West Hill Kennel

West Hill Kennel West Hill Kennel Breed for “Physical and Mental Perfection” as well maintaining the sheer Beauty and Nobility of the Perfect breeding dogs.
(432)

10/07/2025

Now
Our lovely puppy looking for new home
Serbian husky
Super cute details
For more info plz call us
01280151750
‏‪0106 079 3193‬‏

10/07/2025

ليك ولكلبك خصوصا في فصول الصيف
👈👈طفيليات الدم وأنواعها وعلاجها👉👉

طفيليات الدم اللي بتيجي للكلاب هي كائنات دقيقة بتعيش في دم الكلب، وغالبًا بتنتقل عن طريق القراد أو الحشرات المصة للدم. الطفيليات دي خطيرة جدًا لو ما اتعالجتش، وممكن تسبب فقر دم، حرارة، ضعف، مشاكل في المناعة، أو حتى الموت.

أهم طفيليات الدم في الكلاب:
1. الإيرليشيا (Ehrlichia)
• النوع: بكتيريا داخل خلايا الدم البيضاء.
• وسيلة النقل: القراد.
• الأعراض:
• حرارة
• ضعف عام
• نزيف من الأنف أو تحت الجلد
• نقص وزن
• تضخم الطحال أو العقد الليمفاوية
2. البابيزيا (Babesia)
• النوع: طفيلي داخل كرات الدم الحمراء.
• وسيلة النقل: القراد.
• الأعراض:
• فقر دم شديد
• بول لونه غامق (لون الشاي)
• ضعف وخمول
• حرارة
• اصفرار في العين أو اللثة (صفار)
3. الأنابلازما (Anaplasma)
• النوع: بكتيريا بتصيب كرات الدم البيضاء أو الصفائح الدموية.
• وسيلة النقل: القراد.
• الأعراض:
• حرارة
• وجع في المفاصل
• خمول
• فقدان شهية
4. الميكوبلازما (Mycoplasma haemocanis)
• النوع: بكتيريا بتصيب كرات الدم الحمراء.
• وسيلة النقل: القراد، أو من الأم للجراء، أو عن طريق نقل دم ملوث.
• الأعراض:
• فقر دم
• خمول
• تضخم الطحال

⸻

التشخيص:
• تحليل دم (CBC)
• مسحة دم تحت الميكروسكوب
• اختبارات PCR (أدق تحليل لتحديد نوع الطفيل)

⸻

العلاج:
• مضادات حيوية زي دوكسيسيكلين لمدة 3–4 أسابيع (غالبًا لعلاج الإيرليشيا والأنابلازما)
• أدوية مضادة للطفيليات زي إيميدوكارب لعلاج البابيزيا
• رعاية داعمة: سوائل، نقل دم لو فقر الدم شديد

⸻

الوقاية:
• استخدام مضادات القراد بشكل منتظم (زي الأمبولات أو الأطواق أو الأقراص)
• فحص الكلب دوريًا خاصة بعد التمشية في أماكن فيها حشرات
• تنظيف مكان نوم الكلب باستمرار

