هات كلب

16/06/2023

Web Developer, Digital Marketer, Photographer, Movie Editor & Graphic Designer
AmrAdel.com

27/03/2020

في دنفر أكبر مدينة في ولاية كولورادو، بيظهر دور جديد لبطلة 🦸‍♀️🦸‍♀️🦸‍♀️🦸‍♀️لازم يتحط في الصورة مع أطقم الأطباء في مواجهة الكورونا، بالرغم من صغر سنها 😻😻وإنها لسه تحت التدريب.

في الوقت إللى الناس بترمى حيواناتها في الشارع 😡😡بسبب قلة الوعى ونشر لمعلومات مغلوطة، بتستعين المراكز الطبية بمساعدة الكلاب على تخطى الأزمة الحالية، ودى حكاية بطلة اسمها Wynn لابرادور عمرها سنة شغالة مع مدربتها طبيبة بالطوارئ اسمها Susan Ryan في مستشفى Rose Medical Center. هي بتساعد طقم الأطباء هناك بتقليل شعور التوتر والقلق بسبب ساعات العمل الطويلة والوضع المقلق في استقبال حالات جديدة مصابة بالفيروس COVID-19.

وفي ظل التباعد الاجتماعى social distance بتكون Wynn أحسن رفيق بيقدر الأطباء يقضوا وقت معاها في اللعب والأحضان😍🥳😍🥳😍 والدلع كله. Wynn تحت التدريب لسه من أول ما كان عمرها شهرين عشان تكون assistance dog تبع منظمة غير ربحية اسمها Canine Companions for Independence بيدربوا الجولدن واللابرادور على مساعدة الأطفال والكبار أصحاب الهمم بدون أى مقابل مادى، تدريب لمدة سنتين من عمر الكلاب.

هتلاقوا في الصور الأطباء ومنهم مدربتها Susan لابسين ماسكات و face shield والأستاذة Wynn بتتحرك بكل حرية وخفة ودلع 🥰😄🥰😄 بس بفيست الشغل بتاعها جوا المستشفى وأوقات بتستناهم في أوضة الmeditation بتاعت الأطباء مع الموسيقى والإضاءة الهادية🤩🤩، Susan بتقول إن الوقت ده بيكون أحلى وأجمل حاجة في اليوم كله، ودى صورة ليها معاها بعد شيفت طووويل يوم الأحد إللى فات مقدرتش تروح للأوضة من كتر التعب، مقدرتش غير إنها تقعد على الأرض في المستشفى مع صاحبتها وياخدوا الصورة دى مع بعض. 🥰🥰🥰

تحيه كبيره لخط الدفاع الأول للبشريه والإنسانية أصحاب المهن الإنسانية... مهنة الأطباء ومهنة التمريض دمتم بخير

#كورونا #كوفيد19
‎

07/10/2018

السادة محبي #الأوفياء في كل مكان نتعرض لحملات ريبورتات شرسة من ناس مريضة عايزين دعم لايك وشير للصفحة او لاي بوست فيها
https://www.facebook.com/HaramCityRescueTeam/
#دمتم ف #حب و #دعم #الاوفياء

لمساعدة السكان وتوعيتهم للتعامل مع الكلاب الضالة وانقاذ الحالات الحرجة والتصدي لقتل الكلاب وتسميمهم بمدينة هرم سيتي - 6 أكتوبر

01/10/2018

04/06/2017

جورج استلم جرو Labrador Egypt
والجرو تكيف سريعا وبقه صديق كلبه السانت
كل الشكر لصفحة لابرادور ايجيبت على مساهمتها بالمبادرة

