حكاوي قلب البلد

15/05/2026

إنني أحتفل بعامي الثاني عشر على فيسبوك. شكرًا لك على دعمك المستمر. لم أكن لأنجح أبدًا دون مساعدتك. ‏🙏‏‏🤗‏‏🎉‏

15/01/2026

15/01/2026

❤️❤️❤️

قبل ما تبقى الإسكندرية بحر وكورنيش وكافيهات،
وقبل ما الناس تقول: «نروح المصيف»،
كانت أرض واقفة ما بين الميه والتاريخ،
مستنية اسمها.
ليه اتسمّت الإسكندرية؟
في سنة 331 قبل الميلاد،
وقف الإسكندر الأكبر قدّام البحر،
شاف مكان مختلف…
لا هو مصر اللي يعرفها،
ولا هو يونان زي بلده.
قرر يبني مدينة،
مدينة تبقى بوابة العالم.
وسمّاها باسمه: الإسكندرية،
مش غرور…
لكن علشان تبقى علامة.
المدينة اللي اتبنت على حلم
الإسكندرية اتخططت من الأول إنها تكون مدينة عالمية:
شوارع مستقيمة،
مواني مفتوحة،
وعقول داخلة من كل حتة.
بقى فيها:
مصري
يوناني
روماني
يهودي
وكلهم عايشين جنب بعض
وهنا اتبنت مكتبة الإسكندرية القديمة،
مش مجرد مكتبة،
دي كانت عقل العالم.
علم، فلسفة، فلك، طب…
الدنيا كلها كانت بتيجي تتعلم.
ووقف فنار الإسكندرية
واحد من عجائب الدنيا السبع،
ينور للسفن
ويقولهم:
«إنتوا وصلتوا».
الإسكندرية تغيّر جلدها
مرت عليها عصور:
بطالمة
رومان
بيزنطيين
عرب
كل واحد ساب بصمته،
بس المدينة ما اتكسرتش.
لما دخلها الإسلام،
اتغيرت ملامحها،
بس فضل البحر هو هو،
والهوى هو الهوى.
إسكندرية القرن الـ19
في العصر الحديث،
الإسكندرية رجعت مدينة عالمية تاني.
إيطالي، يوناني، فرنسي، شامي…
كلهم عاشوا فيها.
شوارع زي:
محطة الرمل
المنشية
بحري
بقت مسرح حياة:
سينما،
مسرح،
مقاهي أدبية.
ومنها طلع:
شعر
فن
موسيقى
حنين مالوش تفسير
الإسكندرية في الأدب والوجدان
الإسكندرية ما كانتش بس مدينة،
كانت إحساس.
كتب عنها ناس كتير،
لكن كلهم اتفقوا على حاجة واحدة:
إنها مدينة بتضحك وهي زعلانة،
وتحب بصمت.
الإسكندرية النهارده
النهارده الإسكندرية زحمة،
واتغير شكلها،
بس لو ركزت…
هتلاقيها لسه هناك.
في:
صياد واقف على المينا
قعدة على بحر بالليل
ريحة ملح
وذكريات مش بتغرق
الإسكندرية اتسمّت على اسم راجل،
بس عاشت باسم مدينة
تعرف يعني إيه عمر.
الإسكندرية مش مكان…
الإسكندرية حالة.

إسكندرية بالنسبالك كانت إيه؟
ذكريات؟ شخص؟ وقت وعدّى؟
#تراث #تاريخ #حكاوى #خفايا
#اسرار #مصر #اسكندرية
M.K

