Arena Veterinary Clinic

24/05/2026

كل سنه وحضراتكم طيبين 🐏♥️ وعيد أضحى مبارك عليكوا وعلى حبايبنا الصغيرين 😍🫶
وجب التنوية ان خدمات الجرومنج (الحلاقة - الشاور) مش شغاله يوم الوقفه واول وتاني يوم العيد 🫣
مواعيد العيد :-
من تاني يوم العيد لخامس يوم من الساعه ٥ للساعه ١٠ 🙏
اخر معاد للشاور هو الاتنين الموافق ٢٥-٥.
للطوارئ ايام العيد التواصل واتس اب :- 01503151177

23/05/2026

🚨 حالة طوارئ جديدة وصلتلنا في العيادة 🐾

القط دا جالنا الشهية بتاعتة قليله وصاحبته حاسه ان فيه حاجه مش طبيعية ، ومع الكشف والأشعة اكتشفنا وجود انسداد شديد في الأمعاء 😿
والسبب كان مفاجأة… “توكة شعر” بلعها بالخطأ! 🎀

تم التدخل الجراحي بسرعة والحمد لله العملية نجحت، وتم إزالة الجسم الغريب وإنقاذ الحالة ❤️

⚠️ بنأكد دايمًا على أهمية إبعاد أي ألعاب صغيرة أو توك أو خيوط عن القطط، لأن الفضول عندهم ممكن يسبب مشاكل خطيرة جدًا.

الحمد لله بطلنا الصغير بدأ يتحسن ويرجع لطبيعته 🫶🐱

📍Arena Veterinary Clinic
📞 0150315117

13/05/2026

مش اول ولا تاني ولا عاشر حالة تيجي العيادة بالمنظر دا واغلب الناس بيبقوا فاكرين انه حد حاططله سم .. بس للاسف لا بعد التحاليل اتضح ان الكلب عنده تسمم غذائي بسبب السلمونيلا 🚫
لو مش هتقدر تأكل الكلاب اكل نضيف (دراي فود - اكل مستوي) يبقا بلاش تضرهم أحسن ♥️🙏

10/05/2026

حالة طوارئ الساعة ٣ الفجر… ولحظة إنقاذ حياة 🐶

ڤيكي الساعة ٣ الفجر جاتلنا وحالتها كانت صعبة جدًا وعندها خمول واضح. 🤦🏻‍♂️🥲
كشفنا عليها فورًا وعملنا سونار، وظهر إن عندها صديد في الرحم (Pyometra) — ودي من أخطر الحالات اللي ممكن تقابل أي أنثى غير معقمة وممكن تهدد حياتها في وقت قصير جدًا.🚫

قبل ما ندخلها العملية، كان لازم نطمن عليها كويس، فعملنـا تحاليل دم كاملة.🫡
التحاليل وضّحت مفاجأة مهمة: كان عندها طفيليات دم مأثرة على حالتها بشكل كبير.

الحمد لله الحالة عدّت على خير من غير نزيف ودا كان التحدى في العمليه بسبب نقص الصفائح الدموية وسيولة الدم الواضحه بشكل ملحوظ 🙏

🔴 معلومة مهمة لكل مربيين الكلاب:
صديد الرحم مش دايمًا أعراضه بتكون واضحة من الأول، وعلشان كده الكشف بدري بيفرق جدًا.
وكمان التحاليل قبل أي عملية مش رفاهية… دي خطوة ممكن تنقذ حياة.
ادعولها ربنا يكمل شفاها على خير وتقوم بالسلامة ♥️🙏
لو عندك أنثى مش معقمة ولاحظت خمول، قلة أكل، إفرازات، أو بطنها منفوخة…
ما تستناش. التوجه السريع للعيادة ممكن ينقذ حياتها. 🫶♥️
في ARENA فاهمين حيوانك وبنحبة زيك بالظبط ♥️
ARENA Veterinary Clinic 🫶
Your Pet In Safe Hands 🙌 🐾

04/05/2026

متابعة الحمل في الحيوانات الأليفة مش رفاهية 🚫… دي خطوة أساسية بتفرق بين ولادة آمنة ومضاعفات ممكن تهدد حياة الأم والصغار. ♥️

خلال فترة الحمل، المتابعة الدورية مع الطبيب البيطري بتخلّينا نطمن على:

* حالة الأجنة.
* وضع الأجنة داخل الرحم.
* نبض الأجنة وحيويتهم.
* صحة الأم واستعدادها للولادة الطبيعية.

