نماء للمشروعات البيطرية

13/05/2019

السلام عليكم ورحمة الله وبركااااتة ..........................................
اوقات كتير المربي بيحس ان هو عامل اللي علية داخل المزرعة
من دواء مظبوط وعلف تمام وكتكوت بريمو
لكن للاسف فجأه بيلاقي حالات كششان
وتعب في العين
ويلاقي كمان التعب والكششان بدأ يبان في الفراخ الكبيرة ومبيبقاش عارف السبب
لانة لو شرح مش هيلاقي حاجة
وهيلاقي الاوضاع كلها طبيعية ..
وللاسف
السبب بيبقي في
رطوبة الفرشة العالية وبالتالي زيادة في رفع نسبة الامونيا
و دى بتبقي اول اسباب سقوط المناعة التنفسية
خليك دايما محافظ ع التهوية باسسها السليمة و
حافظ على رطوبة فرشتك لان ببساطة
الحاجتين دوول يعتبرو أ..ب..تسمين دواجن
ولو معرفتش تعملهم صح يبقي تقعد في بيتكم احسن تخرط ملوخية للمدام علي الاقل مش كل اخر دورة تخش عليها ولاوي بوزك وتقلها حضري شنطتي انا هتسجن خلاص بسبب الخساير اللي حضرتك بتخسرها ..

اما بقي لو حافظت ع فرشتك وتهويتك

هتنعم بتحويل جيد وجهاز مناعى يصد معاك
طيب انت
عارف الحتت المجلفة او الفرشة الرطبة اللى
حضرتك بتاهمل فيها انك تشيلها وتحط فرشة جديدة علشان حضرتك قاعد قدام مسلسلات رمضان زلزال وهوجان وسي رامز في الشلال
بتعمل معاك اية؟

دى يا سيدى بترفع الامونيا فى العنبر الى 3 اضعاف
وكماان بتبقي مصدر لاى مرض ميكروبى او فطرى او فيروسى فى الفرشة علشان يدارى فيها
دى يا سيدى حبيبة وماوى حشرات الفرشة سواء الخنافس او حشرات اخرى وهى حاملة لامراض الدنيا وناقلة لامراض الدورة السابقة الى الدورة الحالية
تخلص منها لانها فعلا ممكن تبقي دماار الدورة

فرشتك وتهويتك عوامل اساسية فى نجاج الدورة اعمل اللي عليك علشان ربنا يكرمك ......
دمتم وداام مثواااكم وجعلكم الله موفقين
مع تحيات نماء للمشروعات البيطرية
01010477211

04/05/2019

ده فيديو بيوضح طريقة التربية فى بطاريات ....ان شاء الله فى بوست تانى هانزل المساحات المختلفة وطريقة التعليف

تجربة عملية من داخل المنازل ٠١٠١٢١٤٥٢٩٧

25/04/2019

https://veterinarian-1181.business.site
wep site

Veterinarian

25/04/2019

زى ما وعدناكم اننا هانعمل بوست عن الارضيات البلاستيكية بالتفصيل ادينا وفينا😀 طيب نقول بقا:
اول حاجة الارضيات البلاستيكية دى ارضية بيقف عليها الكتاكيت ببساطة اهو....بس كدة!!!!
اه بس كدة طيب ايه الفرق بينها وبين النشاره و اى فرشه تانيه؟؟؟🧐 اقولك يا سيدى الغرض ان الفرخ يقف معزول عن الزرق بتاعه (الاخراج) لان كلنا عارفين المشاكل اللى بتعملها الفرشه بداية من الامونيا ومرورا بالكوكسيديا وغيرها وعشان الامراض دى بتسبب وفيات وطبعا تاخر فى الوزن ...الارضيات البلاستيك والبطاريات حلت المشكلة
طيب بتتحط ازاى ؟؟؟؟
اقولك بتتفرش ع الارض عادى جدا لانها بتتقاس بالمتر وبيتحط عليها الفراخ مباشرة
طيب نيجى بقا للاهم هانشيل من تحتها الزرق ازاى ولا هانسيبه؟؟؟؟؟
بص ياسيدى الارضيات دى مرتفعة عن الارض من 5سم لحد ممكن 10 سم بص بقا.......يا اما بخرطوم مياه تضربه تحت الارضيات ف الزرق يطلع يا اما تشيل الفراخ م الاول عشان كده مهم جدا يكون فى مصدر تهوية او شفاط
طيب نيجى بقا للمهم
هى بتتنضف ازاى ؟؟؟؟
مافيش اسهل من كده بالمياه والصابون وبعدها اى مطهر
وطبعا ناهيك عن مشاكل الاحتباس الحرارى والموت المفاجىء نتيجة الحر عشان كده تعتبر موفرة كتبر واقتصادية ولما اتعمل دراسة ع الفراخ المتربية ع فرشة عادية وع ارضيات بلاستيك لاقوا ان المتربيين ع الارضيات وزنهم زاد بنسبه 15% عن الفراخ العادية
فى النهاية يارب نكون افادناكم وياريت المهتم يتابعنا بخصوص السعر والتوفير

