18/10/2019
كلامنا المره دى عن موضوع 90 % من الناس اللى بتربى قطط بتتعرض ليه وبتتضايق منه .. و الناس دايما بتيجى تشتكى فى العياده من الموضوع ده و عايزه تعرف اسبابه و محاولة حله
ليه القطه بتعمل urine (بول) بره ال litter box ؟؟ 🙀
أسباب الموضوع ده كتير تعالو نشوفها سوا 😸
●اسباب طبيه
1- زى مثلا ساعات دى بتكون اشاره ان فى أصابه فى المثانه زى حصوات 🙀
2- احيانا بتكون بسبب idiopathic cystitis و ده معناه التهابات فى المثانه غير معلومة السبب 😿
3- بعض الامراض اللى بتزيد فيها معدلات التبول زى السكر، مشاكل الكلى المزمنه ، مشاكل الكبد ، مشاكل الغدة الدرقيه 🤕
4- اصابات فى مجرى البول
◆اسباب سلوكيه و بيئيه 😼
1- احيانا ال litter box مش بيكون نضيف فيضطر القط /القطه انه يعمل حمام بره 😾
2- الضغط النفسى نتيجة تغيير المكان ، تغيير الاشخاص ، دخول اشخاص جديده .. اى تغير فى روتين المعيشه بيسبب ضغط نفسى فيضطر انه يعمل بره الليتر بوكس 😿
3-رائحة البول قديمة ممكن تسبب انه القطه تتعود تعمل بره الليتر بوكس علشان كده لازم لو اتعمل حمام بره الليتر بوكس مره المكان يتنضف كويس علشان نلغى رائحة البول القديمه 😼
الحل ايه؟
1-التوجه لاقرب طبيب بيطرى اعمل التحاليل اللازمه للتاكد من عدم وجود اى مشاكل طبيه
2- نحاول نحط اكبر عدد من ال litter box لو البيت كبير و واسع
3- نتاكد ان الليتر بوكس دايما نضيف
4- نحاول نختار نوع رمله كويس تكون القطه بترتاحله
5-ازالة اى مسبب من مسببات الضغط النفسي للقطه
6- استخدام منظفات خاصه لمنع رائحة البول القديمه
* سيب كومنت بإستفسارك وهنرد عليك بكل التفاصيل 🧡
--------------------------------
المنصورة : جديله اخر سور مدرسه ابو النجا... برج الصديق
