04/07/2022
لما قولت لبن من مصدر موثوق من حيوان سليم
الناس سألت نعرف ازاي
الحيوان السليم خالي من اي مرض خصوصا امراض الضرع المسؤول عن الحلب واللبن
🌹طيب عايزين نعرف في الاول ايه صفات الضرع السليم او الطبيعي ؟
بيكون لين ومش صلب او محمر او منتفخ او مؤلم
طيب ايه مواصفات الضرع الملتهب ؟وياتري بتكون ظاهر ولا ممكن يكون فيه التهاب ومش ظاهر ؟
🌹التهاب الضرع نوعين أما حاد او ببساطه ظاهر أعراضه زي حراره ألم انتفاخ غير طبيعي في الضرع او الربع المصاب اما
🌹التهاب مزمن او غير مرئي يعني مختفي ودي بتكون الاصابه في انسجه الضرع وده الأخطر وبيوصل لدرجه التصلب وبالرغم مش فيه أعراض سريعه لكن ممكن بنلاحظها في انخفاض إنتاج اللبن
🌷طيب ايه مواصفات اللبن الناتج عن ضرع ملتهب؟
بنلاحظ تغيرات في الحليب ورائحةسيئه وطعم سئ ولون اللبن غريب ممكن يكون اصفر-احمر-بني مع تخثرات
-انخفاض إنتاج الحليب او اللبن
يعني من كلامنا السابق نقدر نعرف ان التهاب الضرع يعني التهاب يصيب ربع او اكتر من أرباع الضرع والمرض ده مشكله كبيره لمربي الحلاب لانه مش مشكله فرديه لكن مشكله القطيع لانه ببساطه اصابه بقره بيصيب الجميع لأن العوامل الي سببت اصابه بقره موجوده في البيئه المحيطة بالقطيع كله لم تختفي
طيب ياتري ايه الي بيسبب التهاب الضرع؟
النقطه الي عايزه اركز عليها اخي المربي هي لازم نعرف مدخل المرض وهي قناه الحلمه وفيه رسمه بسيطه بتبين مداخل المرض زي عدم نظافه الضرع نفسه والتلوث جلد الحيوان او عدم رفع زيله أثناء الحلابه او عدم نظافه الشخص الي بيحلب الحيوان ومشكله المشاكل تلوث الارضيه او فرشه الحيوان
طيب ياتري ازاي أتصرف اذا لاحظت التهاب ضرع في أحد الابقار وايه القرار الي اخده بسرعه في حاله اذا عندي عدد كبير من رؤس الماشيه ؟
مهم جدا تلافي السبب للمرض يعني تطهير الحظيرة والفرشه والارضيات ونظافه أيدي الحلاب ونظافه الضرع وأي أدوات للحلب طيب بالنسبه للبقره المصابه اذا كان الالتهاب حاد بلحق أعالج المرض وبفضل محاقن الضرع الي فيها مضادات واسعه المجال مع كورتيزون لانها بتخفف الالتهاب وتموت الميكروب وطبعا هتكون فيه فتره مش يكون فيها اللبن صالح وهي فتره تخلص الجسم من اثار الدواء
لكن اذا لا قدر الله وصل الضرع لتليف تام بالانسجه ويبقي كده اقرر اذا البقره منتجه ومفيده بالنسبه لي ولا لا لان اي مربي لازم يحسبها صح ويشوف تكلفه اكل البقره ورعايتها في ناحيه والمستفاد منها في ناحيه تانيه يعني هل بتحصل منها علي عجل سنويا بلغتنا اخي المربي اذا البقره مش جايبه همها يبقي نلجا لحلول اخري
طيب ايه مواصفات الحليب الصحي
منقوووووول من ط /أستاذ تغذيه