15/01/2026

زى ما بنتكلم عن شخصيات
زى ما بنتكلم على اماكن

واول حكاية #امبابة
زمان قوي… قبل ما الزحمة تعلى، وقبل ما العمارات تزاحم السما، كانت إمبابة أرض هادية، جنب النيل، بتصحى على صوت الميه وهي بتخبط في الشط، وتنام على ريحة الطين بعد الري. الناس كانت قليلة، والعيون عارفة بعضها، وكل خطوة في الأرض ليها معنى.
إمبابة ما اتخلقتش حيّ شعبي فجأة، دي اتولدت حتة زراعة، وعدّى عليها تاريخ طويل وهي ساكتة، بتتفرج. في أيام الفراعنة كانت الأرض دي ممر، الناس تعدّي منها، المحاصيل تروح وتيجي، والنيل كان هو السيد والحاكم. المكان كان قريب من قلب الجيزة، من المعابد، من الحياة اللي بتدور حوالين الميه.
ومع دخول الإسلام مصر، الدنيا اتغيرت بهدوء. القوافل بدأت تمر، والتجار وقفوا يستريحوا، وأرض إمبابة بقت محطة مش نهاية. ناس تيجي وناس تمشي، وفي النص كانت الأرض بتشرب خطواتهم. الاسم نفسه فضل لحد النهارده شاهد إن المكان أقدم من شوارعه.
عدّى العصر العثماني، وإمبابة لسه زراعة، ترع، بيوت واطية، وعائلات كبرت واتجذّرت في الأرض. المكان كان بعيد عن صخب القاهرة، بس قريب كفاية إنه يحس بنبضها. لا هو قرية خالصة، ولا مدينة كاملة… كان في النص، وده سر حكايته.
لما جه القرن التاسع عشر، القاهرة بدأت تكبر وتتمد، والنيل بقى طريق تجارة وحركة. هنا إمبابة صحيت من نومها الطويل. السكة الحديد دخلت، ومحطة القطار بقت بوابة، عمال يعدّوا، وبضايع تتحرك، وحياة جديدة اتفرضت على المكان. إمبابة لأول مرة تحس إنها في قلب البلد، مش على الهامش.
أيام الاحتلال الإنجليزي، إمبابة ما كانتش واقفة تتفرج. عمالها شاركوا، وناسها اتكلمت، والشارع كان فاهم إن البلد مش ملك حد غير أهلها. يمكن ما اتكتبش عنها كتير في الكتب، بس التاريخ الحقيقي دايمًا بيبقى في الشوارع، مش في السطور.
بعد ثورة 52، إمبابة اتغيرت بسرعة. الريف كان بيطلع، والقاهرة كانت بتنادي على الشغل، وإمبابة فتحت صدرها. ناس كتير جت، بيوت طلعت فوق بيوت، الشوارع ضاقت، والزحمة بقت جزء من المشهد. بس مع الزحمة، اتخلقت روح جديدة… روح الاعتماد على النفس، والعيش مع بعض غصب عن أي حاجة.
كبرت إمبابة، وبقت زي مصر الصغيرة. فيها اللي تعب، واللي حلم، واللي وقع وقام تاني. منها طلع فنانين، ولاعبين، وناس بسيطة عايشة يوم بيوم، بس شايلة البلد على كتافها. المكان يمكن ما كانش منظم، بس كان حي، نابض، حقيقي.
والنهارده؟
إمبابة واقفة بين اللي فات واللي جاي. مشاريع، طرق، مترو، وتغيير شكل. بس السؤال اللي دايمًا ساكت في الهوا: هل الروح هتفضل؟
والإجابة غالبًا آه…
عشان الأماكن اللي اتربت على الناس، مش بتنسى نفسها بسهولة.
إمبابة مش حكاية اتكتبت، دي حكاية لسه بتتحكي، كل يوم، على القهاوي، في الشوارع، وفي صوت القطر وهو معدّي… كأنه بيقول:
“أنا شفت كتير… ولسه شايف.”
#امبابة #مصر

M.K

15/01/2026

فتوة اللبان زمن ريا وسكينة كان اسمه المعلم سلامة سالبو ...... معلومة قد لا تهم البعض

المتتبع لسيرة رجال ريا وسكينة اللي هما المفروض انهم فتوات اللبان "عرابي حسان وعبد الرازق يوسف وعبد العال وحسب الله" هيعرف انهم مكانوش فتوات كما يتفق السياق التاريخي للحدث لانهم مكانوش اكتر من شباب عشريني بلطجية عالغلابة عايشين سفلقة على ايراد بيوت ريا.

- اما فتوة اللبان الحقيقي في نفس الفترة الزمنية والرقعة الجغرافية فكان سلامة سالبو!!

