Arena Veterinary Clinic

25/10/2026

☀️🐾 ودّع الصيف مع Arena Veterinary Clinic! 🐾❤️

عشان حبايبنا يستاهلوا أحسن رعاية وأحلى لوك 😍🐶🐱

🔥 خصم 25% على الحلاقة والشاور للكلاب والقطط! 🔥

✨ خدماتنا تشمل:
✂️ قص الأظافر
👁️ تنظيف العين
👂 تنظيف الأذن

⚠️ الحق احجز لحيوانك الأليف واستفاد بالعرض قبل ما يفوتك!

📩 ابعتلنا رسالة على الصفحة للحجز والاستفسار.

📍 Arena Veterinary Clinic
📞 01503151177
🐾 Your Pet In Safe Hands 🙌 ❤️

19/10/2026

بيان هام 🚨
في اليومين الي فاتوا اتبعتلنا سكرين شوت لبوستات نازله على الفيسبوك فيها سب وتشهير بالعياده
واحنا ف ارينا بنحترم كل الاراء سواء الايجابيه او السلبيه بس تكون في حدود الاحترام والاخلاق ف حبينا نشرح لحضراتكوا الي حصل من الاول خالص احتراماً ليكوا
يوم الاثنين الموافق ١٢-١٠-٢٠٢٦
جه أ ابر***** ف** وهو عميل حديث عندنا قالنا انه قال لزميلته انا بتعامل مع عياده كويسه جداً ولحقوا قطتي ف وضع صعب وجاب قطتها تكشف لأن هيا مش فاضيه.
القطه اتقاست حرارتها وكانت ٣٩.٢ ودي متعتبرش عاليه وصحتها كانت كويسه ف اتبلغ ان مشكلتها بس ان عندها لبن محجر بسبب ان الكيتينز بتوعها مشيوا ومكملوش رضاعه وان الاجراء هيكون حقن بسيطه تنشف اللبن وكمادات وبالفعل القطه اخدت اول جرعه واليوم التالي ١٣-١٠-٢٠٢٦ جه اخد الجرعه التانيه واليوم الرابع ١٥-١٠-٢٠٢٦ القطه جت مع صاحبتها أ نا*** أ**** ووالدتها وسألناها اي اخبار القطه قالت كويسه جداً الحمدلله بس لسه فيه شوية لبن وانا بصراحه بكسل اعملها الكمادات ف الدكتور بلغها ان هيا ليها حقنه تانيه بكرا ان شاء الله وقالت انا عاوزه احلقلها شعرها فالدكتور قالها بتاكل كويس وبتتحرك كويس وأقرت ان الحمدلله اه ف القطه حلقت وهيا واقفه معاها ومشيت معاها (بدون تخدير) ولو القطه متخدره ف اكيد صاحب القطه بيبقا عارف اذا كانت اتخدرت او لا لأن لو متخدره هتكون نايمه اكيد او مش فايقه.
يوم ١٦-١٠ والدتها جت الساعه ٧ تقريباً بلغتنا ان القطه بتتشنج ونايمه على جنبها وبعد قياس الحراره كانت ٣٦ والقطه مفيش اي رد فعل خالص وعنيها واسعه مش بتستجيب للضوء .. بلغنا والدتها ان القطه عندها تسمم شديد جداً هل حضرتك مسحتي البيت بكلور او منظفات قالت لأ طيب هل حضرتك راشه حاجه للنمل او الحشرات قالت لا وبعد كدا قالت بس انا جبتلها كبده من محل وبعد مأكلت الكبده اتلوت ف الارض شويه ف كنت فاكره انها اعراض جواز بس لما همدت خالص كدا قولت لازم اجيبها .. بلغناها ان للاسف دا تسمم من الكبده لأن الكبده اصلاً النضيفه الي بنجيبها وارد يكون فيها سموم ف الكبده الي بتترفض فالمجازر بتبقا غير صالحه للاستخدام بس بتتباع للقطط والكلاب وفيه قطط كتير مش بتستحملها طبعاً. قالتلنا وهيا في كامل وعيها وادراكها وهيا حزينه ان القطه كانت زي الفل بتلعب وتاكل وتشرب لغايه مأكلت الكبده وقدر الله وماشاء فعل وربنا كان منزل عليها صبر بس طبعاً حزينه بسبب فقدان القطه الي احنا بنعتبرها فرد من افراد العيله مش بس حيوان مربينه ودا لأننا كلنا عندنا حيوانات أليفه وفاهمين شعور الفقد وحش قد اي .. سألت برا حسابي كام لأننا كنا سايبنها على جهاز الاكسجين وجهاز التدفئه ومعلقين محاليل بهدف انقاذ الحاله بس أمر ربنا ورد ف الريسبشنست سألتنا قولنالها بلغيها ان بسيطه مفيش حساب وربنا يصبرها.
والاستاذه مشيت من غير اي كلام
ف نفس اليوم الساعه ١:١١ دقيقه فجراً لقينا أ نا*** بعتالنا رسايل فيها سب وتهديد بالفضيحه وأننا بنتبلى على والدتها وبنقول انها اكلتها كبده والعياده عندنا كلها مراقبه بالكاميرات واكيد مش هنقول ان هيا قالت حاجه وهيا مقالتهاش ف رجعت قالت لا ماما قالتلكوا ان هيا أكلت بس هيا مأكلتش ف بلغناها ان لو مش التسمم من الكبده يبقا من حاجه تانيه بس كان عندها اصرار انها من الحقنه وضحنا ان معاها روشته فيها اسم الحقنه الي كانت بتاخدها وانها موجوده من عشرات السنين في مصر وملهاش اي اثار جانبيه بس كان ردها ان اسلوبنا قليل الادب وان هيا هتفضحنا وهتفش**نا .
وتم اتخاذ الاجراءات القانونيه واتعمل محضر بالسب والقذف والتشهير والتهديد بالفضيحه في مباحث الانترنت يوم ١٨-١٠-٢٠٢٦.
احنا بس بنحكي الموضوع علشان يكون اتسمع من الطرفين واحتراماً للناس الي دافعت عننا وبتعتتلنا نرد او للناس الي حكوا تجاربهم السيئة عندنا.
حابب بس تعرفوا ان (ربنا) عز وجل الناس متفقتش عليه ف احنا مش مستنين ال ٤٠٠٠ عميل الي دخلوا عندنا يكونوا طالعين بيشكروا فينا لأن الخطأ وارد وكل واحد تجربته غير التاني بس لما يكون افتراءات او سوء تفاهم والناس تنساق او تخاف من دا ف دا يعرفنا ان للأسف بقينا بعيد جداً عن ربنا وشهادة الزور والافتراء بقا حاجه سهله
أسفين جداً على الإطاله ويومكم سعيد ♥️🙏
وربنا يصبر كل حد فقد أليفه ويعوضه خير

