UVERA

17/10/2017

أكبر مزارع البقر الحلاب في العالم موجودة في مدينة مودانجيانج في الشمال الشرقي للصين واللي بيقدر عدد البقر فيها الي اكتر من 100.000 بقرة واللي بتنتج 800 مليون لتر لبن سنويا .
في 2015 بعد ان فرضت امريكا والاتحاد الاوروبي عقوبات اقتصادية علي روسيا بسبب تدخلها في اوكرانيا بعد الثورة الاوكرانية , قررت روسيا وقف استيراد الالبان ومنتجاتها من اوروبا , استغلت الصين الموقف وشيدت اكبر مزرعة ابقار في العالم لتغطية احتياجات السوق الروسي من الالبان ومنتجاتها , الرد الروسي اثر بشكل سلبي علي الاقتصاد الاوروبي بخسارة تقدر ب 220 مليار دولار في سنة واحدة لدرجة ان وزير الخارجية المجري قال "ألحقنا الضرر بأنفسنا أكثر من روسيا عندما قررنا توجيه ضربة لموسكو، وكأننا أطلقنا النار على ساقنا" وده لان روسيا كانت بتستورد مواد غذائية بحوالي 43 مليار دولار سنويا .
بالطبع نستنتج ان الانتاج الحيواني بيعتبر من مصادر الدخل القومي لدول كتير في العالم من خلال تصدير السلع الغذائية من البان ولحوم خلافه .

ياتري ممكن نشوف مصر في يوم من الايام بتصدر لحوم والبان للعالم ؟ علما بان عدد سكان الصين 1.338 مليار نسمة (مش 104 مليون ) وعمر ده ماعطلهم ابدا في مسيرة تقدمهم .

11/10/2017

لو بتفكر تطور من نفسك في مجال الحيوانات الأليفة دلوقتي بعد عندك فرصة انك تدرس في انجلترا في The University of Edinburgh واحدة من اعرق الجامعات علي مستوي العالم , جامعة Edinburgh بتقدملك كورس اونلاين تقدر تاخده وانت في البيت بعنوان The Truth About Cats and Dogs, الكورس بيتكلم عن سلوك الكلاب والقطط في كثير من المواقف وكيفية فهمها وتفسيرها بشكل صحيح .
الكورس بيعتمد في نهاية كل جزء علي الاسئلة السريعة والمناقشات بين المشاركين لتثبيت المعلومة .
الكورس بيدرسه :
1. Dr Amy Miele, Lecturer in Clinical Animal Behaviour
Jeanne Marchig International Centre for Animal Welfare Education
2. Professor Nat Waran, Professor of One Welfare
Eastern Institute of Technology, Napier, Hawkes Bay, New Zealand.
3. Dr Heather Bacon, Veterinary welfare edcuation and outreach
Jeanne Marchig International Centre of Animal Welfare Education
4. Miss Hayley Walters, RVN
Welfare and Anaesthesia

الكورس مدته 5 اسابيع وهينتهي يوم 13 نوفمبر
تقدر تسجل وتبدأ في محاضرات الكورس من خلال اللينك ده بعد ما بتسجل علي موقع كورسيرا مجانا
https://www.coursera.org/learn/cats-and-dogs/home/welcome

05/10/2017

لو انت طبيب بيطري متخرج من جامعة مصرية فأنت ليك الحق إنك تقدم في منحة شيفينينج البريطانية للعام الدراسي 2018 واللي بتيح ليك الفرصة لدراسة ماستر في جامعات بريطانيا .
هما طالبين منك عشان تقدر تقدم الاتي :
1. انك تكون معاك بكالوريوس طب بيطري
2. انك ترجع بلدك بعد انتهاء الدراسة في انجلترا فيما لا يتعدي السنتين
3. انك تكون خبرة سنتين بعد التخرج ع الاقل

كل اللي بتعمله انك بتدخل علي الموقع ده http://www.chevening.org/apply
وتختار Egypt كدولة و Scholarships وبتبدأ تملي البيانات اللي بيطلبوها عنك

هيطلبو منك قبل يوم 12 يوليو 2018 تدخل تاني علي الابلكيشن وترفعلهم نتيجة اختبار الاكاديمك ايلتس بتاعتك واللي لازم تجيب فيها علي الاقل 6.5 فيما لا يقل عن 5.5 في كل جزء من الاختبار .
هيطلبو منك تقدم ماستر في 3 جامعات في انجلترا ولو المنحة قبلتك هتاخد منهم واحد مجانا
من امثلة البرامج اللي تقدر تقدم عليها :
1. برنامج Aquatic Veterinary Studies في University of Stirling
2. برنامج Veterinary Microbiology في University of Surrey
3. برنامج poultry production في Harper Adams University
4. برنامج Animal Science في Aberystwyth University
5. برنامج Animal Breeding and Genetics في University of Edinburgh
6. برنامج Animal Nutrition في University of Nottingham
7. برنامج Clinical Animal Behaviour في University of Lincoln
8. برنامج Wild Animal Health في Royal Veterinary College
وبرامج تانية كتير في جامعات بريطانيا اللي بتعتبر من أفضل الجامعات ترتيبا علي العالم .