26/05/2017

متابعينا وزوارنا الكرام، رمضان كريم ومع بداية رمضان رجعنا مبادرة تاني،
للتبني ذكر لابرادور اسود 7 شهور للتواصل كلمنا علي
01006888355
والنهادرة بنعلن استجابة صفحتي
Labrador inn
Labrador Egypt
للمبادرة ونشكرهم لتفعيلها حيث تعد مبادرة هات كلب سابقة تعد الاولى ف مصر لتوفير كلاب ذات سلالات نقية للتبني
وتتلخص المبادرة في محاولة تشجيع الناس تتعامل مع الأوفياء، قررنا نبتدى مع الناس اللي هتثبتلنا انهم جديرين باقتناء كلب كتعويض انساني ليهم انهم يحصلوا على صديق وفي برغم الظروف اللي منعتهم متعة تحقيق ده
شروط التقدم للتبني (حال توفر كلاب للتبني)
1- اهم شرط انك تثبت انك جدير انك تتبنى كلب وليه عاوز تتبنى كلب وده هيكون عن طريق الاتصال التلفوني
2- استعدادك للإمضاء على وثيقة التبني ممكن تشوف نسخة منها من هنا
https://goo.gl/7RzFgo
3- تكون عضو في الصفحات التالية
واحة الكلاب
هات كلب
Labrador inn
Labrador Egypt
وده بديهي طبعا
4- ماتنساش تقول لاصحابك وتنشر الفكرة عشان ناس تانية غيرنا تقلدها وخد بالك الانانية مش من شيم الأوفياء يعني "حب لاخيك ما تحب لنفسك".
~~~~~
ملحوظة هامة لو كنت مربي وشايف نفسك بتحب الكلاب ومؤمن بده - إعمل زيينا وطلع على الأقل جرو لانسان تاني محتاج صديق وفي "مش دايما اللي بيشتري كلب بيكون أمين عليه"
لو مؤمن بالمبادرة وعايز تساهم فيها وتعمل زيينا راسلنا على الصفحة واحنا هنساعدك في الترشيح وانت اللي هتسلم كلبك للمتبني احنا علينا نوصلك بيه

05/07/2016

Heba Elbarody
رابع متقدم معانا ومن واقع الشات استحق اننا نثق فيه ونسلمها هابي اجمل جولدن ريتريفر في الدنيا (عمر 5 شهور) ..
ودي قصتها (القصة تراعي الحفاظ على الخصوصية)
"نا اكتر واحده فى الدنيا كنت جبانه من فكرة كلب زى عقده كده من صغرى اما كبرت وتجوزت سكنت فى مكان 70/ من سكانه مربين كلاب كنت بقول عليهم ناس مجانين ومعتوهين كمان كنت كل ما انزل ولاقى شخص مع الكلب بتاعه ويكون قريب منى بجمد فى ارضى لغاية ما قررت افك عقدتى وطلبت فى عيد ميلادى انه يجينى كلب بشرط يكون صغير عشان اعرف اتعامل معاه ومموتش من الرعب فعلآ نزلنا نجيب الكلب ونقيت كلب جولدن قمر جدآ بس مكدبش انا كنت مرعوبه وضربات قلبى سريعه جدآ جوزى اسر انى انا اللى امسكه وصاحب المحل قالى خديه فى حضنك فى العربيه عشان ده لسه صغير وهيبقى خايف طبعآ فى سرى بقول اه ياابن المجانين حضن ايه دنا اللى مرعوبه فعلا وصلنا للعربيه وجه الوقت القاتل بالنسبالى انى اشيل الكلب واحطه على رجلى فى لحظه قلبت طفله ولى طالع عليا مش عاوزاه خلاص مش عاوزاه المهم هديت بعد ساعه تقريبا فى الشارع لان الناس ابتدت تتلم على المسرحيه اللى عملها جوزى شال الكلب ودهولى مش هنسا اللحظه ديه انا والكلب فى وقت واحد بنتنفض خوف ورعب ضربات قلبه مش هنساها كانت سريعه جدا الكلبه فضلت عل رجلى تقريبا ساعه لحد ما وصلنا البيت كل فتره تتنهد وترفع رسها وتبصلى وانا اموت رعب بس هتعضنى لحد ما وصلنا البيت واجبرت جوزى يقعد تانى يوم من الشغل وسبتها فى اوضه تانيه قومت الصبح لاقيت حد بيجرى عليا افتكرتها هتعضنى لاقيتها بتشب بتحاول تحضنى وعملا تتنطط وتهز