Maka center for veterinary services

Maka center for veterinary services مركز بيطري شامل

د.احمد السيد نصر
طبيب وجراح الحيوان بكالوريوس طب بيطري جامعه كفر الشيخ
خبره عمل بمستشفيات القوات المسلحه للحيوانات الاليفه
ومزارع الحيوانات الكبيره والطيور
عياده متكامله تهتم بصحه الحيوان ف المقام الأول

02/02/2026

السلام عليكم 😻
من طوارئ يوم الجمعه الماضيه 🫣
قط جالنا باحتباس كامل وكان السبب حصوات الكالسيوم اوكساليت ال بتتكون من اكل الدراي الردئ والأكل المضاف له الأملاح والتوابل
حاولنا معاه كتير ووقت طويل لوجود اكتر من حصوة ف قناه مجري البول ....😅

وبفضل الله ركبناله القسطره وال بتستمر ل اسبوع تقريبا ..🐈‍⬛ لكن بنحب ننبه انها اول خطوة ف العلاج بمعني أدق يتم اختبار عينه البول وتحديد مستوي القاعديه أو الحمضيه لتحديد علاج اكثر دقه للتخلص من الحصوات ومنع تكرار الاحتباسات المميته ...مع تعديل النظام الغذائي 🤩

مركز مكه كفر الشيخ امام مدرسه احمد عرابي الابتدائيه
📞01027179889

السلام عليكم 😻هنتكلم انهارده عن قطقوطه جاتلنا بعد تشخيصها بالطاعون لكن كان للفحص الدقيق وجهه نظر تانيه .. والحالة كانت م...
21/01/2026

السلام عليكم 😻
هنتكلم انهارده عن قطقوطه جاتلنا بعد تشخيصها بالطاعون لكن كان للفحص الدقيق وجهه نظر تانيه ..


والحالة كانت من كلام الاونر اسهال مدمم جزئي
مع أخذ كلام الاونر بالاعتبار لارتفاع درجه الحراره وملاحظه وجود اسهال مائل للون الاحمر تم عمل اختبار طاعون لكنه كان سلبي !!
فحصنا بدقه اكبر وجدنا وقود قرح بسيطه جدا بالفم والحاله مكنتش قاطعه الاكل بشكل نهائي وده بياكد أنه كاليسي لكن لسه ف البدايه ..🫣
📌معلومه ع الماشي اي فيروس بنعالج اعراض لكن التشخيص يفرق لان كل فيروس له شكل عدوي معين يغير من العلاج العام لعلاج محدد 👀 وده بيفرق جدا لان صاحبها كان أحد قرار بانه يرميها ...

وبفضل الله اتعالجت وبقت احسن كتير ورجعت لطبيعتها وفضلت ف بيتها ❤️❤️
صورتها وهي بتفك الكانيولا ف البوكس حفاظا عليها لأنها من اشرس القطط 😅

مركز مكه كفر الشيخ امام مدرسه احمد عرابي الابتدائيه
📞01027179889

21/01/2026

السلام عليكم 😻
بما أن الفتره دي فتره شائعه للتزاوج هنتكلم بشكل مفصل عن فتره الحمل والفطام للصغار لتوضيح الجزء المناعي

اولا فتره الحمل تتراوح من 60 ل 63 يوم طبقا للفصيله وكونها كأول مره يحصل فيها حمل
و الفتره دي بنتجنب اي تطعيم للام لان مفيش معلومات دقيقه توكد سلامه التحصينات ع الاجنه

ثانيا عمر الفطام للصغار وهو 45 يوم تحديدا لاعتماد الصغار بشكل كامل علي لبن الأم للحصول ع المناعه خلال الفتره دي وبعد ال 45 يوم يبدأ اضيف وجبات محدده بجانب الرضاعه
وللسبب ده لازم نحافظ ع الصغار من خروجهم لمكان تاني منها لحدوث الإصابات الفيروسيه
تمهيدا للتحصين الفيروسي ال بيبدأ عاده من سن 6 ل 8 اسابيع لرفع مناعه الصغار ....