28/09/2026

07/09/2026

🐱 سكر دخل العيادة وهو بين الحياة والموت… والسبب كان قرص واحد!
سكر مش قط مريض بقاله شهور…
ولا كان عنده مرض خطير معروف.
كان قط عادي، بيعيش حياته وسط أهله، بياكل ويلعب وينام جنبهم… ❤️
لكن في يوم، لان للاسف صاحبته ادتله قرص بنادول بالغلط بدل تطعيم الديدان.
و للاسف البنادول مش مناسب خالص للقطط لدرجة انه ممكن يموت لو القط متلحقش ف اسرع وقت.

بعدها بدأ يظهر عليه:
خمول شديد…
رفض للأكل…
صعوبة في التنفس…
وتغير واضح في لون اللثة.
وقتها فهمنا إننا قدام تسمم باراسيتامول.

القطط تحديدًا حساسة جدًا للدواء ده، ومش قادرة تتخلص منه بنفس كفاءة الإنسان، وده ممكن يؤدي لتلف شديد في خلايا الدم ومضاعفات خطيرة على الكبد والتنفس، وقد يصل الأمر للوفاة.
عملنا تحاليل للكبد وللاسف اتضح ان الكبد تعبان خالص في اسرع وقت اخد الرعاية اللازمه والحمدلله عدت على خير ♥️
وده بالضبط سبب إننا بنحكي قصة سكر علشان متتكرش من حيوان تاني وميتلحقش.

عشان لو بوست واحد يوصلك المعلومة دي قبل ما تدي قطتك قرص من نفسك…
يبقى سكر أنقذ حياة قطة تانية. ❤️🐾

🚨 لو قطتك تعبانة، متديهاش أي دواء بشري من نفسك.

خصوصًا الباراسيتامول.

ولو حصل وقطتك بلعت منه، ماتستناش الأعراض وماتحاولش تعالجها في البيت. توجه لطبيب بيطري فورًا.

⏱️ في التسمم، الوقت مش مجرد وقت…
الوقت حياة.

🐱❤️ سلامة سكر كانت على المحك… فخلي قطتك متبقاش الحالة اللي بعدها.
Thanks Seamaty - Egypt for the accuracy of results
Thanks Vet4Ever for SAMYLIN

04/09/2026

⚠️ مش كل عملية تعقيم بتكون مجرد “شيل الرحم وخلاص”…

من فترة، حد من أصحاب الخير قرر ياخد كلبة شارع ويعقمها ❤️
خطوة جميلة جدًا لإنقاذها وتقليل معاناة كلاب الشوارع.