سلامة كان مشهور عنه بونيته الحديد اللي بيتخانق بيها، وكان بيمتلك مقهى في المنطقة في نهاية شارع البردي وكان معروف عنه انه قاضي شعبي يعني بيلجأله المظلومين يحللهم مشاكلهم وكان محبوب بين الناس وبيعمل اكل للفقراء بإيده في قهوته، مكنش بيهاب حد وكلمته بتمشي عالكل.

- وفي يوم من الايام حصل ان مأمور كراكون اللبان اللي كان انجليزي اياميها اعتدى على شاب وحبسه ظلم.

فا شيخ الحارة راح يتوسط عشان يخرجه فالظابط الانجليزي رفض، قام رايح لفتوة اللبان سلامة سالبو وحكاله، سلامة راح معاه القسم ودخل عالظابط وعرفه بنفسه انه المعلم سلامة سلبو فتوة الفراهدة واللبان، قام الظابط الانجليزي اتعالى عليه وعامله بإستهانة، قام المعلم سلامة خدها في نفسه وحس بالاهانة وراح لابس البونية الحديد وراح هاجم عالانجليز وماسك الظابط ده مطلعه برة القسم ومحرر الولد المقبوض عليه وراح قافل باب الكراكون عالعساكر الانجليز جوا وحاطت كرسي برة الباب وقاعد.

- والدكر يقرب من باب القسم.

الموضوع سمّع في المنطقة وبقية فتوات المناطق اللي حواليه جم بنبابيتهم يساندوه، حميدو الفارس فتوة بحري "و"سلامة الغلق فتوة كرموز" و " زكي اللبان فتوة غيط العنب" وغيرهم، واتوسط وقتها الامن المصري عند سلامة سالبو عشان يسيب الجنود اللي قفل عليهم، وفي النهاية وافق كرامة للوسطاء، وصيته من بعدها سمّع في كل مكان.

المرة الوحيدة اللي رجال ريا وسكينة جمعهم موقف مع سلامة سالبو، كان مرة عبد العال واخوه عبد النبي جم يقعدوا في قهوة سلامة سالبو ومعاهم حسب الله وعرابي، راح المعلم سلامة شافهم راح قام طاردهم برة القهوة وقالهم ان القهوة دي للرجالة الجدعة مش الرجالة اللي بتصرف من عرق حريمهم وعاملين بيوتهم كرخانات، وده قبل انكشاف امرهم بشوية!!

- ومن ساعتها مهوبوش ناحية القهوة لان هوا ده الفرق بين الفتوة اللي بجد وبين شوية المجرمين
#سالبو
#الاسكندريه
#حكاوي #تاريخ #تراث #خفايا #اسرار #مصر

15/01/2026

الدكتورة سميرة موسى (1917-1952) هي عالمة ذرة مصرية رائدة، ولقبت بـ "ميس كوري الشرق" لجهودها في تسخير الذرة للسلام، حيث كانت أول عالمة ذرة عربية، وأول امرأة عربية تحصل على الدكتوراه، ودرست الإشعاع الذري والـ!/nav>>أشعة السينية في بريطانيا بعد تفوقها الدراسي في مصر، حيث أدهشت أساتذها بذكائها، وأسست مؤتمر "الذرة من أجل السلام"، لكنها توفيت في حادث سيارة غامض في أمريكا عام 1952، ويُعتقد أنه مدبر، لرفضها البقاء في أمريكا وكشف أسرار الذرة، حاملةً حلمها بجعل العلاج النووي متاحاً للجميع.
ولدت في 3 مارس 1917 بقرية سنبو الكبرى بالغربية، واكتشف والدها نبوغها مبكرًا، ف انتقل بها للقاهرة لتكمل تعليمها.
كانت الأولى في كل مراحلها التعليمية، وحفظت القرآن، وقرأت الصحف، ولفتت أنظار أستاذها الدكتور علي مصطفى مشرفة (أول عميد لكلية العلوم).
التحقت بكلية العلوم جامعة فؤاد الأول، وتخرجت الأولى على دفعتها، وحصلت على الماجستير في التواصل الحراري للغازات.
سافرت في بعثة لبريطانيا، وحصلت على الدكتوراه في الإشعاع الذري والأشعة السينية وتأثيرها على المواد المختلفة.
توصلت إلى معادلة ساعدت في تفتيت ذرات المعادن الرخيصة، وكرست جهودها لتطبيق الذرة في الطب.
نظمت مؤتمر "الذرة من أجل السلام"، ودعت لاستخدام الطاقة الذرية في خدمة البشرية والطب.
تلقت دعوة لزيارة معامل نووية في كاليفورنيا عام 1952.
في طريقها للمعامل، صدمتها سيارة نقل، فسقطت سيارتها من ارتفاع شاهق، وتوفيت على الفور، بينما اختفى سائقها.
تشير تحريات صحفية إلى تورط جهاز الموساد، خاصة أنها رفضت عروضًا بالبقاء في أمريكا.
كرمتها مصر بمنحها وسام العلوم والفنون من الطبقة الأولى (1981)، وتخليد اسمها بإطلاق اسمها على مدرسة وقصر ثقافة ومحور طرق رئيسي.

