05/06/2025
🎉 في عيد الأضحى.. خليك حريص على صحة حيوانك الأليف! 🐾
ناس كتير بتحب تشارك فرحة اللحمة مع القطط والكلاب، لكن الحقيقة إن في أكلات كتير بتكون خطر عليهم، وممكن تسبب مشاكل صحية خطيرة!
🍖 أنواع الأكل الممنوع للقطط والكلاب في العيد:
1️⃣ اللحمة الدسمة والمليانة دهون
زي الجلد أو قطع اللحمة اللي فيها شحم كتير.
🛑 ليه؟ بتسبب التهاب في البنكرياس، وبتتعب الجهاز الهضمي، وبتخلي الحيوان يرجع أو يجيله إسهال.
2️⃣ العظام، خصوصًا المطبوخة أو المحمّرة
زي عظام الضلوع أو الرقبة.
🛑 ليه؟ بتتكسر بسهولة وتتحول لقطع حادة ممكن تجرح الفم أو تعمل انسداد أو ثقب في الأمعاء.
3️⃣ الكبدة والقلوب والمخ، بكميات كبيرة أو نيئة
🛑 ليه؟ الكبدة فيها نسبة عالية جدًا من فيتامين A، والزيادة دي ممكن تعمل تسمم غذائي لو اتكررت.
4️⃣ اللحمة المتبلة أو اللي فيها بصل وثوم أو فلفل
زي الكفتة، السجق، المشاوي، أو اللحمة المعصجة.
🛑 ليه؟ البصل والثوم فيهم مواد سامّة للقطط والكلاب، حتى بكميات صغيرة. ووجود التوابل بيرهق المعدة والكبد.
5️⃣ اللحمة النيئة (الكرشة، الفشة، المنبار.. إلخ)
🛑 ليه؟ ممكن تكون ملوثة ببكتيريا زي السالمونيلا أو الإشريكية القولونية (E. coli)، وده يسبب قيء، إسهال، وخطر على حياة الحيوان.
6️⃣ الحلويات والمشروبات الغازية والمكسرات
🛑 ليه؟ فيها سكر وكافيين ومواد تانية بتعمل تسمم عصبي أو زيادة في الوزن ومشاكل كبد وسكر.
✅ طيب ناكلهم إيه؟
قطعة لحمة مسلوقة كويس، بدون بهارات أو توم او بصل
أرز أبيض مسلوق مع اللحمة.
خضار مسلوق (زي الجزر والكوسة) للكلاب.
وجبتهم المعتادة أفضل حاجة للحفاظ على صحتهم.
🎯 نصيحة مهمة:
لو لاحظت على حيوانك أعراض زي ترجيع، إسهال، خمول، أو ألم في البطن بعد ما أكل لحمة.. اتواصل فورًا مع طبيب بيطري.
🐶🐱 خلي عيدك فرحة... من غير ما تؤذيهم من غير قصد ❤️
عيدكم سعيد 💜
