The art of dog training
23/04/2022
بسم الله الرحمن الرحيم
(الحراسة الوهمية) حصري
مصطلح جديد وغريب لناس كتير
مربيين كتتير بتقابل في تربيتها ان الكلب يطلع شرس وحاسس بقوتة من غير تدريبات بتلقية بيهوهو وعايز يهجم علي اي حد غريب دي طبعا بتبقي غريزة في الكلب لكن وقت التنفيذ مش هتلاقي رد فعل يعجبك
يعني مثلا لو انت حاطط كلبك علي سطح وقافل علية وحد غريب طلع للكلب الكلب هيحسسة انة هيهجم علية لكن عند فتح الباب ودخول الشخص احتمال 95% مش هتلاقي رد فعل من الكلب ضد الغريب
والي يثبت كلامي سلوك الكلاب البلدي في الشارع تقريبا معظمنا جري وراة كلب بلدي او لو انت مجرتش فهوة بيهوهو عليك وعايز يهجم بس مفيش جرء انة يكمل الهجوم ونفس الكلام لما يجري وراك هو بيجري بس مبينفذش. طبعا هو يقدر يجيبك.بس لية هو مبيعضش لان هو دة اخرة في مستوي الجراء بس طبعا مش كل الكلاب كدة في كلاب بتنفذ بس دي ال5%
نيجي بقي ل اهم نقطة في الموضوع والي هيا تهم الناس
لما بدرب كلبي في مركز او بجيب مدرب بس هيا بتحصل في المراكز اكتر مثلا بودي الكلب مركز تدريب وبروح استلمة بعد ميخلص تدريب طبعا بروح اشوف اية التغيير الي حصل في الكلب بلاقي الكلب حلو وجريء وبيهجم وبيمسك (الدراع)
وبفرح وباخد الكلب وانا واثق انة هينفذ ويحصل موقف يحتاج الكلب وملقيش رد فعل من الكلب الي انا متوقعة. اوبااااااوتقول في نفسك ازاي دة انا شايف الكلب وهو بيطبق في الدراع وبيفرتكة بام عيني
تعالا بقي اقولك اية الي حصل الكلب حفظ الدراع الي هو بيتلبس في الايد عشان الكلب يمسك فية ومفهمش ان المطلوب منة عض الشخص لا دة فهم انة يعض حتت السفنج الي متغطية بقماش ودة طبعا غلط في التدريب وفي طريقة الهجوم
طب انا اعمل اية عشان مقعش في الفخ اطلب ان الكلب يهاجم المهاجم بالبدلة ولو متوفرش بدلة اطلب ان يهاجم بالكمامة علي المهاجم بدون اي ادرع او بدلة.ودي الشراسة او الحراسة الوهمية .
تنوية :؛ انا مش بقلل من مستوي المراكز او مستوي المدربين بل بالعكس في مراكز علي اعلي مستوي من الحرافية والامانة ومدربين في منتهي الخبرة والاحترام
ويا ريت الناس القديمة الخبرة تشارك برأيها
واسف ان انا بكتب بالعامية. بس عشان المعلومة توصل احسن للقارء.
C. Ahmed Elkuwaity
01100602777
