نمت حلمت بالموضوع فبقى صعب شوية الحالة الأخيرة جت بدري شوية صغيرين والحمد لله أنقذتها بس اللي ضايقني إن الحالات بتيجي متأخر طب ليه هساعدكم إزاي أنا كدة !! وكل يوم أنبه أنبه أنبه على المواضيع ده خلوا المواضيع معاكم مانا ممكن يجي عليا فترة أضطر ما افتحش غصب عني أعمل ايه من فضلكم اهتموا شوية عشان دي روح هتتحاسبوا عليها الموضوع يضايق بالأخص إني ماليش ذنب نهائي أنا حاولت أساعد في حاجة منتهية للأسف الحمد لله من فضلكم خدوا كلامي على محمل الجد وشكراً 💔😓.

03/01/2022

👇👇

♥♥.
: 1 .
شانشيلا تايجر بيور ♥♥
: كوكا
: بنت .
: عامين .
: عدم التفرغ فقط .
ما شاء الله جيدة ومطعمة كل التطعيمات بالشهادة بتاعتها ♥.
: التجمع الأول /القاهرة_ .
👇👇.
القطة بيور ما شاء الله جميلة جدًا جدًا وهتروح للي يستاهلها نضيفة وواخده كل تطعيماتها ومعاها شهادة متعودة ع الليتر بوكس وجميلة اللي عايزها يكلمني ع رسايل الصفحة ممنوع التجار الأنسب هديله رقم صاحبتها فقط شكراً .

03/01/2022

ساعدوا في أول مشكلة تنزل على الصفحة من فضلكم لعل وعسى نلاقي حلول ونساعدها فعلاً واللي يقدر بحاجة بيعملها ولو بالكلام فقط أتمنى تتفاعلوا وتساعدوها عشان ده أبسط حاجة الشخص بيقدمها الكلام الإيجابي 😄.

