Ibrahim Ammar-طبيب بيطري

Ibrahim Ammar-طبيب بيطري الرابط دا : https://linktr.ee/veterinario_vha
فيه كل حاجه ممكن تحتاجها منى بحاول اساعد علي قد مقدر . اتمني المحتوي بتاعي يكون مفيد وبيساعدكم
(4)

اهو انا حاطط مخلص لاصحابه دي عشان محدش فيهم يخش يتنمر علي ادائي ف الملعب 😁😁
25/05/2026

اهو انا حاطط مخلص لاصحابه دي عشان محدش فيهم يخش يتنمر علي ادائي ف الملعب 😁😁

إحنا لسه ماشيين ورا إشاعات العصور الوسطى!سألت نفسك ليه لسه فيه ناس بتترعب لما قطة سودا تعدي من قدامها؟ الخوف ده جايلنا م...
25/05/2026

إحنا لسه ماشيين ورا إشاعات العصور الوسطى!

سألت نفسك ليه لسه فيه ناس بتترعب لما قطة سودا تعدي من قدامها؟
الخوف ده جايلنا من خرافات ملهاش اى علاقة ب دين ولا منطق!
و انه غالبا نحس او مرتبطك بالجن ...! 🫠
وفى نفس الوقت لو سافرت اليابان أو بريطانيا، هتلاقي إن القط الأسود عندهم هو جالب الحظ السعيد والرزق!
يعني الموضوع كله مجرد وجهات نظر وإشاعات ظلمت الكائنات القمر دي
♦️علماء البيولوجي قالوا إن الجينات اللي بتدي القطط اللون الأسود هي نفسها اللي بتديهم جهاز مناعة قوي جداً ومقاومة أعلى للأمراض مقارنة بباقي الألوان

قولى بقا لو صحيت لاقيت قطة سودا قاعدة على مكتبك تفتكر دي هتكون
زيادة في المرتب وجالب للرزق؟ ولا عمل سفلي معمولك ؟😂😈

#سوكا

24/05/2026

الطريقة الصح لحمل القطط
#سوكا

العيد يعني لبس جديد ولمة ودلع.. وقططنا كمان لازم يكون ليهم نصيب من الدلع ده! عالله نعجبهم ف الاخر ..🫠حابب أشكر My Dear...
24/05/2026

العيد يعني لبس جديد ولمة ودلع.. وقططنا كمان لازم يكون ليهم نصيب من الدلع ده!
عالله نعجبهم ف الاخر ..🫠

حابب أشكر My Dear Cat على عيدية العيد الجميلة دي اللي وصلت لسوكا
انا مش بحب أرشح حاجة لمجرد إعلان
◀️ انتم طبعا عارفيين حبى ل دراى my dear
و دا مجاش من فراغ احنا حللناه مع بعض قبل كدا و عرفنا كل مكوناته و من وقتها و انا بأكله لسوكا معظم الوقت

♦️هما كمان منزلين خط كامل Veterinary Diets (أكل علاجي متخصص)
1️⃣ Urinary: للوقاية ودعم مشاكل المسالك البولية
2️⃣ Sterilized: لحرق مثالي ووزن متوازن بعد عمليات التعقيم
3️⃣ Renal: لحماية وظائف الكلى وتحسين جودة حياتهم
4️⃣ Hepatic: لدعم الكبد والجهاز الهضمي
يعنى علاج و صحة ف نفس الوقت..!
قولولى بقا لسه فاكرين تحليل المكونات اللي عملناه سوا؟ وعيد سعيد عليكم وعلى قططكم 💖

#سوكا

محتاج جرعة بهجة سريعة..🫥البوست ده لتجميع صور القطط نزلوا صور قططكم في كومنت وعرفونا على أساميهم و انا هجمع اكبر عدد من ص...
24/05/2026

محتاج جرعة بهجة سريعة..🫥
البوست ده لتجميع صور القطط

نزلوا صور قططكم في كومنت وعرفونا على أساميهم و انا هجمع اكبر عدد من صور القطط دى و هحطها صوره cover للبروفايل
ايه رأيكم .. ؟

عارف مين أكتر حيوان “اتكالي” طيب ؟؟؟ ومع ذلك القطط عايشة من آلاف السنين من غير ما تطلب رأيك 😄
24/05/2026

عارف مين أكتر حيوان “اتكالي” طيب ؟؟؟ ومع ذلك القطط عايشة من آلاف السنين من غير ما تطلب رأيك 😄

بتضايق لما حد يعمل Seen و ميردش صح ..؟! اوقات بتلاقي قطتك مستلقية في سابع نومة فتنادي عليها .. ولا تفتح عينها، ولا تحرك...
23/05/2026

بتضايق لما حد يعمل Seen و ميردش صح ..؟!

