Petsy Vet. Cl. عيادة بيتسي البيطرية

Petsy Vet. Cl. عيادة بيتسي البيطرية كل ما يحتاجه أليفك واكثر 🐾

20% خصم على تنظيف الاسنان لحبايبنا الحلوين 👀❤️احنا في عيادة بيتسي البيطرية عارفين أهمية تنظيف اسنان صديقك الأليف وأثره ع...
11/09/2025

20% خصم على تنظيف الاسنان لحبايبنا الحلوين 👀❤️
احنا في عيادة بيتسي البيطرية عارفين أهمية تنظيف اسنان صديقك الأليف وأثره على صحته عشان كدا بنسهل عليك رعاية اسنانه وبنقدملك عرض خصم 20% لمدة أسبوع 🥳❤️

🏡 العنوان:
ميت غمر - شارع بورسعيد، خلف محل الغول للموبايل، بجوار شومان للموتوسيكلات
📞 للحجز والاستفسار:
01008393822 - 01286491472 - 01148578321

🦷🐾 فاكر إن أسنان أليفك مش محتاجة اهتمام؟كتير من المربيين بيعتقدوا إن الأسنان مش مهمة، لكن إهمالها ممكن يسبب:✨ ريحة فم كر...
04/09/2025

🦷🐾 فاكر إن أسنان أليفك مش محتاجة اهتمام؟
كتير من المربيين بيعتقدوا إن الأسنان مش مهمة، لكن إهمالها ممكن يسبب:
✨ ريحة فم كريهة
✨ التهاب اللثة وتساقط الأسنان
✨ التهابات ممكن توصل لمشاكل خطيرة في الكلى والقلب

❌ أشهر الأخطاء اللي بيقع فيها المربيين:
1️⃣ الاعتماد على العضم الصناعي أو الأكل الناشف بس من غير تنظيف فعلي
2️⃣ ما يخلّوش الحيوان يتعود من صغره على تنظيف الأسنان
3️⃣ استخدام معجون أسنان بشري (وده خطر جداً عليهم)
4️⃣ إهمال فحص الأسنان عند الدكتور البيطري بشكل دوري

💡 الحل:
✅ استخدام فرشة ومعجون مخصص للحيوانات
✅ ألعاب وعضاضات تساعد في التنضيف
✅ كشف دوري عند الطبيب البيطري

💬 قولولنا في الكومنتات 👇
انتو بتنضفوا أسنان أليفكم إزاي؟

كتير من المربيين بيسألوا: "هو التعقيم فعلاً مهم ولا لأ؟"👩‍⚕️ الحقيقة إن التعقيم له فوائد طبية كبيرة بتفرق في حياة الكلاب...
30/08/2025

كتير من المربيين بيسألوا: "هو التعقيم فعلاً مهم ولا لأ؟"
👩‍⚕️ الحقيقة إن التعقيم له فوائد طبية كبيرة بتفرق في حياة الكلاب والقطط:

✨ فوائد طبية للتعقيم:
🐾 بيقلل خطر الإصابة بسرطان الرحم والمبيض عند الإناث، وسرطان البروستاتا والخصية عند الذكور.
🐾 بيمنع التهابات الرحم الخطيرة (pyometra) اللي ممكن تهدد حياة الإناث.
🐾 بيخلي الحيوان أهدى وأقل عرضة للسلوكيات العدوانية أو الهروب.
🐾 بيساعد في تقليل عدد الولادات غير المرغوب فيها وبالتالي يحميهم من الإهمال أو الشارع.

⏰ أمتى نفكر في التعقيم؟
غالبًا بعد عمر ٦ شهور، لكن القرار الصح لازم يكون بعد فحص الحيوان مع دكتور بيطري.

💬 شاركونا 👇
هل فكرتوا قبل كده في التعقيم؟ ولو مترددين… إيه السبب اللي مخليكم مأجلين القرار؟

التطعيمات مش رفاهية… دي خط الدفاع الأول اللي بيحافظ على صحة قطتك ويحميها من أمراض خطيرة 🛡️🔹 تطعيم الديدانبيحمي القطة من ...
26/08/2025

التطعيمات مش رفاهية… دي خط الدفاع الأول اللي بيحافظ على صحة قطتك ويحميها من أمراض خطيرة 🛡️
🔹 تطعيم الديدان
بيحمي القطة من الديدان اللي بتسبب ضعف وخسارة وزن.
📅 من أول ٣ أسابيع، ويتكرر كل ٣ شهور.

