مركز الرحمة البيطري - Al-Rahma Vet Centre

29/05/2026

بسم الله، والله أكبر، اللهم هذا منك ولك، اللهم تقبل مني ومن والدي.🤲❤️
نهنئكم بعيد الأضحي المُبارك وكل عام وأنتم بخير.🥰

وبالمناسبة دي حبايبينا المربيين واللي بيضحوا.
مينفعش عجول جلد عقدي وحرارتها عاليه وعليها القروش وواخده مضاد حيوي وتدبح . لازم حرارتها تكون مظبوطه والقروش هدت او اختفت عشان تصلح. ومتكونش واخده مضاد حيوي معداش فتره السحب .
الحاجه التانيه القلاعيه لو حرارتها عاليه برده لاء انما لو تمام وبدا اعراض تختفي تدبح ونعدم الرأس والرجول .
اخلاء للمسؤليه وربنا يتقبل منا ومنكم صالح الاعمال وكل عام وحضراتكم بخير.

💗

16/05/2026

أثناء مروري علي الحالات من بلد لبلد بنقابل ونشوف مشاعر وحب واحترام صادق من الكبير والصغير بفضل الله وكرمه وستره وتوفيقه دائما وأبداً..

إلا أنه أصدق وأروع مشاعر بشوفها من الأطفال لأنهم ببساطة مشفوش مني حاجة تخليهم يتعلقوا بيا غير معاملة ومحبة و احترام متبادل زي الكبير مشاعر حُب غير طبيعي ربنا زرعها جواهم بشوفها يوميا في كل مكان الحمد لله.🤩♥️

يوم جميل جدا لما يلتف حولك أطفال ويقولوا ليك احنا بنحبك أوي يا دكتور ونفسنا نكون زيك وعاوزين نتصور معاك حاجة حقيقي خلتني في قمة سعادتي أفضل من مليون نجاح بسعي ليه وبحققه..❤️

المواقف دي بتفهمك إن القبول رزق، وإن المحبة الصادقة بتوصل للقلوب من غير كلام كتير.✨
ربنا يفرّح قلبهم زي ما فرّحوا قلبي حبايبي.🥰

11/05/2026

Theileria recumbent case 🐃 11/5/2026.
حالة حمي ثايلريا كانت وصلت لمرحلة سيئة ورقدت من الأونر بفضل الله ومنه وكرمه تم التعامل السليم لما استدعانا ليها بعد التشخيص السليم وقامت بعد يوم واحد من الأدوية المنضبطة ونولنا دعوات المربي اللي فرحته كانت في عينيه الحمد لله.🤩♥️

ربنا يديم علينا التوفيق والسداد ويجعلنا دايما سبب في شفاء الأرواح وإدخال السرور علي قلوب الجميع.💗

٠١١١٥٧٨٦١٠٢

20/01/2026

لله الفضل والمنة حب الناس ودعواتهم الصادقة أعظم وأجمل الإنجازات اللي بنشوفها دايما في شغل الفيلد الحمد لله.🥰

02/01/2026

حب الأونرز والأطفال ودعواتهم الصافية كنز كبير ومن ألطف الجُمل اللي بسمعها دايما انت وشك فيه القبول يا دكتور واحنا بنحبك وربنا بيجيب الشفا علي إيديك🥰

#يوميات الأونرز اليوم الجمعة ٢٠٢٦/١/٢ الحمد لله ربنا يديم علينا فضله ونعمته ويرزقنا التوفيق والقبول دايما يارب❤️

30/12/2025

ختام ٢٠٢٥من يوميات شغل الفيلد والضغوطات الأقرب إلي قلبي ودعوات الأونرز بعد الشفاء بفضل الله وحده وكرمه وچوده ومحبتهم ومشاعرهم الصادقة..الحمد لله.♥️

23/12/2025

من ألطف الجُمل اللي بسمعها يومياً انت وشك فيه القبول يا دكتور واحنا بنحبك عمرك معالجت لينا حالة إلا وربنا بيجيب الشفا علي إيدك 🥰

#يوميات الأونرز الثلاثاء ١٢/٢٣ مع عم عيد♥️
الحمد لله ربنا يديم علينا فضله ونعمته ويرزقنا التوفيق والقبول دايما يارب❤️

18/12/2025

Uterine prolapse case.
حالة انقلاب في الرحم بفضل الله تم التعامل السليم وبحرص للحفاظ عليه من التهتك وتم خياطته واستعادته لمكانه الصحيح واستقراره بعد التخدير الجزئي والتدخل جراحيا وإعطاء العلاج السليم وسط دعوات جميلة من المربي صباح اليوم الخميس ٢٠٢٥/١٢/١٨.

16/12/2025