اوقات بتلاقي قطتك مستلقية في سابع نومة فتنادي عليها .. ولا تفتح عينها، ولا تحرك رأسها، و فجأة تهز طرف ذيلها هزتين بكسل كدا و ترجع تانى

علمياً لغة جسد القطط مبنية على "اقتصاد الطاقة" 🫠 ف هى لما بتعمل كدا
اللى هو انا مش في غيبوبة، جهازي العصبي التقط تردد صوتك وعرفت أنك تنادي.. بس انا دلوقتى جاري توفير الطاقة، ومش هبذل مجهود في فتح عيني أو مواء ،هزيت ذيلى عشان تعرف ان تم القراءة ف مش تزعجني تانى " 🤷‍♂️

القطط مش بتتجاهلنا بدافع الغباء أو عشان مش بتسمع بالعكس هي بتسمع كويس جدا بس هى بتختار بكامل إرادتها وبمنتهى البرود الذكي أنها ترد بأقل تكلفة حركية ممكنة 🫠

قولى بقا قطتك عملتلك حركة الديل دي وسابتك بتكلم نفسك؟ و قولى اسم المستفز الصغير دا عشان نعمل لسته بالاسماء التوكسك دى 😂😂

#سوكا

200 ألف شخص هنا… 💖200 ألف إنسان قرروا يتحملوا صور سوكا…ونظراتها التوكسك…و المعلومات اللي بنكتشفها عن القطط يوميًا 😂بجد ش...
23/05/2026

200 ألف شخص هنا… 💖

200 ألف إنسان قرروا يتحملوا صور سوكا…ونظراتها التوكسك…و المعلومات اللي بنكتشفها عن القطط يوميًا 😂

بجد شكرًا لكل حد موجود هنا ♥️سوكا غالبًا شايفة إن الرقم ده داخل مخصوص عشان يشوفها هي… و الصراحة عندها حق

قولولي بقا إيه أول بوست أو موقف خلاكم تعملوا Follow للصفحة ؟

#سوكا

ليه تتبنى و متشتريش .. ؟3 حاجات هتعرفها لما تجرب1️⃣ وفاء مش هتشوفه فى كائن تانى: قط الشارع أو الملجأ بيبقى عارف كويس يعن...
22/05/2026

ليه تتبنى و متشتريش .. ؟

3 حاجات هتعرفها لما تجرب
1️⃣ وفاء مش هتشوفه فى كائن تانى:
قط الشارع أو الملجأ بيبقى عارف كويس يعني إيه جوع وخوف ولما أنت تنقذه بيعتبرك بطل قصته الوحيد
كمية الحب والحنان اللي هيديهالك مش هتشوفها من قط متربي في قفص فى محل حيوانات
2️⃣ هتكتشف شخصية مذهلة:
القطط دي بتبقى مليانة مفاجآت! قطة هادية وبتحب السندوتشات معاك، قطة تانية مابتنامش غير على كتفك، وقطة تالتة فاكرة نفسها فرد أمن
3️⃣ صحة ومناعة حديد :
قطط الشوارع البلدي عندها مناعة قوية جداً وقدرة على التكيف كمان

♦️الناس فاكرة إننا لما بنتبنى قطة إحنا اللي بننقذها.. بس الحقيقة؟ هي اللي بتنقذنا!
بتملى البيت طاقة إيجابية و بتقلل جدا التوتر بعد يوم شغل طويل
وبتعلمنا يعني إيه حب غير مشروط مع ان دايما بيكون عندهم هدف من الحب بس ماشي هنعديها 🫠💖

لو عندك قطة متبنيها أو منقذها من الشارع ورينا صورتها قبل وبعد التبني ؟ و قولى لو وجودها فرق معاك .!

#سوكا

21/05/2026

حل مشكلة السواد تحت عين القطط
#سوكا

إيه اللي بيحصل في مخ القطة لما تشوف حشرة.. !؟ سألت نفسك ليه قطتك بتتحول فجأة أول ما تلمح حشرة حتى لو لسه واكلة ؟ الفكره...
21/05/2026

إيه اللي بيحصل في مخ القطة لما تشوف حشرة.. !؟

سألت نفسك ليه قطتك بتتحول فجأة أول ما تلمح حشرة حتى لو لسه واكلة ؟
الفكره مش جوع خالص الفكره ف سيكولوجية الصياد!
◀️ الحركة السريعة والعشوائية للحشرات بتنشط غريزة الصيد في الدماغ فوراً حتى لو شبعانة 100%
و المطاردة دي بتعتبر تمرين ذهني وبدني بيحمي القطة من الاكتئاب والملل داخل البيت

♦️بس خلى بالك
المطاردة واللعب مسموحين.. لكن الأكل ممنوع!
لان الحشرات (زي الصراصير مثلا ) ممكن تنقل ديدان وطفيليات معوية لقطتك و كمان
لو الحشرة دي عليها اى مبيد وأكلتها القطة ممكن يدخلها في حالة تسمم

ف سيب قطتك تطارد وتلعب براحتها😂 بس أول ما تمسك الحشرة هنا ندخل و نبعدها
وانا و انت عارفين ان القطه هتجرى و تتربص و توقع اى حاجه قدامها على ما توصل للحشره و الاخر مبتعرفش تصطادها بردو 😂🫠
بس هنا سوكا واضح إنها واخدة الموضوع بشكل شخصي جداً مع الدبانة دي! 😂

و قولى ايه مستوى قطتك ف المطارده و الصيد..؟!😅

#سوكا

Address

Mansoura

Website

Alerts

Be the first to know and let us send you an email when Ibrahim Ammar-طبيب بيطري posts news and promotions. Your email address will not be used for any other purpose, and you can unsubscribe at any time.

Shortcuts

Share

Category