SCOOBY-DoO

11/10/2025

اكتر مكان موثوق فيه واسعاره حلوه🥰♥️♥️

تعرف إن في أمراض قاتلة وخطيرة ممكن تهدد حياة قطتك!؟ التطعيم الرباعي هو الحل الأمثل لحماية قطتك الغالية 🐱❤️

💉 التطعيم بيحمي قطتك من:
😿 الكاليسي : يسبب تقرحات في الفم وصعوبة في الأكل.
😿 الهربس : يسبب رشح، عطس، التهاب عيون شديد.
😿 البارفو " مرض قاتل بيسبب إسهال شديد ونقص مناعة.
😿 الكلاميديا : بتعمل التهابات في العين والجهاز التنفسي.

🚨 الأمراض دي خطيرة جدًا، ونسبة الوفاة فيها عالية، والحماية الوحيدة لقطتك هي التطعيم المنتظم.

🎉 دلوقتي ومع عرضنا الخاص:
التطعيم الرباعي فقط بـ 550 جنيه بدل 750 🔥
📆 لفترة محدودة جدًا – الحق العرض قبل ما ينتهي!

🐾 خلي قطتك بأمان… وابدأ خط الحماية من دلوقتي معانا في عيادة mazaya pet Mazaya pets clinic .

📍 العنوان: 13 شارع إسراء المعلمين – من ميدان لبنان – المهندسين – الجيزة
📞 للتواصل: 01021158738
+20 10 91008827

07/09/2023

هنتكلم النهارده عن تطعيمات الكلاب وازاي نحمي الاليف من انه يتصاب ب امراض كتير وزي ما احنا عارفين الوقايه خيرا من العلاج كدا كدا👈🏻👉🏻
📌دلوقتى احنا عندنا نوعين من البكتريا و 6 انواع من الفيروسات بتهدد حياه الكلاب معظمها بيبقي ف عمر صغير (اقل من سنه) ف لازم ناخد تطعيمات وقائيه عشان العلاج بيبقي صعب او هي فعليا ملهاش علاج🥲
📌طب ايه التطعيمات دي يادكتور وابدأ اديها من امتي؟
1-ثنائي
ده بيبقي فيه فيروسين بس ويعتبر اخطر اتنين وهما
*Canine distemper* *Parvovirus*
واخر واحد ده كنا اتكلمنا عنه قبل كدا للي مركز😉
وببتدي اخده من عمر 30 يوم وبعدين جرعه تنشيطيه بعد 21 يوم
2-خماسي
هنزود كمان 3 فيروسات علي ال 2 اللي فوق وهما
*Parainfluenza* *Hepatitis* *Adenovirus type 2*
3-سباعي
هنزود عليهم نوعين من بكتيريا اسمها Leptospira
4-ثماني
هنزود علي اللي فوق *coronavirus* اللي جننا كلنا ده بس هو كدا كدا مش شائع اوي
دول بقي بيبقي عند عمر 45 يوم وجرعه تنشيطيه بردو بعد 21 يوم
وكدا نكون حمينا اليفك من الامراض التوكسيك المميته دي وطبعا معاك دايما لأي سؤال♥

03/09/2023

- بفضل دايما ي دكتور انادي علي مشاكس مش بينتبهلي خالص هو ده ليه 💁‍♂️
= للأسف هو كده مش بيسمع🗣️
- ايه😱!!! مش بيسمع..لا ديه مسؤلية كبيرة عليا مقدرش اني اهتم بيه🥲😶
📌طيب اغلبنا اكيد شاف حاجة زي كدة قدامه و ممكن كمان يكون خاف انه لو في نفس المكان ياخد خطوة انه يتبنى حالة زي دي لأن كتير مننا بيبقي عايز يفضل ينادي علي الأليف ويلاقيه بيجيله لحد عنده وكمان بيبقى فاكر انها محتاجة مجهود كبير عشان حتى على الاقل بيجي في بالنا سؤال وانا بناديه عشان ياكل هيجي ازاي ؟!☹️
🐾هل فعلا ديه مشكله و صعب نتعامل معاها؟!🙂
📌عشان كده المره ديه محبناش كلامنا يبقي طبي و بس و حبينا نستعين بخبرات ناس جربوا وعاشوا قصص من ديه كتير و سألناهم ازاي نعرف نتعامل مع قططنا اللي مش بتسمع؟🧐
📍بص ي سيدي الموضوع بجد ولا فيه مخاطرة ولا حاجة انت عليك شوية خطوات تعملها⬇️