27/06/2025


التغذيه السليمه للكلاب
تغذية الكلاب في المراحل العمرية المختلفة
هتكلم عن تغذية
الكلاب سواء كانت جراء أو كلاب بالغه، والموضوع ده له أهمية كبيره جدا لأن
التغذية السليمة بتضمن لكلبك صحة كويسه وكمان بتزود من معدل العمر (طبعا
الأعمار بيد الله سبحانه وتعالى لكن احنا بناخد بالاسباب). وموضوع التغذية
هنقسمه ل 3 عناوين رئيسية:
1- معلومات عامة عن التغذية
2- وجبات متنوعة للكلاب.
3- عدد و مواعيد وطرق تقديم الوجبات.
وعلشان أسهل الوضع على الناس ولأن الموضوع كبير ومتشابك فأنا فضلت اقسم
الوجبات لوجبات إفطار و غداء و عشاء، وذكرتهم منفصلين عملتهم في جدول فيه
أعمار الكلاب، انا مش هطول عليكوا، انتو لما تشوفوا الجدول هتفهموا انا
قصدي ايه
1. معلومات عامة عن التغذية:
طبعا لازم في
الأول نفهم ان تغذية الجرو غير تغذية الكلب البالغ غير تغذية الكلب اللي
بيتمرن تمارين رياضيه عنيفه، ده غير ان في انواع معينة من الكلاب ليها
نظام مختلف في التغذية، ولازم قبل ما نفكر نعمل أكل للكلب نكون عارفين
بالظبط الكلب بتاعنا ايه نظام تغذيته.
وفي 3 أنواع من الغذاء ممكن نعتمد عليهم:
الطعام الجاف (Dry Food):
وده عبارة عن مجموعة من الفيتامينات و الدهون و مسحوق العظام و اللحوم
المجففه مضاف ليها معادن وكربوهيدرات و أملاح بنسب مدروسه صح، بتكون
مخلوطه خلط جيد مع بعض ومجففه و على شكل كرات صغيره (زي البلي) أو مشكلة
على شكل عظام صغيره جدا. والطعام الجاف ده مفيد جدا خاصة انه بيمنع زيادة
الوزن وكمان بيقدم للكلب كل العناصر اللي ممكن يحتاجها وخاصة الأملاح لأن
ناس كتير بتنسى اضافة الملح للطعام وده احيانا بيأدي ان الجرو وهو صغير
ياكل برازه لتعويض الأملاح، وكمان الطعام الجاف مفيد لأسنان الكلاب من
ناحية انه بيزيد من حدتها وبيقوي عضلات الفك، وكمان بيعمل على تنظيف
الأسنان.
من احسن الانواع على الاطلاق هو الرويال كانين لكن عيبه الوحيد انه غالى جدا بتوصل الشكاره ل 750 جنيه
و في انواع ارخص منه و حلوه زي الدوج شو او فارو او كونجو و دي كلها انواع اسعارها معقوله سعر الشكاره 8 كيلو بيبقى في حدود 150 _200
و كمان في انواع صناعه مصري بتبقى ارخص من كده بس الحقيقه ان حاولت اجربها مع كلابي مكنوش بيرضوا ياكلواها
انا عن نفسي بفضل اني ما اعتمدش اعتماد كامل على الدراي الفود على الرغم من سهولته و فايدته الكبيره للكلاب فساعات بحطها وجبه واحده في اليوم او بخلطها باكل فريش
الطعام المعلب المخصص للكلاب:
وده بردو بيكون عباره عن خليط من لحوم و عظام مطحونه و رز وفيتامينات و
كربوهيدرات و أملاح ومكسبات طعم بس بيكون طعام معلب (زي البلوبيف) وبردو
هو مفيد جدا لأنه مدروس بس انا بارفضه لارتفاع سعره ده غير ان ممكن الكلب
يتعود عليه ويرفض اي طعام تاني غيره، وكمان لانه بيحتوي على مواد حافظة.
لكن عامة ميزته هو الطعام المجفف انه مش محتاج اي تحضيرات وسهل جدا تقديمه
ومش بيحتاج اي مجهود. علشان كده باكون مستعد بيهم هم الاتنين لان احيانا
الواحد مش بيكون عنده وقت يعمل أكل للكلب.
الطعام المحضر في المنزل:
ده بقى المهم في الموضوع، طبعا لأن اغلبنا مادياتنا متسمحش اننا نصرف على
أكل الكلب 400 جنيه في الشهر مثلا. والطعام المحضر في المنزل مميزاته انك
بتكون عارف انت بتقدم ايه للكلب بالظبط وضامنه تماما، وكمان كل الأصناف
بتكون طازجه ومفيش اي مواد حافظة ولا حاجة. وعامة تحضير الطعام للكلب في
المنزل متعة لأنه بيقربك من الكلب و بيحس بيك وانت بتعمل له أكله وبيشم
ريحته وهو بيستوي ودي بتزود الرابطه بينك وبينه لانه بيحس انك بتتعب
علشانه وكمان بتعمل تشويق للكلب لما يفضل واقف جنبك مستني الطعام.
2. وجبات متنوعة للكلاب:
الافطار ممكن يكون زبادي بالعيش البلدي او فول بالبيض او جبنه قريش بالعيش البلدي
الغداء ممكن يكون عباره عن لحمه مفرومه بالرز و الخضار المشكل و مننساش نحط ملح و زيت علشان الجرو ما ياكلش البراز بتاعه . كمان ممكن تبقى هياكل فراخ بس بشرط تكون مفرومه مع رز و عيش و خضار
الوجبه التالته ممكن تكون دراي فود او بواقي اكل البيت
الوجبه الرابعه ممكن تكون بطاطس مهروسه او بطاطا مهروسه زبادي او جبنه قريش
في العموم حاول بقدر الامكان تنوع للكلب اكله منعا للملل و علشان ما يتعودش ياكل نوع اكل واحد و يقرفك في المستقبل ما يرضاش ياكل غيره
حاول بقدر الامكان الاكل يبقى في مواعيد ثابته و محدده يتحط الاكل لمده نص ساعه و يتشال لو ما اكلش
3. عدد و مواعيد تقديم الوجبات:
وبالنسبه لتقديم الوجبات هيكون عليه شويه ملاحظات وهي كالآتي:
1- نراعي ان الوجبه متكونش لا سخنه اوي ولا بارده اوي.
2- بالنسبه للكبده بالذات نراعي انها تكون مرتين بالكتير في الاسبوع علشان مش نزود حمض اليوريك في جسم الكلب.
3- ياريت نبعد عن بواقي أكل المنزل اللي بتحتوي على كميات كبيره من الأملاح و الدهون والتوابل خصوصا لغاية سن 6 شهور.
4- عند وضع الاكل للكلب يفضل انك تدرب الكلب على انه يستنى لغاية ما تحط الاكل تماما في طبقه وبعدين تديله الامر انه يبتدي ياكل.
5- طبق الاقل يكون واسع ومش عميق جدا علشان الكلب يعرف ياكل فيه، ويكون
ويكون ثقيل الوزن علشان مش يفضل يجري من الكلب وهو بياكل، وانا عن نفسي
بافضل اطباق الفخار، و نراعي اننا نغسل الطبق بعد كل وجبة.
6- علشان نعود الكلب على انه ياكل اي حاجة، نحط له الاكل ولو ماكلش خلاص
30دقيقه نشيل الاكل من ادامه ويقدم له تاني في معاد الوجبه التالية.
7- نحاول ننظم مواعيد الوجبات على اد ما نقدر علشان ننظم عمليات التمثيل الغذائي و الاخراج.
8- بلاش ندي الكلب اي وجبات اضافيه بين الوجبات الاساسيه، والمكافئات تكون بسكوت كلاب قطع صغيره او قطع لانشون صغيره.
9- دايما نوفر للكلب الماء النظيف اثناء الاكل لانه هيشرب على طول بعد الاكل. ونتأكد دايما من نظافة الماء وتغييره باستمرار.
يارب الموضوع يعجبكوا واتمنى ان ربنا يكون وفقني فيه

