12/07/2018
البراغيث: يا ترى فيه حد متشعلق على فروة حيوانك الأليف ؟؟؟
=================================
من أصعب الحاجات اللى بتواجه أى حد عنده حيوان أليف.... البراغيث
زى ما إنتوا عارفين البراغيث بتسبب حكة كبيرة وتهيج فى الفروة، بس مش دى كل المشكلة.
البراغيث كمان يمكن تسبب مشاكل زى الحساسية وفقر الدم، و كمان فوق ده كله هى مثيرة للاشمئزاز ، لإنها يمكن أن تصيب منزلك و أهلك إللى عايشين معاك!
طيب و إزاى نقدر نسيطر على البراغيث والقراد قبل ما تحصل عدوى أو تخرج عن السيطرة؟؟
البراغيث هي كائنات صغيرة جداً فى حجم رأس دبوس لونهم بني غامق أو أسود ، وبتتحرك و تنط بسرعة.
لو لاحظت أن حيوانك الأليف بيهرش بشكل مفرط أو مبالغ فيه، خاصة بعد ما يكون رجع من بره أو مع الحيوانات الأخرى ، فلازم ساعتها نبدأ ندور على البراغيث.
الأول لازم تدور فى الرأس والرقبة والفخذ والساقين الظهر وقاعدة الذيل،دى أكتر مناطق البراغيث بتبقى فيها.
البراغيث مش بتتعلق على الجلد (زى القراد) ، يعني أنه يمكن نقلها من الكلب إلى أي مكان في المنزل، ليك و أهلك إللى عايشين معاك.
طيب و إزاى أقدر ألاقى البرغوث و أتخلص منه؟
- على الكلاب قصيرة الشعر، مشى إيدك ضد اتجاه نمو الفراء و دور على بقع صغيرة سريعة الحركة ضد الجلد.
- إستخدام مشط البراغيث (مع أشجار معدنية ذات أسنان دقيقة جدا) للبحث عن البراغيث في القطط والكلاب إللى شعرها قصير: إبدأ التمشيط ضد اتجاه نمو الفرو، ببطء وعلى أجزاء. ممكن تدهن فازلين على المشط، و ده هيخلى أي براغيث تلاقيها تلزق فى المشط.
لو كنت فعلاً لقيت براغيث على فرو حيوانك الأليف، فإنت كده للأسف عندك مشكلة. لازم تدور على البراغيث على سرير الكلب أو السجاد أو في أي أماكن ناعمة بيقضى فيها وقت كتير.
طيب و إزاى أقدر أحمى حيوانى الأليف من الإصابة بالبراغيث و التخلص منها؟
فيه طرق كثيرة عشان تحمى كلبك من البراغيث زى الزيوت الطبيعية أو الشامبو الخاص بالبراغيث أو حتى حبوب الدواء التي تمنع وتقتل أي نشاط طفيلي.
ولكن أفضل طريقة لمنع البراغيث هي الحفاظ على صحة الحيوانات الأليفة! فى الأغلب البراغيث والقراد بتصيب الحيوانات إللى فروتها مش نظيفة أو خفيفة أو مناعتها ضعيفة.
إستحمام كلبك أو قطتك بانتظام مع الشامبو الطبيعي الجيد هو خط الدفاع الأول و الأمثل ضد البراغيث والقراد. و عشان كده يعتبر X-CARE Pet Shampoo هو الأمثل للوقاية من البراغيث لإنه مش بس بيخلصك البراغيث لكنه كمان بيسيب حيوانك الأليف منتعش و ريحته حلوة و فروته ناعمة و بتلمع.