18/07/2017

سؤال للمناقشة مع تحديد سبب الاجابة
هل ممكن الكلاب ضعيفة النظر تلبس نضارة ؟

18/07/2017

بدء مشروع خاص او own business هو حلم بيراود جيلنا وبدء مشروع بيطري خاص هو حلم بيرادو معظم البيطريين لأهمية النقلة دي في حياتنا ولتنوع المجالات اللي ممكن نبدء فيها own business وعشان تبدأ مشروع بيطري خاص راجع معانا الأفكار دي :

أولا : فكرة
1. إبدأ مشروعك بفكرة : فكرة الناس محتاجاها وعندهم استعداد يدفعو عشانها .. فكرة انت شغوف بتنفيذها
2. فكرة يمكن تنفيذها : إبعد عن الافكار الغير قابلة للتنفيذ علي ارض الواقع بامكاناتك الحالية واتبني فكرة تقدر ترسم استراتيجية لتنفيذها
3. فكرة فريدة : عشان تحقق نجاح من الافضل تتبني فكرة مختلفة .. فكرة تقدر تتميز بيها عن غيرك وفي مجال الطب البيطري وخصوصا الثروة الحيوانية والداجنة تقصير المسافات بين المنتجين والموزع النهائي ممكن تكون فكرة متميزة ..لو انت اللي بتنتج وبتسوق وبتوزع وبتوصل للعميل النهائي اللي هيوصله المنتج هتعظم ارباحك

ثانيا : خطة
1. حدد التكاليف : حدد الفلوس اللي هتحتاجها عشان توصل للشكل النهائي لمنتج او خدمتك .. تكاليف الانتاج المواصلات الايجار المرتبات التسويق الخ .
لو هتفتح صيدلية بيطرية هتحدد تكاليف ايجار المحل + تكاليف التشطيبات والتجهيزات + مرتب الطبيب + البنزين المستهلك شهريا في التوصيل والحالات + تكلفة شراء الادوية + تكلفة الدعايا من كروت شخصية وبنرات وفلايرز الخ
تحديد التكاليف بدقة هيعرفك انت هتقدر تنجح ولا لا .. لان المكسب هو قدرتك علي تحقيق مبيعات اكبر من تكاليفك
2. حدد سوقك : خليك واقعي واسال نفسك كام شخص هيشتري منتجك او خدمتك .. قدراتهم الشرائية قد ايه ؟ .. لو العدد او القدرة الشرائية لعملائك هيكون قليل لدرجة انك مش هتقدر تغطي تكاليفك لازم تغير الفكرة .
3. حدد الصعوبات اللي ممكن تقابلك : قيم منافسينك وقدرتك علي منافستهم في الاسعار والخدمات وتأكد انك لو مش هتقدم اسعار او خدمات اكثر تميزا من منافسينك نجاحك هيكون صعب جدا لان العميل مش هيسيب المكان اللي بيتعامل معاه ويجيلك الا اذا كنت بتقدم شيء مختلف عنه .

ثالثا : خطة تسويقية :
1.حدد تكاليف التسويق ووفرها
2. حدد الافكار المناسبة للمبلغ اللي انت وفرته : ممكن تعمل اعلان علي الفيس بوك لو كان عملائك متواجدين بشكل كبير علي السوشيال ميديا .... بنر او يافطة في شارع رئيسي الخ
3. حدد مكان وتوقيت التسويق : بالطبع اعلان علي الفيس بوك مش هيبقي مناسب لو عملائك اغلبهم مربيين ولكن يافطة في القرية اللي هتفتح فيها ممكن تكون فكرة افضل
في منتجات موسمية بيزيد الطلب عليها ف الصيف مثلا او في الشتاء فالبتالي تحديد توقيت التركيز علي التسويق والدعايا في الموسم المناسب هيعود بالنجاح علي افكارك التسويقية .

رابعا : ابني هيكل للمشروع :
1. اشتري مكتب : هتحتاج مكان تدير منه مشروعك تخطط وترسم استراتيجياتك .... ممكن يكون مكتب في البيت لو مشروعك صغير
2. اشتري ادواتك : لو هتفتح صيدلية ابدا اسال علي اسعار الادوية من الموزعين المختلفين واشتري من افضلهم سعرا وخدمة ... اشتري الارفف وابدا ركبها في الصيدلية .. كمبيوتر تنزل علي نظام المحاسبة للصيدلية
3. نظام تسجيل : سجل كل معلومة تتعلق بالمشروع بتاعك ... بتشتري منين باسعار ايه ... النواقص اللي بتقابلك يوميا ... نوع العملاء اللي بتجيلك وقدراتهم الشرائية عنواينهم وارقام تليفوناتهم اعياد ميلادهم وتوجهاتهم