السادة الراغبي في اقتناء سلاله رعي فحضرتك لابد تكون عارف الفروق بين الجيرمن شيبرد والمالينو باختصار شديد لو بتدور علي ما...
23/06/2025

السادة الراغبي في اقتناء سلاله رعي فحضرتك لابد تكون عارف الفروق بين الجيرمن شيبرد والمالينو
باختصار شديد لو بتدور علي مالينو عاقل آمن يقدم خدمات الحراسه وهادي في البيت والأولاد
يعني

02/06/2025

انتظروا منا تحدياً جديداً
سيكون هناك منشور قريباً انتظروناااااااااااا

DDR German shepherd
25/05/2025

DDR German shepherd

21/05/2023

للبيع
آخر 3 جراء بريسا كانريو
للمحترفين فقط ( حراسه - شراسه - قوه)
التواصل عن طريق التليفون فقط
السعر مفاجاه
01208388823

للبيعلهواه الضخامه والشراسه والقهوه جراء بريسا كانريو عمر 45 يوم غير متاح التواصل علي الفيس التواصل 01208388823السعر ...
14/05/2023

للبيع
لهواه الضخامه والشراسه والقهوه
جراء بريسا كانريو عمر 45 يوم
غير متاح التواصل علي الفيس
التواصل 01208388823
السعر مفاجاه

Address

Cairo

Telephone

01280151750

Website

Alerts

Be the first to know and let us send you an email when West Hill Kennel posts news and promotions. Your email address will not be used for any other purpose, and you can unsubscribe at any time.

Shortcuts

Share