وهنعرض حاله جاتلنا كان عمرها حوالي 35 يوم أصيبت بنزله معويه حاده كنتيجه لأنها ماخدتش فتره رضاعه كافيه علاوة علي عدم تطور الأمعاء والمعده بالشكل المناسب ال يسمح بهضم الطعام المتطور !!
وكان تركيب المحلول لا مفر منه لتكرار القئ وفقدان كثير من سوائل الجسم
وبفضل الله اتحسنت وحيويتها رجعت تاني ♥️

مركز مكه كفر الشيخ امام مدرسه احمد عرابي الابتدائيه
📞01027179889

30/12/2025

😻السلام عليكم
هنتكلم انهارده عن قطقوط لذيذ ما شاء الله فاضله تكه ويتكلم 😅🤣
كان لينا معاه ذكري أنه كان أصيب بالتهاب معوي شديد نتج عن انتقاله لمكان آخر وظروف بيئيه مغايره وتغير ف طبيعه الطعام لانه كان رايح يتجوز 😅😅وقام الحمد لله بالسلامه وعدت ع خير ...

المره دي جالنا بعد شكوي من الاونر أنه بيحاول كتييير يدخل
الليتر🐈‍⬛ ومفيش اي يورينيشن 🫣بعد ما كان بينقط نقط بسيطه لفترات طويله وطبعا كان قاطع للاكل ...

📌بدأنا الفحص وتبين الآتي
بالمس الخارجي المثانه عباره عن كره متحجره

بالسونار لاحظنا وجود كميه كبيره من الحصوات ♦️
وكان التدخل السريع لمحاوله تفضيه المثانه بالقسطره
نزلت كميه كبيره من البول المدمم بعد محاولات عديده لكبر
حجم الحصوة ال أعاقت نزول البول

سحبنا كميه بول لتحديد طبيعته القلويه أو الحمضيه لتحديد
مسار علاج دقيق لان القسطره ما هي إلا مرحله اولي
مع اعطاء دواء مساعد لتحسين وظائف الكليه
وللمساعده ف التخلص من الحصوات

والسبب هو عدم اتباع نظام غذاء صحي يحتوي علي الأملاح والتوابل
واعتماده ع انواع دراي رديئه..

لذا دائما بننبه ع ضروره الاهتمام لتغذيه الاليف علي اكل خالي تماما من الأملاح وان وجب الدراي نلجأ للانواع
العلاجيه لأنها اقل خطوره ف تكوين الحصوات
وتجنب عمليه تحويل المسار لان بعض الحالات لا تستجيب للقسطره

مركز مكه كفر الشيخ امام مدرسه احمد عرابي الابتدائيه
📞01027179889

18/12/2025

😻السلام عليكم
هنتكلم انهارده عن قطقوطه جاتلنا العياده وكان ظاهر عليها التالي

عدم اتزان وحركات عصبيه لا اراديه
اتساع حدقه العين
رياله

سألنا الاونر أنه استخدم ماده للحشرات وللاسف زي ما توقعنا استخدم ماده الايفرمكتين تحت مسمي الايفرزين والماده دي حظرنا منها وبنحظر منها أنها امنه للإنسان والكلاب بجرعات محدده لكن سميتها عاليه للقطط
ولا يوجد ماده مضاده لها وكانت جايه بعد يومين من استخدام الايفرزين !!؟

حياه اليفك غاليه فمن فضلك استشير الطبيب البيطري قبل ما تاخد أي خطوة وتتعامل مع اليفك ف أي مستحضر طبي لان ف ادويه بشري ممنوعه وهنبقي نتكلم عنها ف بوست
مفصل ...