03/01/2022

👇👇.
السلام عليكم اولا انا بعتذر مقدما لو هاطول عليكم بس انا عندى مشكلة ومش عارفة اعمل ايه؟ احب اعرف حضرتك بنفسى انا زوجة وأم لثلاث اولاد وانا ربة منزل اولادى ١٥ سنة و ١٢ سنة و٨ سنوات زوجى بيشتغل فى السعودية وهو بينزل لنا اجازات ممكن ٢او ٣مرات فى السنه انا واولادى بنحب القطط جدا بس عمرى مافكرت اربى قطة بس لما جت فترة كورونا واتحبسنا فى البيت شهور خصوصا والد الاولاد ماقدرش ينزل اجازات بسبب غلق المطارات ففكرنا فى تربية قطة لكن زوجى كان معترض جدا وشايف ان القطط مش مكانها الطبيعى فى البيت لكن بالالحاح والزن وافق وفعلا اتبنيت قطة جميلة لكن قبل ما اتبناها انا ماكنتش اعرف اى حاجة عن تربية القطط فقرأت عن تربية القطط واتفرجت على فديوهات كتير عن تربية القطط وايه احتياجاتها وازاى اراعيها من نظافة واكل وتطعيم وهكذا واشتركت فى جروبات قطط كتير عشان اشوف تجارب الناس اللى ربت قطط واشوف هاقدر على حاجة زى كده ولا لأ انا كان نفسى اربى قطة صغيرة طبعا بتكون ظريفة جدا وهى صغيرة وكمان عشان تتعود علينا بسرعه عارفة انها وهى صغيرة بتتعود اسرع من الكبيرة لكن لقيت مشكلة الزواج قدامى لما القطة تكبر سواء ذكر او انثى ولقيت انى فعلا مش هاقدر على متطلبات الزواج ولا مشاكله سواء ربيت انثى او ذكر ولما اتصلت بدار الافتاء اسأل على التعقيم الشيخ اللى رد عليا قالى حرام قطعا وانا كمان ماكنتش مستريحة لموضوع التعقيم ده بالرغم انى لقيت ناس كتير بتقول انها سألت شيوخ تانيه واجازت الموضوع لكن ماستريحتش فلغيت فكرة القطة الصغيرة وقلت اتبنى قطه كبيرة وتكون متعقمة يعنى اصحابها هما اللى عقموها وفعلا لاقيت قطة جميلة متعقمه كان عندها سنة ونصف لما اتبنيتها صاحبت البوست كانت بس واسطة لصاحب القطة الست كانت محترمة جدا جدا وكانت خايفة على القطة جدا وبتسأل كتيير جدا على كل التفاصيل عشان تتأكد انى هاقدر احافظ على القطة وصاحب القطة عمرى ماتواصلت معاه هى قالتلى انه حصل له حادث كبير واصبح قعيد ووالدته هى اللى بتراعيه وهى ست كبيرة ومش هاتقدر تاخد بالها على القطة كمان وكانت الست الواسطة كانت معايا خطوة بخطوة وكنت بسألها على كل حاجة لحد ما القطة اخدت علينا وحبينها جدا وهى كمان حبيتنا والدنيا كانت تمام وربنا يعلم انا راعيت ربنا قد ايه فى القطة من اكل ونظافة وتطعيم وكل شئ والقطة بقت بتحبنى جدا ومتعلقة بى جدا جدا القطة بقالها عندى سنة ونصف يعنى دلوقت عمرها ٣ سنوات.... المشكلة بقه زوجى بعد كام شهر من تبنيها بدأ يرجع فى كلامه تانى ويقولى امشى القطة لكن طبعا كنت برفض وكنت بحايله عشان ماتمشيش وكان شوية يسكت وشوية يرجع يقول مشوها انا ندمت انى وافقت انكم تتبنوها لكن كانت الدنيا ماشية وخلاص خصوصا انه اصلا مش قاعد معانا لكن بسبب الكورونا زوجى مانزلش اجازة لمدة سنتين من ضمنهم السنة ونصف اللى القطه كانت معانا فيهم ولما الحمد لله قدر ينزل اجازة اسبوعين ماكانش مستريح ولا متقبل القطة ولما سافر قررنا اننا نسافر احنا كمان ونعيش معه فى السعودية وان شاء الله لما السنه الدراسية هاتخلص هانسافر ونستقر هناك وطبعا زوجى مش عايز نسافر بالقطة وكمان تكاليف سفرها كتير علينا فكلمت الست اللى كانت وسيط فى التبنى وانا طول السنة ونصف كنت على تواصل دائم معاها وببعت فديوهات للقطة وصور ليها تطمنها وكنت كمان باستشيرها فى حاجات كتير عشان القطة وكانت محترمة جدا وبترد عليا فى اى استفسار وكانت موصيانى انى فى اى وقت حصل اى ظرف يخلينى ماقدرش اكمل مع القطة انى اكلمها وهى هاتتصرف وتلاقى بيت تانى لها وانا عملت كده لكن الست انفعلت عليا جدا جدا وقالتلى انى مش قد المسؤلية وانى مش قد كلامى ودعت عليا وانا برغم التجريح وكلمها ليا كنت مقدرة جدا ده لأنى انا نفسى عمالة الوم نفسى انى ماقدرتش اكون قد كلمتى لكن غصب عنى انا حاولت كتير مع زوجى واتخانقنا كتير لكن بصراحة فى الاخر مش هاقدر ما انفذش كلامه انا مش عندى مصدر دخل اقدر اصرف بيه على القطة ولا على سفرها وزوجى هو اللى رجع فى كلامه مش انا وانا مضطرة اطلع القطة تبنى لكن بصراحة مش عايزة اكلم الست دى تانى بعد ما اهانتنى خصوصا انها بتقول معندهاش حد ياخد القطة وبرده مش عايزة اعرضها تبنى لانى خايفة اديها لحد مايستحملهاش ويمشيها القطة برغم حنيتها وارتباطها بى لكنها من القطط اللى مش دمها خفيف وتقاطيع وشها مش جميله ومش بتلعب كتير يعنى عايزة اللى ياخدها يكون بيحب تربية القطط عموما مش للتسالى انا بحبها جدا واولادى كمان مرتبطين بها جدا ومش عارفة اعمل ايه ؟. انا بس عايزة أوضح حاجة إن التبنى ده هايكون آخر حل ولو مافيش غير كده مش هاطلعها غير على الصيف قبل السفر
... مش عايزة امشيها ولو مشيت مش قادرة اثق فى اى حد يخدها خايفة عليها تتبهدل ....انا بعتذر جدا جدا انى طولت بالشكل ده لكن انا استريحت للصفحة بتاعتكم وحاسة ممكن يكون عندكم حل
.
.