🔹 تطعيم الحشرات (براغيث + قراد)
بيمنع الأمراض اللي بتنقلها الحشرات وكمان يريح قطتك من الحكة والتهابات الجلد.
📅 من عمر شهرين، ويتجدد حسب النوع (شهري أو كل ٣ شهور).

🔹 التطعيم الفيروسي (الرباعي FVRCP)
أهم تطعيم للقطط لأنه بيحمي من ٤ أمراض خطيرة:
🦠 بانليكوبينيا (Feline Panleukopenia)
🤧 هيربس (Feline Viral Rhinotracheitis)
🤒 كاليسي (Feline Calicivirus)
👁️ كلاميديا (Chlamydophila felis)
📅 أول جرعة عند عمر شهرين، وبعدها جرعة تانية بعد اسبوعين، وبعد كدا سنويًا.

🔹 تطعيم السعار
بيحمي القطة وكمان بيحميك إنت وأهل البيت.
📅 من عمر ٣ شهور، ويتجدد سنويًا.

✨ التطعيمات دي هي اللي هتضمن لقطتك تعيش حياة طويلة وصحية، وتخليك مطمّن عليها.

📍 قولنا بقى… آخر مرة طعّمت قطتك إمتى؟ 🐾👇

📌 الكلاب زي الأطفال بالظبط.. محتاجين متابعة دورية وتطعيمات عشان يعيشوا بصحة وأمان 💉❤️✨ التطعيمات بتنقسم لـ 3 أنواع رئيسي...
20/08/2025

📌 الكلاب زي الأطفال بالظبط.. محتاجين متابعة دورية وتطعيمات عشان يعيشوا بصحة وأمان 💉❤️

✨ التطعيمات بتنقسم لـ 3 أنواع رئيسية:
1️⃣ تطعيم الديدان 🪱
بيتاخد من عمر 14 يوم ويتكرر كل 3 شهور.
وظيفته: يحمى الكلب من الديدان الداخلية اللي بتأثر على النمو والهضم.

2️⃣ تطعيم الحشرات (البراغيث والقراد والجرب) 🐜
بيتاخد من عمر شهرين ويتكرر كل شهر أو 3 شهور حسب نوع التطعيم/الدواء.
بيحمي كلبك من الطفيليات الخارجية اللي ممكن تسبب أمراض خطيرة زي "البابيزيا".

3️⃣ التطعيمات الفيروسية 🦠
أول جرعة بتبدأ من عمر 45 يوم.
الكورس بيكون عبارة عن 4 جرعات بينهم 3 أسابيع (تطعيم الثماني أو السداسي).
بعد ما يخلص الكورس بياخد تطعيم سنوي للتجديد.
بتحمي الكلب من أخطر الأمراض الفيروسية زي: الدستمبر – البارفو – التهاب الكبد – السعار.

💡 نصيحة مهمة: ما تأجلش التطعيمات ولا تفوت مواعيدها.. كل يوم فرق بيزود فرصة العدوى 👀

🐶 كلبك مسؤوليتك.. والتطعيمات أهم خطوة تحافظ بيها على صحته وصحة أسرتك كمان ✨

🐾 بتحب كلبك؟ خلي بالك من أكله! 🐶في أكلات شكلها بريء… لكن بالنسبة لكلبك تعتبر خطر حقيقي ⚠️🔥🚫 أخطر الأطعمة على الكلاب:🍫 ا...
16/08/2025

🐾 بتحب كلبك؟ خلي بالك من أكله! 🐶
في أكلات شكلها بريء… لكن بالنسبة لكلبك تعتبر خطر حقيقي ⚠️🔥

