Dr. Yahia Madbouly

28/01/2023

😍

26/08/2022

13/08/2022

Golden rule 👇
"Don't assume, ask for a clarification first"
Selling excellence

10/08/2022

صباح الخير

⬅️ده بحث لسه منشور في مجلة The new England journal of medicine من يوم ٤ أغسطس بيقولك ياسيدي إنهم من ٢٠١٩ لقيوا فيروس جديد بينتقل من الحيوانات للإنسان وليهم ٣ سنين بيدرسوا فيه
⬅️الفيروس ده بينتمي لمجموعة henipavirus (واللي منها فيروس النيباه وفيروس هيندرا )
⬅️المجموعه دي معروفه بقدرتها على الانتقال من الحيوانات للانسان وكان العائل بتاعها هو ال fruit bats
⬅️سموا الفيروس الجديد لانجيا Langya henipavirus

⬅️حتى الأن وخلال ال ٣ سنين دول لقيوه في ٣٥ حاله فقط كلهم كانوا على إختلاط قريب بحيوانات وكل الحالات دي من مكانين في الصين Shandong و Henan
⬅️خلال المسح ل قرابه ٢٥ نوع من الحيوانات البريه لقيوا ان ال shrew (حيوان بري صغير شبه الفأر) احتمال يكون هو العائل بتاع الفيروس الجديد
لقيو كمان الفيروس في بعض ال ماعز والكلاب بالمسح المناعي للحيوانات المستأنسه
⬅️حتى الأن لم تسجل حالات انتقال من إنسان ل إنسان Human to human transmission
وكمان دراسه حالات من المخالطين لل ٣٥ حاله المصابه إستبعدت احتماليه الانتقال من انسان ل انسان في الوقت الحالي
⬅️الأعراض كانت حمى ووهن وكحه وفقدان شهيه وألم في العضلات و وصداع وقيئ
طبعا لسه مافيش لقاح للفيروس الجديد

07/08/2022

You get what you focus on, So just focus on what you want

28/07/2022

كل عام وانتم بخير

24/07/2022

Monkeypox considered as a global health emergency

24/05/2022

وقالت الوزارة، في بيان، إن الحالة تعود إلى سيدة تبلغ من العمر 29 سنة زائرة للدولة من غرب أفريقيا وتتلقى العناية الطبية اللازمة في الدولة، وفقا لما نقلته وكالة الأنباء الإماراتية الرسمية.

21/05/2022

جدري القرود أو Monkey 🐒 Pox
بهدوء علشان نفهم
"من آخر تحديث على موقع منظمة الصحه العالميه بتاريخ ١٩ مايو ٢٠٢٢"

فيروس جدري القرود مرض فيروسي مشترك أعراضه تتشابه مع أعراض الجدري العادي
بدايته كانت في وسط وغرب إفريقيا في المناطق الاستوائيه والغابات الممطرة
العوائل بتاعته تشمل كتير من حيوانات الغابه والقوارض والقرود

أشارت بعض التقارير لرصد إصابات عده حول العالم خارج إفريقيا في كندا وانجلترا واخيرا اسرائيل خلال الفترة الماضيه

أشارت بعض التقارير لربط حدوث الاصابات ببعض الممارسات الغير أخلاقية

هو فيروس الماده الوراثيه ليه من النوع DNA وفي منه نوعين حسب الماده الوراثيه
نوع سمي Central Africa clade وارتبط بدولة الكونجو وده عرف تاريخيا انه أسرع انتشارا واشد في الأعراض
ونوع تاني اسمه West Africa clade
الكاميرون هي الدوله الوحيده اللي اتوجد فيها النوعين
اول حاله اتسجلت كانت في الكونجو لطفل عمره ٩ سنين في عام ١٩٧٠
ومن وقتها تم تسجيل حالات في ما يقرب من ١١ دوله إفريقيه

أول تسجيل لاصابات خارج أفريقيا كانت في ٢٠٠٣ في الولايات المتحدة الأمريكية واتسبب في تسجيل مايقرب من ٧٠ حاله وقتها

انتقاله بيتم عن طريق التواصل المباشر مع سوائل الجسم للمصابين
ومتاح Animal to Human infection وكمان human to human infection

فترة حضانه المرض من ٥ ل ٢١ يوم
الاصابه بتتقسم لمرحلتين
مرحلة المهاجمه أو الغزو حتى ٥ أيام
حراره صداع تورم في الغدد اليمفاويه وجع بالعضلات والمفاصل وخمول شديد
المرحلة التاليه مرحلة الأعراض الجلديه وتتركز في الوجه والاطراف

عادة بيكون المرض self limited في خلال ٢ ل ٤ أسابيع
نسبة الوفيات لا تتعدى ٣ ل ٦ %حسب الحاله المناعيه و العمر وتاريخ التطعيم ضد الجدري

علاجات جدري القرود تعتمد على رفع المناعه وعلاج الأعراض نفسها
بعض مضادات الفيروسات تم التصريح باستعمالها لعلاج المرض
التطعيم بلقاح الجدري العادي أثبت كفاءة مايقرب من ٨٥ % في منع الاصابه ب جدري القرود
في لقاحات ديدان تم تطويرها ل جدري القرود في ٢٠١٩ بس مازال انتشارها واتاحتها محدوده

26/02/2022

أول Pre-print لبحث كندي بتاريخ ٢٥ فبراير الجاري
بيثبت ال Animal to Human transmission وب يشير لدور الحياة البريه في تحورات الفيروس وتأقلمه مع عوائل جديده عليه
من خلال أحد المتحورات الجديدة المسجله والمصنفه في الغزلان في كندا أواخر ٢٠٢١
المتحور الجديد فيه ٧٦ طفرة منهم ٢٣ طفرة جديدة غير مسجله قبل كده
العينات اللي من بشر فيها تطابق من ٨٠ ل ٩٠ % مع عينات الغزلان المعزوله في نفس النطاق الجغرافي والزمني
لينك البحث على صورته الحاليه
https://www.biorxiv.org/content/10.1101/2022.02.22.481551v1