15/01/2026

الدكتور علي مصطفى مشرفة (1898–1950) هو عالم فيزياء نظرية ورياضيات مصري بارز، يُعد أحد أهم العلماء العرب في القرن العشرين، ويُلقب بـ "أينشتاين العرب".
حصل على شهادة البكالوريوس في العلوم من جامعة لندن في أقصر مدة زمنية ممكنة، وكان أول مصري يحصل على درجة دكتوراه العلوم في عام 1924، وهي أعلى درجة علمية في العالم حينها، ولم يسبقه إليها سوى 11 عالماً فقط.
أسهمت أبحاثه (حوالي 25 بحثاً أصيلاً) في تطوير نظرية الكم والنظرية النسبية، ونُشرت أعماله في كبرى المجلات العلمية العالمية مثل Nature.
كان على تواصل ومراسلة مع العالم الشهير ألبرت أينشتاين، الذي نعاه عند وفاته واصفاً إياه بأنه "خسارة للعالم أجمع"، وقيل في بعض الروايات أنه وصف رحيله بـ "موت نصف العلم".
عُين أستاذاً للرياضيات التطبيقية في جامعة القاهرة وهو دون الثلاثين، ثم أصبح أول عميد مصري لكلية العلوم عام 1936.
آمن بضرورة نشر العلم للعامة، فألف 12 كتاباً باللغة العربية تبسط مفاهيم معقدة مثل "الذرة والقنابل الذرية" و"النظرية النسبية الخاصة".
من أبرز تلاميذه العالمة سميرة موسى، أول عالمة ذرة مصرية.
كان مشرفة يرى أن العلم سلاح يجب استخدامه لخير البشرية، وكان من القلائل في العالم الذين عرفوا سر تفتت الذرة وحذر من استخدامها في صنع أسلحة الدمار.
توفي في يناير 1950 عن عمر يناهز 52 عاماً في ظروف مفاجئة، مما أثار شكوكاً تاريخية حول احتمالية اغتياله، نظراً لمكانته العلمية الرفيعة واطلاعه على أسرار الذرة.

15/01/2026

قصة “ملف الدعارة” الذي ألغى المحاكم الشرعية في مصر وسجن شيخين من الأزهر .....