كل ده بيخلّينا نقرر في الوقت الصح: هل نسيبها تولد طبيعي؟ ولا نتدخل بعملية قيصرية في التوقيت المثالي قبل ما تحصل أي مضاعفات. 🙏

إمتى نسيب الولادة طبيعية؟

* لما يكون حجم الأجنة مناسب.
* وضع الأجنة سليم.
* الأم حالتها الصحية كويسة.
* مفيش تاريخ سابق لتعسر ولادة.
* علامات الولادة بدأت بشكل طبيعي والتقدم في الولادة ماشي كويس. ✅

إمتى نحتاج قيصرية؟

* لو عدى وقت طويل بعد بدء الطلق من غير نزول أول جنين
* لو فيه ضعف في انقباضات الرحم (uterine inertia).
* لو حجم الأجنة كبير على قناة الولادة.
* لو فيه وضع خاطئ لجنين.
* لو الأم مجهدة أو حالتها بتسوء.
* السلالات المعروفة بصعوبة الولادة (زي البولدوج والبيكينواه).
* لو حصلت ولادات متعسرة قبل كده.

التدخل في الوقت المناسب بالقيصرية مش فشل للولادة الطبيعية… بالعكس، ده قرار طبي ذكي بيحافظ على حياة الأم وصغارها.

📅 المتابعة بالسونار في أواخر الحمل بتدينا صورة واضحة وتخلّينا جاهزين لأي قرار في الوقت الصح. 🫶

سلامة الأم والصغار تبدأ من المتابعة… مش من لحظة الولادة. ♥️♥️🫡

17/04/2026

رحلة شفاء… لأنهم يستحقوا الأمل ❤️🐾

الحالة دي جتلنا وهي بتعاني من إفرازات شديدة والتهاب حاد في العين، ومع التشخيص الدقيق والمتابعة المستمرة، بدأ التحسن يظهر من اليوم الثالث… لحد ما العين رجعت طبيعية تمامًا خلال 3 أسابيع.

الصور قدامكم بتحكي رحلة كاملة:
من الألم… للتحسن… للشفاء التام.

في Arena Veterinary Clinic بنؤمن إن:
الرعاية الصح + العلاج المناسب + المتابعة = نتيجة حقيقية.

لو حيوانك الأليف بيعاني من أي مشكلة في العين:
إفرازات – احمرار – عكارة – صعوبة فتح العين
متستناش… التدخل بدري بيفرق جدًا في النتيجة.

📞 للحجز والاستفسار: 01503151177

Arena Veterinary Clinic 🫶
Your Pet In Safe Hands 🙌♥️

12/04/2026

لأن راحة وصحة حيواناتكم الأليفة أولوية عندنا. ♥️😍
اسأل عن عروض الصيف 🫶
يسعدنا استقبالكم في فروعنا:
📍 الإسماعيلية – مساكن عثمان، أمام نادي الكهرباء بجوار كافيه أرجيله
📞 01503151177

📍 بورسعيد – مشتك السواحل، بجوار سوبر ماركت أبو طبل
📞 01035905988

في انتظار زيارتكم 🙏

26/03/2026

مطلوب مساعد طبيب بيطري (شاب مش دكتور) لفرع الاسماعيليه ♥️🙏
السن المطلوب بين ١٨ و ٢٣ سنه واهم حاجه يكون شخص بيحب الحيوانات 🫶
لو شايف نفسك مناسب ابعتلنا رساله ولو تعرف حد مناسب اعمله منشن ♥️

20/03/2026

♥️♥️♥️♥️

#أول يوم من شوال😥😥
تنفرد بالصف الأول
وكأنها حزينة على فراق أحبابها الذين كانت تداعبهم وتتفقدهم يومياً في رمضان.
كانت تمر بين أرجلهم وهم ركعا سجدا قائمين
اليوم وكأنها تبحث عنهم أين ذهبوا ؟😥

19/03/2026

عيد فطر مبارك عليكم وعلى كل حبايبكم 🐾❤️

كل سنة وأنتم طيبين، ويارب العيد يكون مليان فرحة وسعادة ليكم ولأصحابكم الصغيرين 🐶🐱
نتمنى لكم أيام مليانة بهجة وراحة بال، ويارب دايمًا تجمعكم أحلى لحظات مع حيواناتكم الأليفة 🥰
🌙 عيد سعيد… واستنونا في مواعيد العمل خلال أيام العيد 👇
من تاني يوم العيد لخامس يوم العيد
من الساعة 5 مساءً إلى الساعة 10 مساءً ♥️🙏