والحمد لله بعد محاولات مكثفه وخطه علاج مناسبه الحاله اتحسنت جدا ♥️

مركز مكه كفر الشيخ امام مدرسه احمد عرابي الابتدائيه
010 27179889

فيديو الحاله تاني يوم والحاله بعد التحسن الملحوظ
اول كومنت ❤️

16/12/2025

😻السلام عليكم
هنتكلم انهارده عن قط لطيف جدا ...
مش عدائي لكن فرااك اول ما يدخل العياده من غير سلام عليكم ابص ع وزنه واطعمه الديدان لو لو صبرت عليه مفيش
ديدان هنا لو للسنه الجايه 😅🤣
وللاسف لطبيعه الولد وانشغاله بالجواز هرب من البيت لكن كنا ع يقين تام بالله ..أن صاحبته تلاقيه لان طبيعه الشيرازي أنه مبيبعدش بالشكل الكافي أو بمعني أوضح بيستخبي ف مكان قريب غالبا ...وفعلا بعد محاولات عثرت عليه ف مكان
قريب🫣
بدأنا نفحصه وكان ظاهر عليه
لعاب غزير
قرح ف اللسان
حراره عاليه
طبعا شخصنا الاصابه ومشينا بخطه علاج مناسبه
والحمد لله اتحسن وحيويته رجعت وإصراره ع الجواز تتضاعف 😅🤣🫣

مركز مكه كفر الشيخ امام مدرسه احمد عرابي الابتدائيه
📞01027179889

04/12/2025

😻السلام عليكم
هنتكلم انهارده عن حاله بشكل هزلي شويتين لان انا مؤمن أن الحياه كمواقف بتتكرر والرد يكون رد عملي مش اكتر ..

من حوالي سنتين 📌
اتصال جالنا حوالي الساعه ٣صباحا لشخص عندهم قطه وقعت من الدور التالت طبعا كعادتي مبتاخرش عن إنقاذ الروح قدر المستطاع نزلت طبعا لا ف اشعه ولا غيره الوقت ده عطيت ادويه مسعفه وعلقت محاليل والحمد لله مكنش ف كسر مضاعف أو خطير لكن كان ف ورم والم شديد ف أحد الأرجل الاماميه لحسن الحظ كان ف جبيره وجبسناها وارتاح وعدت الليله بسلام
وبعد فتره جت مع صاحبتها بامساك وأنها عملت اكس
راي عشان تتأكد أن الجبس مظبوط وطلع فعلا مظبوط 😅 فتم وصف ادويه ومحاليل لان كان بقالها ايام والحاله مرهقه وادويه فمويه ال هو اصلا طبيعه بعض القطط انها تريل مع أي دوا فموي
فالعقليه دي مستغربش انها تقول إن ده تسمم ع الرغم أن بقالها يومين بتاخد علاج ومستقرة وسبحان الله ي مؤمن مماتتش
وكل شويه صياح وصداع 😅🤣🤣

المهم نفس الشخص يرن علينا تاني وبالمناسبة كان عمل عندنا لقطه تعقيم وفضل عندنا ٣ ايام استضافه ..لكن المره دي قطه هو وبيقول أن بقاله تلت ايام قاطع الاكل والميه نهائي فبكل ود قولتله هاته العياده نشوفه
الاعراض كانت 📌
انخفاض حاد في درجه الحراره مفيش اي حركه ي دوب عين بتتحرك
المهم بسرعه حاولنا التدفئه ودفينا المحاليل وركبنا الكانيولا
😅😅🤣وحاولت احلق وكالعادة مش اوي فالحلاقه
ونشوف حد يحلق لان بنشوف خرفان اقصد قطط لبعض الاونر 😅🤣وحاجه ف منتهي الإهمال

المهم بدأ يرفع رأسه ويستجيب الحمد لله لكن كان لا ف ترجيع ولا اسهال ولا اي اعراض تدل انه فيروس

بعد استقرار الحاله ♦️
ضربنا الودع 😅🤣اقصد سحبنا عينه دم وكانت سلبيه لطاعون الدم

لاحظنا نقط نزفيه زرقاء ف العين وارتفاع ف انزيمات الكبد والسونار أكدلنا ده ....

وتم وصف خطه العلاج المناسبه والحمد لله اكل ورجع لحيويته مره تانيه وبالمناسبة كنا بتنزل مخصوص الساعه ٣ صباحا لظروف الاونر فدائما عقليه الاونر بتفرق جدا وربنا يعين بعض الناس ع نفسها ..