03/01/2022

مساء الخير , ازيكم ^^ .
,, في فقرة جديد هيتم إضافتها وإن شاء الله على قد ما ربنا يقدرني أخليها تمشي بشكل ثابت هي فقرة مشاكل خاصة بالقطط والفكرة دي جاتلي لما وصلني مشكلة إنهاردة وطبعاً طلبت رأي الأعضاء فهنشرها يمكن نلاقي حلول وتساعدوا فيها لعل وعسى نجد حل في الموضوع عشان الجديد عندنا وبس =D =D ربع ساعة وهنشر المشكلة وفقرة طلبات برضو هتبقى من طلبات الأعضاء يعني ربنا يقدرني المشكلة الوقت وإني لسة راجع فالموضوع هيبقى صعب عشان لوحدي بس هحاول على قد ما أقدر أكون قد الفقرات ولو خصصت ليهم يوم أو يومين إستقبال مشاكل وطلبات خاصة بالقطط مش إستشارة مشاكل يعني الأهل رافضين الزوج رافض القط هيروح لمين مشاكل خاصة بإقتناء القطط فبيتم طرح المشكلة وإنتقاء الحلول منكم ♥ بس كدة أتمنى تدعموا أفكاري وشكراً ^_^ ♥.

02/01/2022

مهم جدًا أقسم بالله من فضلكم اهتموا كفايا إهمال من فضلكم 👇👇😓😓..

موضوع اتكلمت فيه قبل كدة وبعيد نشره لشدة أهميته وعشان هينفع الكل وهتبقى منقذ لأرواح كتير ممكن تموت قدامك وأنت واقف ! وهتبقى نفعت نفسك بعمل صالح تقوم بيه والأكتر نفع إنك تشير الموضوع ده هتاخد ثواب كبير إن حد ينقذ روح من خلال الشير بتاعك مهم 👇👇👇
.
ً__________ ( ) 🐾😷
---
😅 😊
-------
الموضوع ده أنا بعتبره أهم موضوع ممكن نتكلم فيه وممكن أي شخص سواء عنده قطط أو لأ أنه ع الأقل يقدم المساعدة لأي قطة في الشارع من باب الرحمة والإنقاذ وفي كتير جداً ربنا أكرمهم وبيعملوا كدة التسمم ده حاجة فظيعة للأسف بيجي عن طريق أسباب كتير ولو ما قدرتش تلحق قطتك هتخسرها وتخسر غيرها لو فكرت إنك تربي تاني لأنك ما اتعلمتش من الأولى عشان تحافظ على التانية فلازم نبقى على درايه كاملة من كل جوانب الموضوع عشان نقدر نحافظ على القطط الي بنربيها الموضوع ده أنا كنت ناوي أكتبه من فترة بس حصل ظروف وكل حاجة بتيجي بمعادها المهم ندخل في الموضوع 👇.