لكن للأسف، بعد العملية بدأت الكلبة تظهر عليها مشاكل، وبعد الفحص اتضح إن الرحم فقط هو اللي اتشال، بينما المبيضين ما زالوا موجودين.

ومع استمرار النشاط الهرموني، حصلت مضاعفات استدعت دخول الكلبة عملية تانية لتصحيح المشكلة وإنهاء السبب.

🐾 الحالة دي بتفكرنا بحاجة مهمة جدًا:
التعقيم مش مجرد إجراء جراحي بسيط، لكنه عملية لازم تتعمل بطريقة صحيحة وبفهم كامل للتشريح والهرمونات والمضاعفات المحتملة.

والأهم من كده إننا لما نقرر ننقذ حيوان ونعمله عملية، لازم نختار طبيب بيطري مؤهل وجراح شاطر، لأن الهدف مش بس إن الحيوان يخرج من العملية…
الهدف إنه يخرج منها سليم ويكمل حياته من غير مشاكل. ❤️

🙏 لو بتساعد حيوانات الشوارع وبتدفع في علاجها، متبخلش عليها باختيار المكان والطبيب الصح.

إنقاذ الحيوان مسؤولية… وجودة الرعاية جزء من الإنقاذ. 🐶❤️

#تعقيم

21/08/2026

مش كل إصابة بتكون نهايتها… أحيانًا بتكون بداية فرصة جديدة للحياة. 🦜❤️

الحالة دي لطائر كوكتيل اتعرض لحادث مؤلم جدًا بسبب مروحة، نتج عنه إصابة شديدة في الجناح مع كسر بالعظام وتهتك بالأنسجة. 🥲

كانت حالته صعبة، والجناح كان في حالة تستدعي تدخل جراحي سريع، لكن هدفنا الأول دايمًا واحد:
ننقذ حياة الطائر ونقلل ألمه ونوفرله أفضل فرصة ممكنة للتعافي.🫶♥️

بعد التعامل مع الإصابة وإجراء التدخل الجراحي والعناية اللازمة، بدأ الكوكتيل يستعيد حالته تدريجيًا وهنسيب فيديو في الكومنتات ❤️‍🩹

كل حالة بنستقبلها مش مجرد “حيوان محتاج علاج”…
دي روح صغيرة أصحابها بيحبوها وبيعتبروها فرد من عيلتهم. ❤️

ربنا يتم شفاءه على خير ويعوضه عن اللي حصله. 🥹🦜

16/08/2026

كل عملية بيبقا وراها قصة ♥️
النهاردا قصتنا مع كوكش 🫶

10/08/2026

🐾 عشان راحتكم وراحة حيواناتكم الأليفة تهمنا ❤️

في Arena Veterinary Clinic بنحاول دايمًا نخلي زيارتكم أسهل وأسرع، ونوفر لحيواناتكم الرعاية اللي تستحقها 🐶🐱

⏰ علشان كده عدّلنا مواعيد العمل لتناسبكم أكتر:
🕚 يوميًا من 11 صباحًا حتى 2 بعد منتصف الليل مع تواجد دكتور طول الفترة دي 🙏

وقت أطول لخدمتكم، وانتظار أقل، ورعاية أفضل لحيوانكم الأليف ❤️

📍 مساكِن عثماثون – نادي الكهرباء – أمام كافيه أرجيلة
📞 01503151177
Arena Veterinary Clinic ♥️
Your Pet In Safe Hands 🙌

01/08/2026

مطلوب مساعد طبيب بيطري (شاب مش دكتور) لفرع الاسماعيليه بمرتب مجزي ♥️🙏
السن المطلوب بين ١٨ و ٢٥ سنه واهم حاجه يكون شخص بيحب الحيوانات 🫶
لو شايف نفسك مناسب ابعتلنا رساله ولو تعرف حد مناسب اعمله منشن ♥️

23/07/2026

تم الإنقاذ الحمدلله ♥️✅
من كام يوم دكتور من العياده شاف القطه دي وكنا عاوزين نساعدها بس للاسف معرفناش نمسكها بس أ كريمان مشكورة ساعدتنا في دا وكمان ساهمت في تكاليف اقامه القطه بعد العمليه ♥️
دلوقتي القطه عملت العمليه لأيدها علشان كان فيه غرغرينا واتعقمت كمان وجاهزه تروح شلتر أ دينا تعيش حياه كويسه بعد مكانت متبهدله في الشارع ♥️😍
حابين نشكر كل قلب رحيم بيحاول يخفف ألم حيوان مش قادر يعبر عن احساسه 🙏♥️
وحابين نفكرك لو لقيت اي حيوان تعبان في الشارع حاول متتجاهلوش يمكن دا يكون باب ليك للجنه ♥️
Kariman Sheriff
Deena Mohamed