عيادة الصفوة البيطرية SAV

13/12/2025

-نحط علف و ماء للعجل من عمر قد إيه ؟؟
=من عمر ٤ أيام.
-طب هوا هياكل أو هيشرب في العمر ده؟
= لا بس يتعلم الاكل والشرب فلازم يبقي قدامه والعلف يكون علف ناعم رضيع أو علف فراخ ٢٣٪مع ردة

05/11/2025

المعزة النهارده بور مجنس واسمها رشيدة، تفتكروا حملها كام يوم؟

25/10/2025

أهاليا الكرام.
بدء الحملة القومية لتحصين الحمى القلاعية في محافظة المنيا بدأ؛ لحماية المواشي ضد العترة الجديدة، نهيب بحضراتكم سرعة التحصين للسيطرة على التفشي وتجنب الخسائر.
وحدة أبو عزيز البيطرية بتقدم لكم التحصين من خلال مديرها الاستشاري الدكتور/ محمد أحمد عبد الفتاح.

02/09/2025

مش اي حد يديك نفس العلبة تبقى مظبوطة، أسأل أهل الخبرة الأول، لان للاسف منتشر كتير، لكن الأمل في الله ثم الجهات المعنية في القضاء على الغش.

أكدت معلومات وتحريات قطاع الأمن العام تنسيقاً وأجهزة الوزارة المعنية قيام (مالك مصنع "بدون ترخيص" - كائن بمدينة السادات بالمنوفية) بإنتاج أدوية وعقاقير بيطرية لعلاج الماشية والدواجن ، بإستخدام مواد خام مجهولة المصدر وطرحها بالأسواق لتحقيق أرباح غير مشروعة.

عقب تقنين الإجراءات تم إستهداف المصنع وضبط مالكه وبحوزته (8 طن مواد خام مجهولة المصدر تستخدم فى تصنيع الأدوية البيطرية "بدون ترخيص" – 35811 عبوة و500 كيلو جرام منتج نهائى لأدوية وعقاقير بيطرية غير مطابقة للمواصفات وبدون تسجيل - خط إنتاج كامل).

تم إتخاذ الإجراءات القانونية.

14/08/2025

تعرفوا إن الشكل دا في الزرق مؤشر خطر ممكن يؤدي بنافق يصل ل٥٠٪ مع وزن ومناعة ضعيفة رغم إنه ليس فيروس ولا بكتريا؟
طفيل الكوكسيديا كمان حويصلاته ممكن تفضل في المكان لمدة سنتين وتسبب عدوى مستمرة لو محصلش التطيهر الصحيح، وكمان الطيور والأرانب تصاب ب٧ انواع من الكوكسيديا وكل نوع له مكان محدد في جسم الطائر علشان كدا كل نوع له برنامج علاج مختلف..

11/08/2025

رجاء للحفاظ على أموالكم و رحمة بالفقراء من الغلاء لو لا قدر الله حصل نفوق نتيجة عدم التحصين وبالتالي قلة المعروض وارتفاع اسعار اللحوم فيما بعد، حصنوا في الحملة اللي هتبدأ في الوحدات، العترة الجديدة مش معزولة في التحصينات المستوردة لسه.

11/08/2025

١٠٠سم بسعر اوفر بكتيير انتاج ٢٠٢٥.
ومتوفر أيضا ال ٥٠ سم.

11/08/2025

الحمام طبيعته يحب الحرية والطيران.
وهو بيطير بياكل حصى علشان يعوض المعادن اللي محتاجها.
وعلشان الوبائية حاليا عالية، فبنضطر نعزل الحمام في ابراج او غية علشان ما يختلطش بالطيور المهاجرة ويتعرض للعدوى بأمراض زي الباراميكسو والأدينو.
طيب نعوضه ازاي عن طبيعته في التهام الحصى؟
امما اننا نكسر الحجارة ونجيب حصى من الغيط مع الزلط الصغير " هز الرملة" ونخلطه مع الأكل شرط النظافة، أو لو مش هنقدر نعمل كدا ممكن نستخدم التحديق الجاهز زي صدف البحر.
احنا معاك في عيادة الصفوة في اقتراح المتاح وتوفير البدايل السهلة.

06/08/2025

بتيجي شكاوي كتير لفراخ ضعيفة التحويل.
والسبب ممكن يكون بسيط جدا لو الفرز كويس ويكمن فيما ياكلوه ورعايتهم، لو الرعاية مظبوطة يبقى نوجه تفكيرنا مباشرة نحو العلف، ممكن يكون تركيبته المكتوبة غير حقيقية، او سوء التخزين تسبب في وجود سموم فطرية ودا بردو ينطبق على المياه.
علشان كدا نجيب علف من مصدر ثابت موثوق التخزين والتهوية. وكمان المياه تتغير باستمرار.
اما مضادات السموم فمتاح عندنا مستورد ومصري باعلى جودة ما تشيلوش همه.

31/07/2025

وفرنا افضل علاج للديدان والآمن على العشار، وليس له مقاومة.
سيدكتين الغني عن التعريف.

30/07/2025

علشان الاجهاد الحراري وفرنا منتجات للاجهاد الحراري للتربية المنزلية الخفيفة والمكثفة في صورة أظرف وعبوات كبيرة بتركيزات مختلفة.... أدوية مسجلة مضمونة.
الادوية الصح في المكان الصح.