مركز مكه كفر الشيخ امام مدرسه احمد عرابي الابتدائيه
📞01027179889

02/12/2025

😻السلام عليكم
هنتكلم انهارده عن فيروس مشابه لطاعون القطط لكنه ليس من نفس السلاله... ألا وهو البارفو وهو فيروس يصيب الكلاب وخصوصا الأقل من ٦ شهور ونادرا ما ينتقل للقطط

أعراض بارفو الكلاب

قيء متكرر (غالبًا أصفر أو رغوي).
إسهال شديد مائي أو دموي برائحة نفاذة جدًا.لدرجه أن المكان بيتقلب حرفيا 😅
خمول شديد وفقدان شهيه.

وطبعا طالما أن هو مرض فيروسي يبقي الاستجابه العلاجيه تتوقف ع مناعه الاليف المصاب لكن كلما كان العلاج اسرع
وف البدايه كلما زادت نسبه الشفاء

ودائما بنتبه ع ضروره التطعيمات الفيروسيه ال بتبدأ من سن ال ٦اسابيع بجرعه ثنائي ثم خماسي ثم ثماني
ثم التكرار السنوي

وبفضل الله دي حاله من الحالات ال تماثلت للشفاء لكنها صعبه وعنيفه جدا 😅🫣ودا فيديو ليها كده بالعافيه ❤️

مركز مكه كفر الشيخ أمام مدرسه احمد عرابي الابتدائيه

📞01027179889

01/12/2025

😻السلام عليكم
هنتكلم انهارده باستفاضة شويتين عن التطعيم الفيروسي
مبدئيا
السن المناسب لتطعيم القطط الفيروسي (الثلاثي أو الرباعي)

🐾 أول جرعة: عند عمر 6–8 أسابيع

6لو القط أصغر من كده ولسه بيرضع، بنستنى لحد ما يتم أسابيع على الأقل.

الجرعة الثانية: بعد 3–4 أسابيع من الأولى (عمر 10–12 أسبوع).

الجرعة الثالثة: بعد 3–4 أسابيع من الثانية (عمر 14–16 أسبوع).

> الجرعة الثالثة مهمة جدًا بسبب انخفاض الأجسام المضادة من الأم في العمر ده.

💉 جرعة البوستر السنوية
بعد سنة من آخر جرعة في الكورس الأساسي، ثم مرة واحدة كل سنة.

ليه بنتكلم بتفصيل ؟
لان التطعيمات دي لا تقل اهميه عن تطعيم الديدان والحشرات
وايضا تطعيم السعار ال هو مرض ينتقل للإنسان ومميت

السبب التاني هو أن الحالات دي بتعتمد بشكل اساسي ع مناعه القط واستجابته للعلاج وال بتوصل احيانا لنقل دم دون أي جدوي 🫣🫣
واحيانا ف حالات بيحصلها مضاعفات زي الصفراء لان الخلايا
بيحصلها تعفن ولاستمرار النزف الحاد ال بيسبب الموت
فدائما الحذر واتباع نظام خاص بالتطعيمات افضل من العلاج
❤️لسلامه حيوانك الاليف وروحه اللتي لا تقدر بثمن
بعض من محاولاتنا لنقل دم بعد معرفه الفصيله والحصول ع فصيله متماثله

ونشكر صاحبه القط لعدم تخليها عنه رغم معرفتها بصعوبه حالته وتضائل نسب الشفاء

مركز مكه كفر الشيخ امام مدرسه احمد عرابي الابتدائيه
📞01027179889

😻السلام عليكم هنتكلم انهارده عن حاله خاصه وهي قطقوطه طلعت تبني وللاسف ال أخدها لا راعي دينه ولا ضميره وتقريبا اترمت طبعا...
27/11/2025

😻السلام عليكم
هنتكلم انهارده عن حاله خاصه وهي قطقوطه طلعت تبني وللاسف ال أخدها لا راعي دينه ولا ضميره وتقريبا اترمت طبعا لا اكل ولا بيت ولا اي حاجه بعد ما كانت عند بيت رحيم
المهم اتعرضت ع جروب ما ..انها ف قمه التعب وربنا يجازيها خير ال تواصلت معانا بدأنا بفحصها واعراضها كانت ...