------------------
1) #اكل او ابتلاع مواد سامة أو اكل حيوانات ماتت بسبب السم أو حيوانات لم تمت .. 👇
إزاي زي مثال لذلك البرص المرشوش برش ما والي حصل ودخل الشقة والقطة لأن حاسة السمع عندها أقوى من البشر بكتير فبتسمع وبتشوفه بسرعه ولو حصل وتم اصطياده وكلته فهنا أصيب بالتسمم .. وهكذا الفار الي كل السم بس لسه لم يظهر مفعوله والقطة قامت بإصطياده وكلته هتصاب بالسم ده ودي رقم 1 .
2) #ابتلاع مادة سامة بسبب تنظيف ول*ق نفسها .. 👇
ده بيحصل برضو لو تم رش المنزل أو وضع سم فئران في المكان والقطة نامت أو قعدت في المكان ده او حتى مشيت عليه طبعا جسمها جيه عليه مادة الرش السامه وطبعا بطبيعة القطط بتحب تل*ق نفسها كتير لأن القطط بطبيعتها وفطرتها نظيفة فبمجرد ما تل*ق نفسها هتصاب بالسم لأنها ل*قت المكان المصاب بالسم ودي رقم 2.
3) #إستنشاق القطط للمواد السامه عن طريق الأنف زي الرش برضو .. 👇.
وهنا في حالة الإستشناق بيتم تسمم القطة عن طريق الإختناق وظهور الأعراض كاملة
--
4) مواد سامة عن طريق الجلد 👇👇
وده بيحصل إزاي ؟؟ 👇
حالات كتير بحذركم منها على الرسايل بتموت بسبب مواد علاج الحشرات الخاطئ جداً جداً اللي هو بيروح مربي القطط ويشتري من المحل امبول أو دوا مالوش ماركة ولا هو معروف ويستعمله لقطته بهدف إنهاء مشكلة الحشرات عندها وفي النهاية القطة بتتسمم وبتموت حتى البارس الامبول جت فترة ونزل منه مغشوش كتير وحصل تسمم للقطط ياما عن طريق الإستخدام الخاطئ أيضا بيحصل تسمم للقطط عشان كدة نصحت بحاجات تانية زي أومني جارد إسبراي على الأقل معروف وفي عن طريق اكتومثرين و ايفرزين للقطط ودي أصلا ادويه سامه بتستخدم لعلاج الحشرات والنمل وغيرهم فكون إني شخص جاهل ينصحك بإستخدامهم على جسم قطتك !! فأنت هنا بتقتلها بإيدك وبإرادتك كمان !! وهنا بيحصل برضو تسمم للقطة ! وبيبقى أقوى كمان بسبب شدة السم وقوته ! .
كدة إحنا اتكلمنا عن الأسباب هندخل دلوقت في الأعراض 👇
_______________________________________________ -------- .
👇 ...
الأعراض بتختلف وفقا للمادة اللي تسببت في التسمم يا بتزيد يا بتقل فهنا هوضح كل الأعراض كاملة جايز تشوف نصها وجايز تشوفها كلها وجايز تشوف جزءا منها على حسب قوة المادة ونوعها .
👇
1) صعوبة في التنفس
-
2) عدم اتزان
-
3) قئ
-
4) اللعاب الكثير (الريالة)
-
5) الرعشة
-
6) تشنجات
-
7) ضعف عام وهمدان تام وخمول
-
8- اتساع في حدقة العين
-
9) سعال
-
10) اضطرابات في المعدة
---------------------------------------------------