خامسا : ابني قاعدة من العملاء
1. كلما زاد عدد عملائك اللي قدراتهم الشرائية عالية كلما زادت فرصك في المكسب .. لو بتسوق ادوية فالمزارع الكبيرة لازم يبقي ليها عندك اهتمام اكبر .. حاول توفرلهم عينات مجانية تساعدهم علي تجربة منتجك ومعرفة مميزاته .
2. استخدم موضة التسويق القديمة : تابع المؤتمرات والندوات اللي ليها علاقة بمجالك وشارك فيه وحاول تاخد وقت تتكلم فيه عن منتجك حتي لو بفلوس
اعلن في المجلات او الصفحات اللي ليها علاقة بمجالك واستغلها في تقديم منتجك للي بيتابعوهم .
3. قدم خدمة متميزة لعملائك : تأكد ان تميزك في خدمة عملائك هيعود بالايجاب علي مبيعاتك اليومية ... خدمة توصيل الادوية للمزارع اللي بتعملها بعض الصيدليات بتساهم بشكل كبيرة في جذب العملاء .
4. انشيء موقع علي النت : تقدر الناس تتعرف اكتر علي شركتك او مشروعك من خلاله ووفر فيه كل المعلومات المطلوبة ووسائل الاتصال بيك وبفريق العمل

سادسا : جمع فلوسك
1. اطلب فلوسك من العملاء اللي بياخدو منك المنتج والدفع اجل ... حددلهم اطار زمني للدفع وكلمهم قبل ميعاد الدفع بيوم عشان تفكرهم ومتعودش العملاء علي التهاون في تاخير الدفع لان المشكلة دي بتتنقل بسهولة من عميل لعميل وانت اللي بتساعد في نقلها .
2. اقبل الكريديت كارد : من الجيد جدا انك توفر في مشروعك خدمة الدفع عن طريق بطاقات الائتمان وده لان اغلب الناس في الوقت الحالي بتسيب فلوسها في البنوك
3. بيع اونلاين : من الجيد في الوقت الحالي انك تتيح لعملائك فرصة شراء منتجاتك اونلاين بشكل مباشر زي امازون او بشكل غير مباشر عن طريق الباي بال الخ

25/05/2017

دكتور بيطري ودكتور بشري قررو ياخدو اماكن بعض في الشغل يوم ورصدنا الاتي :

1_ الدكتور البشري اضطر يروح للحالة المكان اللي موجودة فيه وكان شئ متعب بالنسبة له لأنه مااتعودش علي كده ، الدكتور البيطري الحالة جت لحد عنده
2_ الدكتور البشري بيسأل الحالة ايه مشكلتك زي ما اتعود بصتله من فوق لتحت وسابته ومشيت ، الدكتور البيطري اخد ال case history بدقة لأول مرة في حياته
3_ الدكتور البشري اضطر يعمل physical examination لكل اجهزة الجسم عشان يوصل للتشخيص السليم ، الدكتور البيطري فحص جهاز واحد من خلال المعلومات اللي اخدها من الحالة
4_ الدكتور البشري شك بس مكنش متأكد في مرض معين وقرر يعالج وهو متردد ، الدكتور البيطري قدر يوصل للتشخيص السليم واخد قرار بالعلاج المناسب
5_ الدكتور البشري وجد صعوبة كبيرة في تثبيت الحالة عشان يعطيها الدوا وريد ، الدكتور البيطري طلب من الحالة تفرد دراعها عشان يعلقلها محاليل
6_ الدكتور البشري وجد صعوبة كبيرة في انه يلاقي الوريد بسبب وجود شعر كثيف بيختفي الوريد تحته ، الدكتور البيطري علق المحاليل في وقت قياسي مااتعودش عليه وبدون ماتخرج الكانيولا من الوريد مرة واحدة

وفي النهاية الدكتور البشري رجع وحدته وقرر انه مايشتغلش الا شغلته ، والدكتور البيطري عرف هو قد ايه بيتعب ويجتهد عشان يعالج حيوان مبيتكلمش ولا بيقدر يعبر عن اللي جواه ولا بيعرف يساعدك عشان تعالجه

22/05/2017

كتاب الامراض المعدية لدكتور حامد عطية by dr.hamed attia size 25 mb important infectious diseases for field veterinarians

21/05/2017

Gestation period in animals

20/05/2017

باللغه العربيه

أقدم لكم اخوتي و أطبائنا البيطريين
كتاب باللغه العربيه بصيغة PDF يتكون من 560 صفحة تحت عنوان: تشريح الخيل
رابط التحميل:
https://www.file-upload.com/r4dpczcf2yka

16/05/2017

فوتو داي بيطري المنصورة
مبروك التخرج احلي شباب

15/05/2017

خاص بالدواجن .اطلس امراض الدواجن كتاب رائع بحجم صغير

The book aims to be the definitive standard reference work on current health and disease issues relevant to anyone involved in working with poultry, with an emphasis on the poultry industry. The editors have done an excellent job of condensing a diverse wealth of knowledge into an acessible format.…