21/08/2026
ً 👇
سلام عليكم يا أعضاء الخير 💔
سامحوني بس أعتبروني هاخد #بريك (فترة طويلة شوية )
أنا معاكم من آخر 2018 بداية 2019 من صفحتي الأولى Cat's Planet لحد ما راحت وناس كتير أصرت نعمل صفحة تاني وعملت NANO_Planet # والدنيا مشيت زي ما كانت في التبني والاستشارات وإلخ , بس تحديثات إدارة الفيس كل شوية بيحصل حوار جديد لحد حوار ان الصفحة لأول مرة تاخد قيد وعدم توصية بعد ما زادت 4500 وبدأت تبقى على الطريق الصح بعد تعب , هو نصيب وأسباب بس مش ده السبب الرئيسي , غير تعب نانو فأنا بعالجها وكدة وشغلي وحاجات كتير في حياتي , أكيد القيد ده هيتفك في يوم محدش يزعل أكيد هنتقابل تاني حتى لو بصفحة جديدة بس محتاج أبعد شوية وأجدد طاقة وده مش هيجي إلا لما أبعد #وعد هنتقابل تاني وياريت محدش يسيب الصفحة على أمل الرجوع تاني أكيد , وطبعاً كنت عايز أحط حد في الصفحة وهما 2 فقط اللي كنت بثق وللأسف الاتنين مش هيقدروا يمسكوا عشان ظروف عائلية عندهم وعدم تفرغ فأنا قررت أسيبها مفتوحة عادي مجرد ً لحد ما ربنا يريد وأكيد هنتقابل تاني حتى لو في مكان جديد عادي ^^ , وبالنسبة للتبني هحاول أشوف الرسايل على قد ما أقدر قبل ما أعطل حسابي الشخصي لأني كنت بفتح عشان هحاول أخرجهم رسايل بدون ما أنشر أي بوستات تاني خلاص ده آخر بوست هينزل وبالنسبة للاستشاراااات الطوارئ فقط ممكن أساعد فيها في خلال أسبوعين بعد كدة مش هيبقى في رد للأسف على الرسايل نهائي لحين الرجوع تاني لو ربنا أراد ده , وحقيقي سعيد بمعرفتكم جميعاً لكل حد قديم وجديد في الصفحة وكل حد خد تبني أو ساعدته في استشارات أنا كنت مخلي الصفحة مكان برجع ليه من ضغوط كتير فأنا حقيقي هفتقدكم ومش بقول كدة عشان تقولولي أفضل وكدة للأسف الكلام ده نهائي خلاص لازم أخد #بريك فترة طويلة الله أعلم قد ايه بس #وعد هنتقابل تاني .
وأتمنى محدش يزعل مني نهائي أياً كان بينا ايه ودعواتكم ترجع كويسة عشان برضو واخده مجهود مني كبير جدًا هي وعيالها ده كله غير حياتي #الشخصية _ حاولوا تشوفوا بديل مؤقت لحد ما ربنا يريد ويبقى في رجوع تاني وأي حد محتاج يخرج قططه بنفسه يبعت هبعتله #الورق اللي بنخرج بيه القطط يعمله هو بنفسه والاستشارات حاولوا تشوفوا دكتور عنده ضمير وبيراعي ربنا مش مستغل لحالتك أنت وقطتك ولا جشع وتاجر لسه في خير أكيد هتلاقوا ده وزي ما الحياة كلها ليها نهاية أكيد كل شيء فيها ليه 💔💔 , زي ما كانت البداية في 2018 النهاية في 2026 بس برضو إن شاء الله هنتقابل تاني حتى زي ما قولت فوق ولو في لو حصل هقولكم أياً كان بعد 3 شهور ولا 6 ولا سنة ولا ولا ولا بس أكيد هيجي وقت وهنتقابل تاني امتى بقى ؟؟ الله أعلى وأعلم كله في علم الغيب والصفحة سايبه ذكريات حلوة كتيررررر وكل حاجة وكل المواضيع وكل شيء عندكم سواء في نانو بلانت أو كاتس بلانت تبعت في الاتنين جدًا وكل حاجة موجودة فقط اتعب ودور فيهم وهتلاقي كل حاجة أنا متكلم في كل شيء وكاتب كل شيء بمجهودي الشخصي سواء فيروسات أو فطر وأمراض جلدية أو تسمم أو عقم أو أو أو أو إلخ _______ فكل شيء عندكم أنا مش سايب شيء ناقص
وحقيقي هفتقدكم 💔 وبتمنى نلتقي تاني إن شاء الله أشوفكم على كل خير وياريت محدش يسيب الصفحة خلوها عندكم ً_ ولنا لقاء آخر إن شاء الله وسلامي لكل عضو قديم أنا مش ناسي أي أعضاء قديمة نهاااااائي بدون ذكر أسماء أحبكم في الله جميعاً القدام والجداد كمان ^^
خير الكلام ما قل ودل مش عايز أطول أكتر من كدة أكيد أنتم فاهمين مشاعري كويس ^^
استودعكم الله الذي لاتضيع ودائعه في أمان الله وحفظه
#وداعاً_يا_أعضاء_______________________الخير________ ^^
سلااام 👋👋💔
