Dogs Lovers In Egypt

21/09/2025

Hurghada, Egypt
17.09.2025

30/08/2025

01/04/2025

اكبر غلطة ممكن تعملها إنك تضرب كلبك علشان تعاقبه .
فى فرق كبير بين التصحيح او العقاب .. و التعذيب .
التصحيح الهدف منه ان الكلب يفهم السلوك السيء اللى عمله و ربطه بالتصحيح او العقاب حتى لا يتكرر .
و هنا عندك جزئين مهمين جدا لاى عقاب للحيوانات عامتا .
اولا توقيت العقاب .
المنطق عند الحيوانات كافه ، هو منطق غريزى وليس منطق عقلى زى البنى ادمين . اذا فالحياوان يربط العقاب بالحدث اذا كان اخر حدث تم و فى خلال ٣ ثوان من وقوعه. لو جه العقاب متأخر يبقى العقاب مش هيتفهم سببه و مش هيربطه بالموقف المرغوب التوقف عنه.
ثانيا طريقه العقاب : تانى عشان الكلاب منطقها غريزى مش عقلى فبيفهموا الحاجات الاقرب للغريزه زى طريقه تصحيح الام حين رغبتها فى توقف احد الجراء عن فعل معين . فبتقوم تمسكه من رقبته بسنانها و تقلبه على ضهرة مع النظر حاد مباشر للعين و الضغط على الرقبه.
بعدها الجرو بيبطل يعمل اللى كان بيعمله .
اذا طريقه العقاب الغريزية المفهومه للكلب هتكون اقرب حاجه لعقاب الام للجرو .
١ نبره صوت ٢ اتصال حاد بالعين ٣ . الضغط على الرقبه باستخدام الاصابع او الطوق العادى او الخناقة الشوك بشكل غير مبالغ فيه .

منقول.

27/03/2025

لحظة تقسيم الورث......ايام زمان ياحسراه ههههه 👍

25/03/2025

ايه المشكلة لما اقص ضوافر كلبي ؟
اقولك
الضوافر هي عبارة عن جزئين
جزء متصل بشعيرات دموية
و جزء غير متصل بشعيرات دموية
احنا بنقص طبعا الجزء الغير متصل بالشعيرات الدموية
عند الانسان ( لانه مش بيستخدم الضوافر في المشي و الحركة ) ربنا خلقنا لما نقص الجزء الغير متصل يفضل الجزء المتصل زي ما هو
انما عند الكلب ( لانه بيستخدم ضوافره في المشي و الحركة ) كل ما هتقص الجزء الغير متصل الجسم هيزود الجزء المتصل بالشعيرات الدموية مع نفسة
علشان كدا بعد فترة من قص ضوافر الكلب للاسف الضفر كلة بيبقى متصل بشعيرات دموية و اي قص بيعور الكلب
المشكلة الأكبر أن الضفر بيلف دايرة كاملة و يرجع يدخل الجسم تاني
و ساعتها لازم الكلب ( اللي في الغالب بيكون كبر في السن ) يعمل عملية ببنج كامل و الضوافر تتقص و تتكوي علشان توقف نزيف
الظاهرة دي منتشرة للاسف في كلاب الزينة و كلاب الحجم الصغير و دا لان اصحابهم للاسف بيهتمو بيهم زيادة عن اللزوم
ايه الحل
لازم تخلي الكلب يمشي على أرضية صلبة ( زي اسفلت الشارع مثلا ) و هنا بتحصل عملية برد ( الضفر بيتبرد ) و دا الشكل الطبيعي الصحي اللي المفروض ربنا خلق الكلب علية

منقول

23/03/2025

الكلاب نجسة🤔

اصلها متخونش🤍🤍
اصلها ترضى بقليلها🤍🤍
اصلها في الحلوة و المرة جنبك🤍🤍
اصلها ترضي باقل حاجة وتبقي فرحانة🤍🤍
اصلها لا تتكلم ولا بتذم ولا تظلم احد🤍🤍
اصل كل امنياتها تشوف صاحبها بخير🤍🤍
اصلها ممكن تدافع عن صاحبها حتي لو هي تموت🤍🤍
اصلها متحقدش ومتحسدش🤍🤍
اصلها تحمي بيتك وعرضك حتي لو على حساب حياتها🤍
اصلها لو اكلتها يومين مش هتنسي فضلك طول عمرها!!!🤍🤍
لو هما فعلا نجسين
فأنا برحب بنجاسة كلب بقلب طاهر
افضل من طهارة انسان بقلب نجس👌💔

20/09/2024

نحن نثق فى قوتنا دون التباهى بها
ونحترم قوة الأخرين دون الخوف منهم 🥷

17/09/2023

ناس كتير مبتبقاش فاهمه احنا ليه بنحب الكلاب بالشكل ده الحقيقه ان حبي للكلاب اصبح تدريجي لحد ما وصل للعشق ب اقتناع و دي اسبابه:
- الكلب بيحبك بدون شروط ومش لازم تبقي احسن شخصية ف الدنيا عشان يحبك
-الكلب بيطمر فيه ااقل معروف وخدمة منك... ويفديك بحياته عشانها
- الكلب عمره مايتغير عليك من اول ما يتولد لحد ما يموت اهتمامه وحبه واحد وبنفس القوة
- بيطمنك ولو لمرة واحده ف حياتك ان في كائن حي مش هيتخلي عنك ويسيبك
- احساس ان في حد بيستناك دي كبيييرة اوووي وانك تجيله وتحبه وعمره ما يزهق منك (ونس دائم)
- الكلب والله العظيم بيحس بزعلك وتعبك حتي لو انت مبين انك عادي وتمام وهيكتفي انو يفضل قاعد جمبك ف هدوء لحد ماتبقي كويس (بيطيب خاطرك)
- في حالة زعلك منو هو... ممكن يقاطع الاكل والشرب لحد ما ترضي عنه ده لان زعلك مهم وكبير عندو
- رفيق مخلص ومهتم بكل حاجه بتعملها ف يومك مهما كانت تافهه ومستمتع حتي لو انت قاعد مبتعملش اي حاجه
-الكلب منغير ما يتكلم مشاعرو واضحه اووووووي وقووووووية وثااااابتة
-الكلب دايما هيحسسك انك مهم ف حياته ومرغوب فيك منغير شك لحظة انو بيحبك مصلحة
- الكلب عمرو ما هيتردد لحظة يختارك ...مبينساش لحظة معاك...حلوة او وحشة ومش لازم تكون حالتك مثالية ..مش هيسيبك عشان حد تاني هيديلو اكل اغلي منك او حد شكلو احلي منك او حد ظروفو احسن منك....هيختارك كل مرة وهيتمسك بيك ومش هتصحي من النوم تلاقيه بيقولك اسف انا هسيبك مش هعرف اعيش ليك او اتمسك بيك.
- الكلب عمرو ما هيكسر قلبك الا ف يوم مماته و هيتكسر قلبك عليه عشان هتخسر حاجات مش هتلاقيها ف اي انسان هتقابلو ف حياتك.
اقتناء كلب مش منظرة ولا زينة ولا تفاهه ...الكلب بيرجع للانسان الحياه لما بتطفي وممكن يديلو سبب يكمل بيه يومه