29/08/2026
🦴 العضم مش مجرد «حتة صغيرة».. ممكن يكون خطر جدًا على قطتك! ⚠️
النهارده هنحكيلكم عن بيبو 🐱 اللي جه العيادة وصاحبته كانت ملاحظّة عليه: سيلان لعاب شديد + خمول + فقدان شهية.
وبالفحص، اكتشفنا للأسف إن فيه عظمة واقفة بالعرض في سقف الحلق 😔🦴
العظمة كانت مسببة إصابة في المكان، وعملت قرحة والتهاب شديد، وكمان كانت سبب في ارتفاع حرارة بيبو.
تم التعامل مع الحالة وإزالة العظمة، وبدأنا العلاج المناسب للالتهاب والقرحة…
والحمد لله ❤️ بيبو دلوقتي زي الفل ورجع يأكل وحالته اتحسنت جدًا 🥰🐾
⚠️ المهم هنا إننا ناخد بالنا من حاجة بسيطة جدًا: العضم ممكن يكون خطر على القطط والكلاب، حتى لو حجمه صغير.
ممكن العظمة:
• تتعلق في الفم أو الحلق.
• تسبب جروح وقرح والتهابات.
• تعمل اختناق أو صعوبة في البلع.
• أو تدخل في الجهاز الهضمي وتسبب مشاكل أخطر.
فـ بلاش ندي حيواناتنا العضم كنوع من التسالي أو بواقي الأكل، حتى لو متعودين عليه.
ولو لاحظت على حيوانك سيلان لعاب مفاجئ، رفض أكل، محاولة بلع متكررة، خمول أو ألم بعد أكل عضم، ما تستناش… لازم يتفحص عند دكتور بيطري. 🩺🐾
الحمد لله إن بيبو وصل لنا في الوقت المناسب 😻
وخلي بالكم… الحاجة اللي شكلها بسيطة، ممكن تعمل مشكلة كبيرة جدًا.
عيادة ستارفيت في خدمتكم دايما لرعاية كل أليف 🐾♥️
ـــــــــــــــــــــــــــــــــــــــــــــــ
📍العنوان
بني سويف الجديدة أمام مغسله شرم كلين و مطعم الدمشقي للمأكولات السورية
📞مكالمات و واتس
٠١٠٠٣٣٤٩٥٠٦