📌 اول مرحلة لما تلاقي قطك مش بيسمع هتجيب القط بتاعك عشان بس تعرف تحركاته🐾🐈‍⬛و هنا بيجي دور طوق الاجراس بتاع القطط هتعرف تتبع حركته بيه عشان ع الاقل لو لعب معاك و اتشاقا و استخبى ف حتة تبقى نجحت انك تلاقيه😅❤️🛎️
📌تاني حاجة انت ممكن تتعامل معاه بالليزر اللعبة ك وسيلة مساعدة انك توجه القط بتاعك للاماكن اللي انت عيزاها زي اماكن الأكل.. بعيداً انه طبعا هيلعب معاه و ممكن يتجاهلك شخصياً لان طبع القطط لعبي😂🔦❤️
📌ده غير انك ممكن تظبط مواعيد اكله بحيث أنه كل يوم في نفس المواعيد هيجي ياكل ولو نايم هيصحي عشان ياكل 🥹❤️
بس كدة بتمني علاقة كويسة مبنيه بينك و بين القط ده بالذات لو في قطط تانية بتسمع ف البيت لانه دايما هيجيلك لانك مهتم بيه و حسسته فعلا بامان و بعدت عنه احساس التجاهل و هتلاقي أن انت اقرب حد ليه عشان مش هيلاقي نفسه بيحس بالامان غير معاك انت و مش هتحتاج تناديه لانه وقت ما هيزعل هيجيلك و وقت ما يبقي فرحان بردو هيجيلك عشان هو ملهوش غيرك ❤️🥹
They didn’t choose their fate,open your heart to deaf cats🥰

✨لو حد عنده قطة مبتسمعش يشاركنا التجربة مع تربيتها و يقولنا قد اي هما حلوين و طيبين✨❤️

03/09/2023

مارس الرحمة قدر المُستطاع فكلما تلطَّفت مع خلق الله زاد الله لُطفه حولك♥️
زي ما بتخاف علي نفسك من الأذي خاف عليهم هما كمان🥺🐾

31/08/2023

-الحقيني يادكتورة وانا بلعب مع لولي لاقيتها بتهرش جامد في ودنها وبتهز راسها اوي ولما بصيت علي ودنها لاقيت حاجات سودا كده ايه ديه ؟😰
📌سؤال بيتكرر كتير جدا ومن اكتر المشاكل اللي بتواجه القطط

وهو جرب الاذن للقطط او ال ear mites 👂🏼🐈

وده بيشكل خطورة علي القطط لو متعالجتش بشكل صحيح 🥲
📍وهي عبارة عن حشرة صغيرة جدا مش بنشوفها بعنينا لا تري الا بالميكروسكوب. وبتعيش جوة في قناة الاذن وبتتغذي علي شمع الاذن والإفرازات التي تفرزها آذان القطط
وعشان كده مش بنكتشف جرب الاذن عند القطط إلا في مرحلة متأخرة , لما نشوف اللون الاسود او البني الداكن داخل الاذن وهو ده اللي المُربي بيشوفه وبيتخض منه لو مكنش عارف ده ايه أو لو اول مرة يربي قط يعني
🐾طب ايه الحاجات اللي لونها اسود ديه ؟!🤔
- ديه المواد الدفاعية اللي بتبدأ الاذن تفرزها عند تقدم الإصابة عشان تقاوم بيها الحشرة اللي بتسبب جرب الاذن

📌من اهم اعراض الإصابة بالجرب في اذن القطط:🫣
1-احمرار حول الاذن والحكة الشديدة للاذن هتلاقيه دايما بيهرش في ودنه وكثرة هز القطة لرأسها
2-وجود لون بني داكن او اسود داخل اذن قطك او قطتك
3-زيادة شمع الاذن ذو اللون البني عن الطبيعي
4-التهابات شديدة في الاذن
5-ميل رأس القطة ناحية الاذن المصابة وتكثر من النوم علي جانب رأسها ناحية هذه الاذن
📌 وافتكر دايما ان المرض ده من الامراض شديدة العدوي بين القطط عشان كده لو ظهرت الاعراض ديه علي أليفك لازم تبدأ بالعلاج في اسرع وقت

طب اصلا ايه اللي يخلي اليفك يتصاب؟ اسباب جرب الاذن للقطط🥲
بتكون بسبب اتصال اليفك بحيوانات أخري مصابة
ولو مناعته ضعيفة هيبقي سهل انه يتصاب😥

📌طبعا زي ما احنا عارفين ان الوقاية خيرٌ من العلاج
فاا ايه طرق الوقاية اللي استخدمها عشان اتجنب حدوث المشكلة دي:👀👆🏻
-مهم جدا تطعيم القطط ضد الحشرات يساعد بشكل كبير في وقاية القطط من الحشرات المختلفة وخاصة المسببة لجرب الاذن وطبعا احنا في الصفحة هنا اتكلمنا في بوست كامل عن التطعيمات بالتفصيل
-انك تكون حريص علي تنظيف اذن صديقك الاليف مرة أسبوعيا بقطرة مطهرة
تحط نقطة او نقطتين من القطرة اللي حددهالك الدكتور وتسيب الدوا خمس دقايق وبعد كده تنضف الاذن برفق ولطف حتي لا تخدش طبلة الاذن
-منع اختلاط اليفك بحيوانات اخري مصابة
-الحفاظ على صحة حيوانك الأليف لتجنب تقليل المناعة
وتنظيف مكان نوم أليفك وادواته باستمرار جيدا
ومتابعة تطعيمات الحشرات في وقتها

