Dog Gate

01/10/2024

اتعلمت كل حاجة من الكلاب! الصورة دي لكلب تم تبنيه بعد ما فقد بيته بسبب صاحب مش مستقر. الحقيقة مهما كان السبب اللي صاحب الكلب بيقوله، مفيش حاجة اسمها كلب وحش! فيه أصحاب مش مناسبين. كل كلب بنقدر نلاقي له بيت جديد، زي الكلب الطيب الشجاع ده، بيثبت إن مع صاحب مستقر، الكلب هيتصرف بشكل طبيعي وبسلوك كويس.

فكر تاني ليه الكلاب ممكن تتصرف غلط! من 2010 وأنا متأكد إن اللي محتاج يتظبط هو البيئة اللي الكلب عايش فيها، مش الكلب نفسه. الإحصائيات بتقول إن فيه زيادة في عدد الناس اللي بتربي كلاب في مصر، وأكتر السلالات المطلوبة في مصر هي الجيرمن شيبرد والجولدن ريتريفر، لأنهم معروفين إنهم كلاب أوفياء ومخلصين.

09/05/2024

Fantastic

18/11/2023

الحيوان الأليفة - كلب، قطة او حتى سلحفة - يقدروا يعلموك كتير أوي لو اخدت وقت تتفرج من غير أحكام، يعلموك إزاي تلعب، ترتاح، واعي، تعمل حدود للآخرين وحجات كتيره تانيه. السر إنك ترقب تصرفاتهم من غير أحكام

29/09/2023

في عيون الناس بلا هوية...
في عيوني كل كلب شخصية وفي الدنيا بتشوف كل حاجه بتحصل في الشارع وبيتعاونوا عشان يحافظوا على طريقة حياه طبيعيه فيها لعب وقفش وملاغية وخطر وحنية من غير حماية

اما في عيون الناس متهنيه ومبسوطه
في #الحقيقه هما في سجن #شخصية صاحبه، ونظام مفروض عليه بره نظام طبيعته وفطرته ولو كل واحد قرأ عن فطرة الحيوانات ٥ دقايق كل يوم من علماء حيوانات هيختلف الموضوع جذريا

10/05/2023

تعرف الفرق بين مدرب الكلاب ومدرب تعديل السلوك؟

اختلاف كبير أوي! وتقريبا بسبب عدم معرفتك الفرق كلبك مطلع عينك وعين العيله كلها! أو خلاص مشي لأن محدش قادر عليه!

مدرب الكلاب اللي حضرتك بتجيبه ياخد الكلب بتاعك يدربه ويرجعهولك, اللي بيقولك هنعلمه طاعة وشراسه وأظبطهولك! محسسني انه لابتوب هينزلك عليه نسخة وندوز مثلا!

المهم انه بيعلم الكلب عن طريق مهارات عند المدرب نفسه اكتسبها بالخبره أو التعلم من مدرسة تدريب للكلاب, المهارات ديه معاه هو كمدرب مش معاك وفي الغالب السلوك السلبي بيرجع تاني وبترجع تاني تجيب المدرب مره أخرى! هو دوره مهم ولكن مش بيحل مشاكل السلوك!

مدرب تعديل السلوك ديه قصة تانيه أولا بيراقب البيئة وطرق التواصل مع الكلب من كل الأطراف المعنية اللي بتتعامل معاه, وكمان يشوف رد فعل الكلب لكل من الأفراد اللي حواليه وعلى أساس ده بيبدأ يساعدك تكتسب المهارات اللي محتاجها أنت – مش الكلب – عشان تقدر تعمل ده بنفسك! في الحاله ديه انت بتقدر تعدل البيئه المحيطة للكلب عشان توصل لأحسن وضع ممكن ولبيئه صحية!

السر هنا انك بتتعلم حاجه تقدر تعملها مع كلبك, كلب الجيران أو كلب الشارع حتى لأنك بتتعلم عن سيكولوجية الكلاب وازاي بتتقسم في فطرتها الطبيعية!

غير كده فوائد لا نهائية من الرجوع للفطرة الطبيعيه! بتقدر من خلالها تخلي حياتك أفضل بفضل الكلب مش أسوء بسببه!

وهنا بعض الفوائد من انك تتعلم بنفسك:
- علم أولادك تحمل المسؤوليه.
- تقدر تروح انت وعائلتك وكلبك لأي مكان! (أغلبنا بيحتار ياخد الكلب ولا لأ! وفي الأخر الكلب بيتحبس في البيت وبيبقى متوتر من كتر الحبسة! جرب كده تكون محبوس عشان أبوك أو أهلك مش عارفين يتعاملوا معاك!)
- اتعرف على نفسك وأسرتك وكلبك بشكل أفضل. (فطرة الحيوان بتساعدنا على التواصل بشكل أفضل وبيكون جسر للتواصل)
- ارفع من ثقتك بنفسك وثقة كل أفراد الأسره بنفسها! وثقة كلبك بنفسه وفيكم
- توصل للتوازن في حياتك بين الحركه والراحه, بين السيطره والاستسلام.
- اكتسب عادات صحية اللي هتغير حياتك للأفضل!
- تقدر تقوي العلاقة بين كل أفراد الأسره!
- تجنب العادات السلبيه اللي بيبدأ يعملها الكلب زي انه يشدك في الشارع, ياكل الجزم والخشب, يطلع على الناس ويخوفها! الحركه الزائده عن اللزوم وغيره من السوكيات
- اتعلم تعديل السلوك بنفسك وتقدر بعد التأكد من المدرب تنفذ ده مع أي حد.

وغيره من الفوائد المهمة اللي ممكن يدخلها عليكم الكلب
لو مهتم تتعلم أكتر محتاج تتواصل معانا سأل على الجلسة المجانية!

للتواصل أو الأسألة أو الحجز الرجاء التواصل على الرقم بالاتصال أو الواتس أب
01090940635

20/04/2023

Into nature?

20/04/2023

Into the wild with Waheed

27/12/2022

23/12/2022

Kenzi a dog whos looking for a house! still little and young 2 month
Looking for warm hearts not breeds seekers, she is staying in Maadi! If interested send us inbox with your contacts to pass it to Kenzi :)