17/04/2019

الصيف جه 🥵🥵 والحر اشتغل واغلب المربيين خايفين من التربية فى الصيف ومشاكلها عشان الاحتباس الحرارى والنافق نتيجه الحر😭😭 عشان كدة النهاردة هنتكلم عن حلول للمشاكل دى وان شاء الله الحلول دى تفيدكم
اولا الارضيات البلاستيكية :
ودى ارضيات بارتفاع معين عن الارض تخلي الفراخ بعيده عن الزرق بتاعها بالبلدى كده بيكفيك شر الكوكسيديا و الامونيا فى الفرشه وكل الامراض اللى بتحصل عن طريق الفرشه
ثانيا بطاريات التربية:
بالنسبه للنوع ده ف معظمنا عارفه وكانوا بيقولوا عليه قفاصه بس الجديد بقا انها اتطورت جدا وبقت بتاخد الكتكوت من عمر يوم لحد عمر البيع ؟؟؟؟ معقول ؟؟؟ اه معقول يعنى تدخل كتكوت ويطلع فرخه وبرضه نفس الفكره ان الفراخ ما بتتصلش مع الزرق بتاعها
فى الصور اللى تحت دى شكلل كل خاجه من البطاريات والارضيات وبعد كده تابعونا هانتكلم عن كل حاجه لوجدها
مع تحيات العياده البيطرية
المهتم بالاسعار يعلق ب تم وهانرد ع الخاص

25/03/2019

دى دفعة الكتاكيت البلدى المحضنة عمر ١٥ يوم فى العيادة فتحنا الحجز والبيع فى خلال أيام أن شاء الله

25/03/2019

الجدول ده عشان الناس اللى دائما بتسال الفراخ المفروض يكون وزنها كام

14/03/2019

خصائص السمان :

* السمان هي طيور صغيرة جدا في الحجم

* وزن السمان البالغ بين (150- 200) جرام، ووزن البيض حوالي من (7- 15) جراما

* تبدأ اناث السمان في وضع البيض عندما تصل الى (6- 7) أسابيع من العمر وتضع بيضة واحدة يوميا

* تضع انثى السمان حوالي 300 بيضة في السنة الأولى من حياتها، وبعد ذلك تنتج حوالي (15- 175) بيضة في السنة الثانية، وإنتاج البيض ينخفض تدريجيا بعد السنة الأولى

* بيض السمان هو مناسب جدا لصحة الإنسان، حيث أنه يحتوي على دهون أقل من الدهون الموجودة في بيض الدجاج بنسبة 2.47٪ ، وكثير من الناس يعتقدون أن بيض السمان يساعد على منع ضغط الدم، والسكري

* لحم السمان لذيذ جدا ومغذي، والدهون منخفضة جدا في اللحوم، ولذلك لحم السمان هو مناسب جدا لمرضى ضغط الدم

* السمان لا يحتضن بيضه، لذلك عليك أن تستخدم حاضنة أو الدجاج الحاضن لفقس بيضه

- فوائد تربية السمان :

السمان هي أصغر الطيور الداجنة في الحجم، وأنه من السهل جدا التعامل معه، وما يأتي هو اهم الفوائد الرئيسية لبدء تربية السمان :

* السمان أصغر الطيور حجما، لذلك يمكن أن يربى في مكان صغير

* تعتبر تكلفة تغذية السمان أقل نسبيا من الدجاج أو الطيور الداجنة الأخرى

* الأمراض أقل في السمان، وهو شديد القدرة على التحمل* ينمو السمان بسرعة كبيرة ويكتسب نضجا أسرع من أي الطيور أخرى من الدواجن

* اناث السمان تبدأ وضع البيض عندما تصل الى (6- 7) أسابيع من العمر

* يستغرق البيض حوالي (16- 18) يوما للفقس

* لحوم وبيض السمان لذيذ جدا ومغذي، لذلك هو مصدر كبير للغذاء والعناصر الغذائية

* تحتاج تربية السمان رأس مال صغير، وتكلفة العمالة منخفضة جدا

* السمان طيور قوية جدا، والأمراض أو غيرها من المشاكل الصحية أقل عن الطيور الداجنة الاخرى، ولذلك المخاطر أقل في هذا العمل

* يحتوي لحم السمان على دهون أقل، لذلك، فهو مناسب لمرضى ارتفاع ضغط الدم

* يمكن تربية (6- 7) من طيور السمان في نفس المكان المطلوب لدجاجة واحدة

* بيض السمان أصغر في الحجم، وبالتالي فإن السعر هو أيضا أقل من سعر بيض الطيور الأخرى

* يمكن بدأ العمل في تربية السمان مع القليل جدا من التكاليف

* يمكن تربية من (6- 8) من طيور السمان داخل مساحة حوالي واحد متر مربع

* بما أن مشروع تربية السمان مربح، فيمكن أن تكون هذه التجارة مصدرا كبيرا للدخل وتشغيل الأشخاص المتعلمين العاطلين عن العمل، وحتى، يمكنك البدء في تربية عدد قليل من السمان جنبا إلى جنب مع عملك الحالى
نماء للمشروعات البيطرية مستعدة تدعمك وتديك كافة المعلومات ودراسات الجدوى لاى مشروع :) وكمان نتابع معاك من اول المشروع لاخره
للاستفسار كلمونا ع 01010477211 او ع رسايل الصفحة