🚫 أخطر الأطعمة على الكلاب:
🍫 الشوكولاتة: حتى قطعة صغيرة ممكن تسبب تسمم خطير.
🧅 البصل والثوم: بيدمروا خلايا الدم.
🍇 العنب والزبيب: خطر على الكلى.
☕ القهوة والشاي ومشروبات الطاقة: بيرفعوا ضربات القلب.
🍟 الأكل المالح والمقليات: مشاكل قلب وكلى.
🍦 الآيس كريم ومنتجات الألبان الكتير: مشاكل هضمية وإسهال.
🍬 السكر والحلويات (خصوصاً اللي فيها زايليتول): بيهبط السكر بسرعة ويدمر الكبد.
🥑 الأفوكادو: فيه مادة بتأذي القلب والمعدة.
🍖 العظام الصغيرة أو المطبوخة: بتتكسر وبتجرح المعدة أو الأمعاء.
🍄 الفطر البري: بعض أنواعه سام جداً.
🍜 الأكل الحار أو المتبل: بيدمر المعدة وبيسبب قيء.

القاعدة الذهبية: أي أكل مش مخصص للكلاب = ممكن يكون خطر عليه.
📍 لو حصل وأكل حاجة منهم، التحرك السريع ممكن ينقذ حياته.
قولنا في الكومنتات إيه اكتر أكله استغربت منها ؟ 👀

عارف إن في أكلات بنحبها إحنا، بس لو قطتك كلتها ممكن تضرها جامد؟ 😼💔🚫❌ أكلات ممنوعة على القطط:1️⃣ الشوكولاتة 🍫 – فيها مادة...
08/08/2025

عارف إن في أكلات بنحبها إحنا، بس لو قطتك كلتها ممكن تضرها جامد؟ 😼💔

🚫❌ أكلات ممنوعة على القطط:
1️⃣ الشوكولاتة 🍫 – فيها مادة بتسممهم.
2️⃣ البصل والثوم 🧄🧅 – بيسببوا ليهم تسمم.
3️⃣ العنب والزبيب 🍇 – بيأذي الكُلى.
4️⃣ العظام الصغيرة 🍗 – ممكن تعور بطنها أو تسد الأمعاء.
5️⃣ الأكل المالح 🧂 – مش كويس للقلب والكُلى.
6️⃣ البهارات: بتضر الكبد والكلى.
7️⃣ الزيوت والأطعمة المقلية.

💡 حتى لو قطتك بتبصلك بعيونها الحلوة وتتمسح فيك… متضعفش! صحتها أهم 💖

📌 شير البوست عشان نحمي أكبر عدد من القطط 🐈❤️
⬇️ قولنا في الكومنت: إيه أكتر حاجة من دول فاجأتك؟

عندك كلب؟ قطة؟ عاوز تعرف ازاي ترعاهم بأفضل شكل؟ عشان خاطر حبايبنا الحلوين هنقدملك كل يوم معلومة تفيدك في رعايته بأفضل شك...
06/08/2025

عندك كلب؟ قطة؟ عاوز تعرف ازاي ترعاهم بأفضل شكل؟
عشان خاطر حبايبنا الحلوين هنقدملك كل يوم معلومة تفيدك في رعايته بأفضل شكل ممكن.
✔️ التطعيمات ومواعيدها وانواعها.
✔️ أهمية الجرومينج.
✔️ المأكولات الضارة.
✔️ أهمية التعقيم وامتى نعملها وامتى يمكن الاستغناء عنها.
✔️ أهمية تنظيف الاسنان.
✔️ أهمية التحاليل الطبية.
ومعلومات تانية كتير تساعدك ترعاه بأفضل شكل ممكن 👀❤️
تقدر دلوقتي تسالنا في الكومنتات محتاج تعرف ايه نساعدك فيه ببوست مخصص نجاوبك فيه 👋❤️
تابعنا واستنى كل يوم معلومة جديدة 👀

القانون دلوقتي بيجرم حيازة اي كلب من غير ترخيص!تخيل نزلت تمشي كلبك ورجعت من غيره أو جارك بلغ عنه بسبب نباحه طول الليل؟كل...
21/07/2025

القانون دلوقتي بيجرم حيازة اي كلب من غير ترخيص!
تخيل نزلت تمشي كلبك ورجعت من غيره أو جارك بلغ عنه بسبب نباحه طول الليل؟
كل دة هيكون سبب انه يبعد عنك او انك تدفع غرامة ماليه كبيرة!
لو خايف على كلبك يتسحب منك الحق بسرعة اطلب رخصته

