30/08/2025
برجاء القراءة جيدًا
الصورة للفت الانتباه
1- المعاينات تتم بموعد مسبق مينفعش تكون نازل لوسيط آخر وتتصل بيا وانت داخل على الكارتة تقولى عايز معاينة لكذا وكذا .. والله إحنا عندنا التزامات ومسئوليات ومش قاعد مستنى اتصال جنابك
2- ياريت تكون جاى تشترى وعندك جدية ومتكنش جايب الاسرة وجايين تتفسحو .. فى الحالة دى خليك ذوق وادفع رسوم معاينة
3- بلاش الخبث من الوسيط اللى يتصل وكل همه يعرف لوكيشن الارض .. خلى بالك بيتعمل حظر او بتتسجل باسم مش ظريف ولا يتم التعامل معاك .. لو وسيط عرفنى بنفسك ويشرفنى التعاون معاك
4- هتيجى تعمل معاينة عن طريقنا وتحاول تاحد رقم المالك من العامل هتسمع كلام يزعلك .. بعد ما تعاين وتعجبك المزرعة وتستقر عليها اطلب الرقم هيوصلك فورا معنديش مشكلة انك تتعامل مع المالك مباشرة
5- الاتصال يكون من 10 صباحا حتى 10 مساءا بلاش الناس اللى بتتصل بعد كده لانه بيكون خارج ساعات العمل خاصة الناس اللى بتتصل بعد منتصف الليل .. وياريت بلاش اتصالات فى أوقات الصلاة
6- الحمد لله ملتزمين فى تعاملاتنا مع الجميع وملتزمين فى مواعيدنا فياريت لو جاى معاينة وحصلك أى ظرف اتصل وإلغى الموعد ده يخلينى أحترمك وأقدرك
7- بنعرض المتاح والأسعار بتكون من الملاك مباشرة فبلاش قلة ذوق وأدب فى بعض التعليقات علق بأدب وانتقل الأسعار دون قلة أدب .. اللى بيعمل كده فورًا حظر من الصفحة علشان نريح دماغنا
دكتم بخير وصحة وعافية
شاكر لوقتكم ومتابعتكم