📌طب انا عرفت ان القطة بتاعتي عندها جرب الاذن اعالجها ازاي يادكتورة؟!🥺
اول حاجة ننضف الاذن كويس جدا بمادة مطهرة 🧻🧴
عشان نتخلص من اكبر عدد ممكن من الحشرات ونشيل الحاجات السودا اللي اتكلمنا عنها فوق
وبعد كده نستخدم النقط من القطرة اللي بيحددها الدكتور بتكون مخصصة لتهدئة الحكة ومضادة للحشرة للقضاء علي المرض زي(Omni guard و Bars)وبعدها ندلك الاذن علي خفيف ونسيب الدوا في اذن القطة مش بنشيله بعد التدليك
ونكرر ده كل يوم لمدة اسبوع او اسبوعين علي حسب الحالة او لحد ما تختفي الأعراض ويصبح اليفك بخير😍❤️

🐾الكلام ده ينطبق علي صديقك الأليف اذا كان قط🐈 او كلب🐕

30/08/2023

هنتكلم النهارده عن البارفو😱
canine parvovirus type 2 (CPV-2)
ده مرض فيروسي منتشر أوي ف الكلاب الصغيره (أقل من سنه)
📌طب انا بعرفه ازاي ياتري؟
في أعراض كتير مميزه للمرض ده بتظهر ف خلال من 4 ل 9 ايام زي:
•high temperature
درجه الحراره بتعدي ال 39.5
•bloody diarrhea
يعني بنلاقي اسهال معاه دم وريحته قويه اوي ووحشه اوي ده اكتر حاجه مميزه
•vomiting
هنلاقيه بيرجع ومبيعرفش ياكل اصلا ف بيرفض كل الاكل ده عش المرض ده gastroenteritis ف بيعمل التهاب ف المعده والامعاء اللي حرفيا بتبقي بتتاكل
•كمان بيكون همدان ومش بيقوم ب اي اكتيفيتي خالص من اللي متعود عليه🥹
📌طب انا عندي اكتر من كلب هو المرض ده معدي؟
اه طبعا المرض ده معدي وبيتنقل بسهوله بين الكلاب عن طريق الستول بتاع الكلب المصاب سواء عن طريق الفم او التلامس ف عشان كدا لازم تعزلي الكلب المصاب ويبقي كل حاجته لوحده وتعقمي مكانه كويس جدا بالكحول عشان الباقي ميتعدوش
📌طب ازاي احمي الكلب بتاعي من الفيرس ده؟
عن طريق انك تلتزمي بالتطعيمات بتاعته سواء ثنائي عند 30يوم او خماسي او سباعي او ثماني عند 45 يوم وتلتزمي بالجرعه التنشيطيه بعد 21 يوم وهنعرفك الفرق بينهم وكدا نكون بنحميه من الفيروسات دي عشان كمان هي للاسف ملهاش علاج
📌بس في حالات بتخف وبتبقي كويسه لو اتلحقت ف اول 3 ايام من ظهور الاعراض عشان كدا لو لاحظت علي كلبك اي عرض من اللي فوق دول روح بسرعه للدكتور
واحنا دايما معاك لأي سؤال او استفسار❤

28/08/2023

📌وبعد ماتعمل كل اللازم عشان تنقذه من الحر ده متقعدش ساكت لا انت كدا انقذته وبقي كويس بس بردو لازم الدكتور يكشف عليه عشان يتأكد ان كل حاجه كويسه ومفيش حاجه اتأثرت ب ارتفاع درجه الحراره ودايما هتلاقينا معاك لأي سؤال❤️
🐾دلوقتى ممكن تشاركنا برأيك فالكومنتس لو حصل معاك الموقف ده قبل كدا وازاي اتصرفت؟

28/08/2023

في قطه حد لقاها قدام البيت وللاسف مش هيعرف يربيها عشان عنده غيرها وكمان هي محتاجه اهتمام عشان مش بتشوف ف لو حد عايز يتبناها ويرحمها من وجودها فالشارع ممكن يبعتلي وهخليه يتواصل مع اللي لقاها❤️

27/08/2023

📌ده طبعا بالنسبه للحالات البسيطه لكن لو حاله متأخره طبعا ساعتها لازم تتابع مع دكتور عشان يفحصها ب استمرار ويبتدي يعالج systemic علي حسب الوزن وشكل الحاله اللي قدامه🐾

26/08/2023

كل الحب اللي ف الدنيا ليهم🫶♥