30/01/2019
ماذا قدمنا للحيوانات الضالة ؟
قبل انتهاء شهر يناير 2019 , نشارككم بعض ما قدمت عيادة أليف البيطرية في 2018 للأرواح البريئة
وقبل ذلك يسعدنا ان نبلغكم أننا عملنا جروب خاص بالانقاذ , انضمو الينا فيه من خلال هذا الرابط كي تساعدنا في انقاذ المزيد ويكون التواصل أسهل
https://www.facebook.com/groups/1932697270176385/?epa=SEARCH_BOX
ليس كل الحالات تم تصويرها , لكن تلك الحالات هي التي أقامت في العيادة للعلاج
1- عملية تعقيم جيرلي " الفيديوهات في أول تعليقين "
الفيديو وجيرلي بتفوق بعد العملية علي أنغام الموسيقي الهادئه وتاني فيديو وهي أول مرة تاكل بعد العملية
جيرلي كانت انقاذ في مدينتي , من حد كريم أنقذها وخلفت عنده كتير والعدد بقي كبير لحد ما طلب يعقمها وفعلا اتعقمت هي وقط تاني والصورة كانت اخر يوم ليها في العيادة قبل فك الغرز وقبل ما تمشي للأسف لأنها وحشتنا جدا وتبناها استاذ "عبد الله "
2- القط مشمش
مشمش وصلنا باصابه في العين وعينه كانت متورمه جدا لكن بعد العلاج الورم راح وبقي بيلعب وبيتشعبط زي ما في الصورة ورجع مرة تانيه لمن أحضره للعيادة أستاذ " أحمد " وهو تبناه بعد ما خف
3- الجرو المسكين بلبل
بلبل وصلنا العياده عنده كسر في رجليه الاتنين من أثر حادث وظهرت بعد الأشعه وأقام في العياده وأيضا رجع لمن أحضره أستاذ " محمد " ليكمل علاجه في البيت
4- القطه المهذبة جميلة
جميله كانت 5 شهور وقتها وصلت معضوضه من كلب في ظهرها وكانت عضه عميقه وأقامت في العيادة لحد ما قربت تتماثل للشفاء ولقينا متبني لها وبعتلنا صورتها عنده في البيت
هذا المنشور لكي نشكر كل من ساعدنا
طالما توجد ارادة ,, يوجد أمل
بارك الله فيكم