فى ديلها ادركت انها مبسوطه شلتها وحسيت احساس حلو اوى ودافى يمكن مابحسهوش فى حضن بشر من ساعتها بقيت مدمنه كلاب وعندى جولدن وبول ماستيف ومبسوطين جدآ مع بعضينا ☺ البدايه كانت مع لاسي الجولدن وبعدين البول ماستيف ميشا كانت جيا من ناس اصدقاء لينا جالها مرض بسبب انها مش بتاكل خضار خالص سبب ان مناعتها صفر وبعدين جالها تينا ابتدت بكام نقطه انا لفت نظرهم شهر بالظبط لاقيت صحبيتي بتقولي هنمشيها وزوجي خدها دلوقتي ومنهاره من العياط اتصلت بيه وقالي هتعديكي قولته ربك معين هتاهالي فوار هي كانت عارفي وده سهل المهمه وخصوصا انها ضخمه وابتدت رحله العلاجدهان ليل ونهار وفيتامين 3 مرات وحقن شهرين انا معشتيش حياتي وقفه عندها وخفت الحمد لله وبقت كويسه وهي عند ناس اصحابي دلوقتي"
شكرا Heba على ثقتك في المبادرة

05/07/2016

Nahed Fahmy
ثالث متقدم معانا ومن واقع الشات استحق اننا نثق فيه ونسلمها جايدا اجمل لابرادور ريتريفر في الدنيا (عمر 45 يوم) ..
ودي قصتها (القصة تراعي الحفاظ على الخصوصية)
"السلام عليكم
اوﻻ تحية طيبه لمجهودكم الرائع فى نشر روح الرفق بالحيوان والتعامل معة على ان روح وكائن يشعر ويتألم ويفرح
ثانيا بالنسبه للتبني فأنا ارغب فى تبنى كلب بعد ان سبق لى خوض التجربة ولكن لسؤ الحظ تم سرقة الكلب واحنا مسافرين من ابنى وكانت كلبة اسمها ماجى لبﻻدور وعمرها كان 8شهور وكانت صديقة ﻻوﻻدى وكانت بنتى الصغيرة متعلقة بيها جدا لدرجة انها كانت بتنزل الشارع تدور عليها لمدة 15 يوم وعندها امل انهاتلاقيها
ونفسى فعلا اشترى ليها كلب تاني لكن الاسعار غاليه عليا وفعﻻ هى علمت اوﻻدى الحب والعطف والحنية حتى على كلاب وقطط الشارع"
شكرا Nahed على ثقتك في المبادرة

01/07/2016

Mahmoud Adoos
ثاني متقدم معانا ومن واقع الشات على صفحة هات كلب استحق اننا نثق فيه ونسلمه جيسي اجمل لابرادور ريتريفر في الدنيا (عمر 45 يوم) ..
ودي قصة محمود (القصة تراعي الحفاظ على الخصوصية)
"انا طول عمري بحب الكلاب جدا وخصوصا الانواع المتوسطة في الحجم وعمري ما فكرت اقتني كلب لانششغالي المستمر
لكن بعد ما ابني أنس كبر شوية وابتديت استوعب انه ورث حب الكلاب مني واكتر لدرجة انه عنده سنتين وبيدخل على اي كلب بدون خوف وبياخده بالحضن
وكنت قررت خلاص اجيبله كلب لحد ما اكتفشت انه تعبان وعنده حساسية فحاولت ابعده عنهم واخوفه منهم عشان يبعد عنهم ولكن ده جاب نتيجه عكسية والولد اتعلق بيهم اكتر وبقة يعيط لمجرد انه مش قادر يلعب مع اي كلب بيشوفه قداهمه، طبعا كل الكلاب عنده اسمها هوو
اضطريت لما لقيت حب انس للكلاب بيزيد مش بيقل وكل محاولات التخويف فشلت رحت للدكتور بتاعه عشان اسأله ان كان فيه مشكلة في اني اجيبله كلب في البيت فقال مافيش مشكلة بس لازم باستمرار ايده تتغسل ومينامش جنبه علشان نفسه
انس مسافر دلوقتي مع مامته وللاسف انا مش معاهم لظروف شغلي وهيرجعوا بعد العيد واتمنى اني اعمله مفاجئة اول ما يوصل يلاقي الكلب في البيت
عشان كده انا بتقدم للتبني من عندكم عشان انا متابعكم من زمان وعارف اد ايه انتم محترمين واد كلامكم وفي النهاية اتمنى ان الاختيار يقع عليا "
شكرا محمود على ثقتك في المبادرة