⭐⭐تم توفير رخصة 2025 ⭐⭐

🔥الكمية محدودة🔥

رخص كلبك واحميه واحمي نفسك من أي مخالفة قانونية كل اللي عليك تبعتلنا بياناته في رسالة واتس أو تكلمنا علي 📞
📲01008393822
📲01286491472
📲01148578321

🛑 لو عندك كلب أو قطة، لازم تقرأ البوست ده! 🛑السعار مرض خطير جدًا، بينتقل عن طريق العض أو اللعاب، ولما الأعراض بتبدأ تظهر...
21/07/2025

🛑 لو عندك كلب أو قطة، لازم تقرأ البوست ده! 🛑

السعار مرض خطير جدًا، بينتقل عن طريق العض أو اللعاب، ولما الأعراض بتبدأ تظهر بيكون للأسف مفيش علاج، وبيكون مميت بنسبة 100% 😔
يعني مش بس بيهدد حياة الحيوان، ده كمان ممكن يشكل خطر كبير على اللي حواليه!

عشان كده، لازم اليفك يتطعم ضد السعار... وعلشان غالي علينا، جبناله عرض خاص 🔥

🎉 عرض محدود في عيادة بيتسي 🎉
💉 تطعيم السعار (Defensor 3) من شركة Zoetis التابعة لـ Pfizer الأمريكية
🐶🐱 مخصص للقطط والكلاب فقط
💰 السعر: 200 جنيه بدل 300 جنيه
⚠️ العرض فقط حتي نهاية الاسبوع او حتي نفاذ الكمية

☀️🐾 صيف حرّ؟ خلي بالك من صديقك الصغير!🔥 5 حاجات أوعى تعملها مع حيوانك الأليف في الصيف:1️⃣ متسيبوش في العربية حتى لو "خمس...
21/07/2025

☀️🐾 صيف حرّ؟ خلي بالك من صديقك الصغير!
🔥 5 حاجات أوعى تعملها مع حيوانك الأليف في الصيف:
1️⃣ متسيبوش في العربية حتى لو "خمس دقايق"
2️⃣ ماتمشيهوش في عز الشمس – الأسفلت بيولّع
3️⃣ ماتعتمدش على المروحة بس – لازم تبريد حقيقي
4️⃣ ماتنساش المية أبدًا – الجفاف أسرع مما تتخيل
5️⃣ ماترشوش بعطور أو مواد فيها كحول – جلدهم حساس وممكن يتأذى 😿

📌 الحيوانات بتحس بالحر زينا ويمكن أكتر، واهتمامك بيهم بيمنع مشاكل صحية كتير.

قولولنا: إيه أكتر حاجة بتعملوها علشان تحموا حيواناتكم من الحر؟ 💬👇

13/07/2025

زي ما عودناكم......
لما بنوعد... بنوفي...

الف مبروك للفائزين🎉🎉

الفائزة الاولي :
بيلا الجميلة ((ا/رودينا))
الفائزة الثانية:
جيلي المتألقة ((ا/ زينب))
الفائزة الثالثة:
جوتشي البطلة ((ا/ريتشارد))
الفائز الرابع:
سكاي الخطير ((ا/ندي))
الفائزة الخامسة
نفيسة هانم ((ا/ رضوي))
الفائز السادس
جوكي باشا((ا/رحمة))
الفائزة السابعة
روز الرقيقة ((ا/ مريم))
الفائزة الثامنة
سكر الحبوبة(ا/اسراء)
الفائز التاسع
سيمبا العسل ((د/دعاء))
الفائزة العاشرة
افروسينا ((د/محمد))

Address

Mit Ghamr

Opening Hours

Monday 11am - 10pm
Tuesday 11am - 11pm
Wednesday 11am - 11pm
Thursday 11am - 11pm
Friday 8pm - 10pm
Saturday 11am - 10pm
Sunday 11am - 10pm

Website

Alerts

Be the first to know and let us send you an email when Petsy Vet. Cl. عيادة بيتسي البيطرية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category