19/06/2023
السلام عليكم ورحمة الله وبركاته وكل عام وانتم بخير
بسم الله الرحمن الرحيم (ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ )
السنه دي انسب سنه للأضحية للقادر بإذن الله ربنا يقدرنا جميعا في ظل غلاء الأسعار كيلو اللحمه اللي هيروح للفقير ممكن ميكلش بعده لحمه للعام القام إوعي غلاء الأسعار يخليك تتراجع عن إقامه سنة الأضحيه ويفوتك ثوابها العظيم
نيجي بقي للي ناوي يضحي السنه دي إن شاء الله ربنا يتقبل منك ركز في اللي جي
أولاً : الالتزام بشروط الأضحيه واللي من أهم شروطها السن الذي يغفل عنه او يهمله البعض بحجه ان يقول مش مهم السن المهم فرط اللحمه لا هنا أقولك ربنا قالك ( ” لَن يَنَالَ اللَّهَ لُحُومُهَا وَلَا دِمَاؤُهَا وَلَٰكِن يَنَالُهُ التَّقْوَىٰ مِنكُمْ “)
ثانياً : العيد السنه دي جي في الحر فيفضل وقت الذبح يكون قبل العصر مباشره بحيث اللحمه تنشف وتبرد بعد العصر ويتم توزيعها المغرب او بالليل عشان نبعد عن الحر واليكم نصائح الذبح والتعبئة والتخزين
علشان كتير مننا في العيد بيسال علي حته تخزين اللحوم في التلاجات والفريزرات و دائما بيبوظ مننا لحوم الأضحيه... 🐮
طيب بعد ما ذبحنا اضحيتنا ازاي نتعامل مع اللحوم ، وايه هي الطريقة الصحيحة لحفظها ؟!🧐
اللحوم بعد ذبح الأضحية تحتفظ بدرجة حرارة الحيوان المذبوح ، 🔪
لذا يجب وضع تلك اللحوم في مكان نظيف بعيد عن التراب والشمس ، ومتجدد الهواء ، وبكده بندي فرصة للحوم تتشمع 🥩
طيب بعد ما خدنا اللحوم من الجزار و وضعناها فى اكياس نظيفه ، بقدر الامكان يتم تهويتها اثناء تحميلها فى السيارات. 🚙
و بعد ما نروح نبتدي نحطها في الثلاجة ، الثلاجة وليس الفريزر لمدة عدة ساعات أخرى حتى تكتمل عملية التشميع ، و يراعى توزيعها على الارفف متفرقه عشان البروده توصل لكل الاكياس يعنى مينفعش نحط اكياس فوق بعض و لو ده حصل يبقى لازم تقليبهم كل ٢٠ دقيقه ⏰
اللحوووووم لا تغسل قبل التفريز والتجميد .🤫
بعد كده يتم وضعها فى الفريزر و برده نراعى دا موضوع التهويه و التوزيع و تبقى متفرقه عشان البروده توصل لكل الاكياس و بعد يوم كامل نبدا نرصها فوق بعض عادى🙈
طيب لو معنديش مكان او الكميه كبيره يبقى يجب يجب يجب وضع الكميه على ترابيزه فى المنزل لمده ساعتين امام المروحه و بعد كده نبدا نعمل الخطوات السابقه 👌
يلا لو عندك القدرة تشترك فى أضحية ..لس فيه وقت ……الحق اشترك وعظم شعائر دينك أو شارك .
وأبشر الأجور الكثيرة وغفران الذنوب.
🌱🌱🌱🌱🌱🌱🌱
اللهم أعنا وإياكم على إقامة شعائر الله وتقديسها يارب.
أخوكم م / محمد حسين
يلا فىً انتظار اسئلتكم و كل سنه و انتم طيبين 😍
#العطاء