لم يكن أحد ليتخيل أن يتم إلغاء نظام المحاكم الشرعية في مصر كون أنها أقدم المحاكم التي تشكلت في الدول العربيه حتى خمسينيات القرن الماضي .
ولم يكن أيضاً لأحد أن يتخيل أن تنتهي المحاكم الشرعية بسبب ملف أخلاقي تم اتهام أكبر شيخين في المحكمة الشرعية على إثره .
في سبتمبر 1955 صدر قرار بإلغاء المحاكم الشرعية إثر فضيحة أخلاقية وصفها الإعلام المصري وقتها بأنها الأسوأ في بداية عهد الثورة ، لكن كان التاريخ له موقف آخر حيث أن ملابسات القضية بها ما يشير إلى أنها مجرد تهيئة للأجواء قبل صدور القرار .
خلاصة تلك القضية ، كما يذكر الكاتب ياسر بكر، خبر صحفي أشار إلى ضبط القاضيين عبد الفتاح سيف وكيل محكمة الإسكندرية الشرعية ، وعبد القادر الفيل قاضي محكمة المنشية في إحدى الفيلات في حالة تلبس بتلقي رشوة جنسية من ثلاث من النساء المتقاضيات، نظير الحكم لهن في القضايا المنظورة أمامهما ...
أُلْقِي القبض على الشيخين والنسوة الثلاث بالإضافة إلى اثنين من أبناء صاحب الفيلا وشقيقتهما سعاد ، بالإضافة إلى محامي النساء .
حُولِت القضية إلى النيابة ووجهت النيابة تهم للشيخين وهي قبول الرشوة الجنسية ، وحيازة المخدرات واستغلال النفوذ
وأمرت النيابة بحبس القاضيين الشرعيين، وتم إيداعهما بالزنزانة رقم 22 بسجن الحضراء، كما قرر حبس كاتب المحامي وابني صاحب الفيلا.
وتكليف وكيل نيابة العطارين بالانتقال إلى محكمة الإسكندرية الشرعية للإطلاع على بعض الملفات، وسؤال بعض الموظفين عن أحوال تتصل بسلوك القاضيين .
ثم كانت شهادة محمد مختار “حاجب المحكمة” الذي أكد بأن الشيخ الفيل كان يستقبل المتقاضيات في حجرة المداولة
تم تحويل القضية إلى المحكمة ، وأصدرت المحكمة حكمها برئاسة المستشار محمد كامل البهنساوي الذي قضى بالأشغال الشاقة المؤبدة وغرامة ألفي جنيه للشيخ عبد القادر الفيل رئيس محكمة المنشية الشرعية، وبراءته من تهمة الزنا
ـ الأشغال الشاقة المؤبدة للشيخ عبد الفتاح سيف وكيل المحكمة وغرامة ألفي جنيه.
ـ السجن خمس سنوات وغرامة خمسمائة جنيه لكل من الشابين أصحاب الفيلا.
ـ السجن 7 سنوات وغرامة 500 جنيه لدرويش مصطفى كاتب المحامي الشرعي.
– براءة جميع النساء
وبدراماتيكية عالية أُلْغيت المحاكم الشرعية بعد تلك القضية للأبد
لكن بعين التاريخ وليس بعين الأوراق الحكومية ، يُنْظَر إلى تلك القضية بمنظور مختلف
شخصية درويش كاتب المحامي ، كان هو الشخصية المحورية التي تسببت في نسج خيوط المؤامرة
بالإطلاع على أوراق الدعوى نفسها نجد دور درويش الكاتب ، حيث تردد على المحكمة وعلم أن القاضيين يبحثان عن منزل لاستئجاره لأقارب أحدهما لقضاء فترة المصيف، وأنهما كلفا بعض موظفي المحكمة بتلك المهمة، فأوهمهما كذباً بأن لديه الفيلا المناسبة، واتفق معهما على موعد لمعاينتها.
وبالتوازي مع ذلك أوهم النساء اللاتي لهن قضايا في مكتب المحامي الشرعي بأنه يستطيع ترتيب مقابلة لهن مع القاضيين بعيداً عن جو المحكمة ويستطعن خلالها الحصول على كل ما يردنه .
وفي نفس الوقت أوهم ابني صاحب الفيلا بأنهما يستطيعان الحصول على حكم لشقيقتهما المطلقة سعاد بشرط تجهيز سهرة هوى للشيخين .
ليُطْرَح السؤال ، لماذا الشيخين ؟
نجد أن الشيخ عبدالقادر الفيل معروف برفضه لـ 23 يوليو
كذلك قبل تلك القضية بشهور قليلة أصدر حكماً ضد الصاغ صلاح سالم يلزمه بدفع نفقة شهرية لمطلقته التي طلقها .
أسرار القضية دُفِنَت مع القاضي الذي حكم على الشيخين ، فبعد حكمه عليهما بأقل من سنة ، لقي مصرعه في حادث طريق على كوبري قصر النيل مع صديقه وكيل وزارة الداخلية بعد أن غادرا نادي الجزيرة وفر قائد السيارة وقيد الحادث ضد مجهول .
من ضمن انجازات الزعيم جمال عبد الناصر والموجود كتيييير....
منقول

14/01/2026

تحية خاصة لأحدث المتابعين لي! يسرني انضمامك! Abo Zizo, Noura Omar