02/06/2023
درجة الحرارة عالية جدا عليهم ..
ممنوع نأكل الكلب طول النهار ..
نأكل في الطراوه لان جسم الكلاب بيسخن بعد الاكل ..
اللى بيربى كلاب فى أماكن مفتوحة ياريت حاﻻ وضع الكلب تحت الماء الجاري
و اهم شئ ترش المياه لفترة على الخصيتين و البطن ..
و يتم #تجفيف الكلب جيدا ...
ولو فيه امكانيه تحط طبق كبير فيه مياه فاتره زي الصوره يبقي عملت فوق الصح 👍
او نرش الكلب بخل #تفاح ..
#ممنوع نهائيا ان الكلب يكون تحت الشمس المباشره ..
طول النهار الكلب يعزل في مكان مظل ذو تهويه و مساحه جيده ..
#ممنوع نأكل الكلب قبل ٧ مساءً ...
و ياسلام لو تقدر تحط املاح معدنيه ( بيطري ) علي مياه الشرب بتاعة الكلب لتجنب اﻻحتباس الحرارى _ او علبة زبادي او لبن رايب ..
و نشغل مروحه و نحط تلج في البوكس بتاعه لو نقدر ..
و ياعينى بقى لو تتدلع كلابك بشوية شعير #فاتر مش #ساقع الشعير من عند العطار هانغليه ونسيبه يبرد خالص وندي كل كلب 50 سم ...
~~~~~~~~~~~~~~~~
يعني ايه احتباس حراري ؟
الكلاب عندها وسيلتين لفقد الحراره
اول طريقه هي اللهث ان النهجان هنا بيفقد الحراره عن طريق الفم .
تاني طريقه وهي الغدد العرقيه الموجوده في كف اليد ، هي بتساعد لكن بصوره مش كبيره مقارنة بالطريقه الاولي .
المشكله هنا بتحصل لما معدل اكتساب الحراره في جسم الكلب يزيد عن معدل فقد الحراره، و الجسم بيكون غير قادر علي فقد الحراره اللي اكتسابها ودرجه حراره الجسم وقتها ممكن توصل ٤٠ درجه وتعدي كمان .
ايه اسباب الاحتباس الحراري ؟
ارتفاع درجه حراره الجو مع ارتفاع نسبه الرطوبه مع تعرض الكلب للشمس بصوره مباشره او غير مباشره.
بمعني ان الكلب مش شرط يكون واقف في الشمس علشان يجيله احتباس حراري يكفي وجوده في مكان سيئ التهويه وحراره الجو فيه عاليه زي غرفه علي سطح البيت او بلكونه متقفله طبعا مع عدم وجود مصدر للمياه قدام الكلب .
بعض العوامل بتخلي الكلب اكثر عرضه للخطر زي العمر الكبير و زياده الوزن و الشعر الطويل .
طيب ايه هي الاعراض اللي هلاحظها لو كلبي في حاله احتباس حراري ؟
1. ارتفاع ملحوظ في معدل اللهث او النهجان مع نزول كميات لعاب كتيره من الفم
2. جفاف شديد
3. احمرار اللثه
4. اسهال و ترجيع
5. عدم القدره علي الحركه
6. فقدان الوعي
اقدر اعمل ايه لكلبي في الحاله دي ؟
1. الكلب لازم يتنقل من المكان الحر اللي فيه و لو تقدر تنقله في غرفه مكيفه يبقي كويس .
2. عمل كمادات علي منطقه الرقبه و البطن و الفخذ ، ممكن برضو ترش جسم الكلب بالماء مع التركيز علي المناطق دي ، الكمادات والماء هتستمر لغايه لما درجه الحراره توصل ٣٩,٤
3. بلاش نستخدم ثلج في الكمادات لانه بيعمل انقباض للاوعيه الدمويه بالتالي هيصعب فقد الحراره
4. ممكن نرش كحول سبراي علي الكفوف و البطن ده هيساعد علي فقد الحراره بصوره افضل
5. لو الكلب فايق خليه يشرب ماء ، لكن لو فاقد الوعي متحولش تشربه.
6. ممنوع استخدام خوافض الحراره لانها مش هتفيد وممكن تسبب اضرار تانيه احنا في غني عنها.
ازاي اقدر احمي كلبي في الايام الحر ؟
الوقايه هنا بتكون عن طريق الاهتمام و الرعايه مينفعش في ايام حر زي دي الكلب يتربط بسلسله في الشمس او يتحبس في بوكس صغير بدون ماء .
الكلب لازم يكون في مكان جيد التهويه بعد عن الشمس مع وجود مصدر لماء بارد مع المتابعه كل فتره تحسبا لحدوث مشكله .
الاحتباس الحراري مشكله خطيره لها مضاعفات تانيه زي الفشل الكلوي ومشاكل في القلب و الرئه و اعراض عصيبه وممكن الكلب يخش منك في صدمه يليها موت لاقدر الله ، علشان كده سواء الكلب حالته اتحسنت ام لا ضروري جدا تاخده علي اقرب عياده وهناك الدكتور هيتعامل مع الموقف و هيسيطر علي اي مضاعفات ممكن تحصل .
درجه الحراره غدا هتوصل فوق 40 في بعض المناطق لازم نخلي بالنا و نحافظ علي كلابنا ..
و ربنا يسترها علينا و عليكم يارب
الراحمون يرحمهم الله ....
البوست ده صدقه جاريه ربنا يجعله في ميزان حسناتنا ....