ترجيع اصفر مستمر مائل للون الاحمر 📌
ارتفاع شديد ف درجه الحراره
لعاب مستمر
افرازات دمعيه وانفيه

🫣 عملنا اختبار واكدلنا أنه طاعون قطط ♦️

بدأنا بتوفيق وفضل الله خطه العلاج المناسبه وال استمرت لأيام إلي أن شاء الله واتحسنت ما شاء الله واكلت ورجعت
❤️لطبيعتها ❤️

فيديو الحاله ف اول كومنت ❤️

مركز مكه كفر الشيخ امام مدرسه احمد عرابي الابتدائيه
📞01027179889

18/11/2025

😻السلام عليكم
هنتكلم انهارده عن حاله بانليكوبينيا لكن الحاله دي مرت بظروف صعبه جدا من اول يوم وظاهر عليها العدوي الثانويه البكتيريه ف الرئه ومخاط لزج صديدي من اللانف 🫣وللاسف المحاليل بتبقي اختيار صعب لكن هي منهكه جدا من الجفاف فاضطرينا نوصف جرعات قليله تجنبا لحدوث التدهور لكن فاجئتنا بنزول دم من الانف والعين اليسري 🥺بغزاره 👀
طبعا ضفنا ادويه وكنا مع الحاله خطوه بخطوة إلا أن شاء
الله وكلت الحمد لله واستعادت حيوتها وبدأت تطلب الاكل تقريبا ف اليوم ٩ بعد ما تقبلته يدويا ❤️❤️
بنشكر صاحبه الحاله ع اهتمامها وصبرها وربنا يجازيها كل
الخير وكلما كان الاونر علي قدر من العلم والصبر كلما نجحت الحاله ❤️

مركز مكه كفر الشيخ امام مدرسه احمد عرابي الابتدائيه
📞01027179889

17/11/2025

😻السلام عليكم
هنتكلم عن قط إنقاذ سنه حوالي ٣ شهور
جالي ف وقت كنت بقفل واتشخص أنه كاليسي 🐈‍⬛وكان ف منتهي العدائيه.. ملئ بالحشرات حرفيا حشرات بقط 😅وان ف رائحه بمنتهي السوء تنبعث من الفم .👀.حاولت بشتي الطرق احافظ ع هدوئه وافحصه لكن تبين وجود خراج ف الاسنان الجانبيه تسبب في صديد اللثه و الخد لوجود ضرسين عائمين
لكن حالته كانت مثيره اول يوم الحاله كانت ف منتهي التدهور تاني يوم حرفيا قولت أنه مات وهو بيركب المحلول وخلاص بفكر هدفنه فين وسرحت لثوان وإذ باللذي ينونو
♥️نونه العائد من الموت فإذا بسعاده غامره تملأ قلبي

الحاله بالفحص زي ما ذكرنا أنه كان صديد ف اللثه والاسنان تسبب بقرحه وصديد أدت لموت خلايا الخد

بدأنا بتركيب الكانيولا وطبعا كانت ف منتهي الصعوبه لوجود تسمم بالدم والحشرات الكتيره وأنه كان طبعا ممتنع عن الاكل لأيام ..
تالت يوم مع خطه العلاج بدأ ياكل ومع استقرار الحاله خلعنا الضرسين ال فيهم المشكله ونضفنا الجرح ال تقريبا ازلنا فيه 🥺الخد
فدائما التشخيص السليم بفضل الله ♥️بيفرق جدا ف مسار حياه الحاله

شكرا للي تكاتف معانا اننا نقدر بتوفيق ربنا أننا تنقذه
والحمد لله هو ف احسن حال وف استقرار ف الحاله وبدأ
بالفعل ياكل ♥️♥️
فيديو يوضح حالته ف البدايه اول كومنت 🫣

مركز مكه كفر الشيخ امام مدرسه احمد عرابي الابتدائيه
📞01027179889

Address

شارع احمد عرابي امام مدرسه احمد عرابي الابتدائيه
Kafr El Sheikh
MAKA@489

Opening Hours

Monday 10am - 11pm
Tuesday 10am - 11pm
Wednesday 10am - 11pm
Thursday 10am - 11pm
Friday 3pm - 8pm
Saturday 10am - 11pm
Sunday 10am - 11pm

Telephone

+201027179889

Website

Alerts

Be the first to know and let us send you an email when Maka center for veterinary services posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Maka center for veterinary services:

Shortcuts

Share

Category