أعراض التسمم عند القطط المتعلقة بالجهاز الهضمي تظهر على هيئة ترجيع مستمر و اسهال و فقدان الشهية لقطتك وهنا زي ما وضحنا فوق في الأسباب عن طريق الأكل والبلع __ 👆
--
#ثانيا _ الأعراض العصبية تشمل الرعشة، التشنجات، فقدان الاتزان والمشي بصعوبة، وربما الغيبوبة الكاملة في الحالات الشديدة وهنا في حالات تمكن وتغلغل السم في الجسم
--
الأعراض التنفسية قد تشمل السعال والكحة. وكذلك صعوبة التنفس
الأعراض التي تظهر على الجلد بسبب حدوث التسمم في القطط تكون على هيئة تورم أو التهابات في الجلد وهنا عن طريق الإستنشاق زي ما وضحنا برضو فوق في الأسباب .. 👆.
بس في بعض السموم قد تتسبب في ظهور جميع هذه الأعراض مع بعضها البعض، يعني هتلاقي كل العلامات القئ والاسهال بسبب التسمم و أيضا الأعراض العصبية والتشنجات وغيرها.
وفي بعض الأنواع من التسمم في قطتك قد يتسبب في فشل الكبد والكلية وهذه الأنواع من التسمم قد تكون بسبب الغذاء ..
وكدة نبقى خلصنا الأعراض الهامه كلها في حالات التسمم هندخل حاليا في التعامل مع القطط وقتها والعلاج 👇
--------------------------------------------------------------------------
👇..
1) يعني لو زي ما وضحنا فوق لو المكان فيه رش أو سم لازم تنعزل في غرفة ما فهاش لا رش ولا سم .. ...
2) *ق_نفسها__ يعني لو السم ع جسمها زي ما وضحنا لازم تمنع قطتك من ل*ق نفسها علطول لحد ما تشيل المادة السامه دي من عن فروها ...
3) لو السم ع جسمها لازم تحميها فورا عشان تنضف مكان السم وتزيله منعا من ل*ق نفسها ودخول السم ..
4) .. مهمة جدا لو قدرت تحدد السم ده عن طريق إيه سم فيران أو رش أو مادة فاسده أو نبات عليه رش إلخ بيسهل طرق علاج السم ومعرفة المادة وسرعة العلاج .................
وبكدة خلصنا كيفية_ التعامل مع القطط وقتها ندخل دلوقت في العلاج ..
_______________________________________________________________________.

_____________________
وده أهم حاجة لأنك لو اتصرفت غلط وقتها هتخسر قطتك نهائياً وهتندم طبعا .
1) لو السم في بدايته من مصلحة القطة إنك تخليها ترجع عشان تفقد السم ده وبيبقى عن طريق البيض الني وده بيساعد جدا في إن القطة تقوم بالقئ ومن هنا هتفقد السم اللبن للأسف مش بيعمل أي مفعول زي ما أغلب الناس بتقولك !! ما هو إلا لتأخير إمتصاص السم فقط إنما مش بيعالج عشان كدة الخطوة الأولى دي في البدايات فقط قبل مرور نصف ساعة من دخول السم للقطة فهنا بنستخدم قرص فحم مع البيضة النيه عشان يمتص السم ويخلي القطة ترجع الاتنين دول مالهمش أي لازمه لو مضى نصف ساعه هيبقى قرص الفحم زيه زي اللبن مالوش لازمه إنما البيض الني إلى حدا ما بيسبب القئ وهنا ممكن القطة ترجع السم ولكن ليس علاج أكيد إلا في البداية فقط عشان تحلقها ودي أولى خطوة .
2) لازم يبقى في حاجات أقوى عشان السم المتعمق الي ماينفعش معاه الخطوة الأولى واللي فات معاد تنفيذ الخطوة الأولى معاه لازم يبقى في إبرة قوية لمعالجة السم من الداخل زي مثلا ابره كورتيجين ب6 دي بتعالج التشنجات والقئ الناتج عن التسمم الداخلي او الخارجي .. .
3) .. يجب أن يتم إعطائه إبره أتروبين وذلك على حسب نوع التسمم، وهذا هو أسرع علاج للتسمم القطط
: الزبادي بالعسل _ مهم جدا برضو ومفيد وبيساعد نوعاً ما ع التخلص من السم في الحالات الأولى لو تم استخدامه 3 مرات ع مدار اليوم فهو مفيد جداً
وبكدة نبقى اتكلمنا عن طرق العلاج كاملة والخطوات هندخل في الوقاية دلوقت ..
____________________________________________________________________
👇
-----------------------.
1) لازم تفصل قطتك وتعزلها لما تنوي ترش البيت وتفتكر كويس وتاخد بالك إن عندك قطة يعني ما ينفعش نهائي إنك ترش وترميها للموت بإيدك قررت ترش يبقى تفضي أوضه تعزل قطتك فيها وتفصلها وترش البيت كله وتلبي إحتياجاتها بدون داع إنك تخرجها من الأوضه خالص لحد ما مفعول السموم الي أنت رشيتها تروح ..
2) #الحذر المواد الكيماويه اللي بترش بيها النبات لو أنت من مربي النباتات لازم تعزل القطة برضو عنها وتبعد القطة عن النباتات دي عشان لا تصاب بالسم ..
3) _ تركز مع قطتك في أكلها وتواريخ الإنتاج للأكل والمواد الي بتستخدمها لعلاج حشرات قطتك لازم تبقى معروفة مش مجهولة المصدر من محل حيوانات بيفتي لأ لازم تبقى على علم ومطلع عليها كويس قبل الإستخدام وأهم حاجة حتى لو الأكل سايب شوف تاريخ إنتاج الشكارة الكبيرة قبل ما تاخده حفاظا على قطتك ..
4) لو لاحظت أي حاجة غريبة أو بوادر تسمم لازم يبقى عندك قوة الملاحظة عشان تلحق تعالجها بالخطوة الأولى الي أنا ذكرتها فوق قبل التدرج في الخطورة وتعمق السم فكون إنك تلحقها في البدايات وتلاحظ ده مهم جدا جدا جدا وتبقى قصرت الطريق على نفسك وحافظت على قطتك .
5) أهتم جدا إنك تحافظ على نظافة بيتك من القوارض والأبراص والصراصير والنمل لأني أي حاجة من دول لو سامه وقطتك قامت بإصطيادها زي ما وضحت مسبقا هتصاب بالسم فكون إنك تلاحظ وتهتم وتقتل أي حشرة زي دي قبل إصطياد قطتك فأنت كدة لحقتها وحافظت عليها قبل أن تصاب بالسم بس كدة ...
وبكدة نكون إتكلمنا عن الوقاية وكما يقال الوقاية خيراً من العلاج وده أهم ..
#أخيراً.
أرجو أكون وفقت في كتابة الموضوع ويكون عجبكم لأني تعبت في كتابته وأكون قدرت أرتب كل الخطوات والأفكار اللي تساعدكم وتنقذكم في موقف زي ده حرج وصعب وأنتم وقتها بتبقوا زي التايهين مش عارفين تتصرفوا ازاي أنا نظمت وكتبت كل حاجة في الموضوع ممكن تتخيلوها وتتصوروها كتبتها في البوست ده وبسلاسة وبساطة وتلقائية عشان يبقى الكلام سهل عليكم وتفهموا أسرع إزاي تتعاملوا وقتها وأتمنى ينال إعجباكم وما تنسوش تشيروه بجد لأنه مفيد جدا جدا وهتفيدوا بيه غيركم من الناس وتنالوا الثواب إنكم تكونوا سبب في إنقاذ قطط كتير بتموت من السم بسبب جهل صاحبها في التعامل معاها وقتها أو علاجها ما تنسوش تشيروه وتكتبوا رأيكم في كومنت مهم جدا عندي عشان فعلا وبجد تعبت فيه وكتبته بوقت وبتمعن عشانكم ♥ وربنا يجعلكم سبب دايما في إنقاذ حيوان والحفاظ عليه ♥ شكراً لكم وتحياتي لكل عضو وعضوة في صفحتي المتواضعة 😅💓🐾 ♥ .
.