26/07/2025
ليه بنحط توم على الملوخية؟
كنت فاكر إن طشة الملوخية بس عشان الطعم والريحة اللي تجيبك من آخر الشارع ؟ .. لكن هل ده السبب الوحيد !
التوم بس عشان الطعم، ولا وراه حاجة ؟
الناس بتقول طعم، وريحة وأصل الطبخة..
بس العلم؟ بيقول حاجة أعظم من كده بكتيييير!
خليني أحكيلك..
ليه التوم والملوخية بيكملوا بعض 💕
✅ التوم فيه مادة اسمها Allicin
ودي بتظهر لما نفرمه أو نهرسه،
وهي المسؤولة عن ريحته النفاذة وفوايده العظيمة !
المادة دي قوية كمضاد بكتيري ومناعي،
وكمان بتنشط إنزيمات الهضم وبتقلل التهابات القولون!
✅ الملوخية من أغنى الورقيات بمادة اسمها Mucilage
ودي مادة لزجة بتحافظ على جدار المعدة وبتهدّي القولون،
وفيها مضادات أكسدة وفيتامينات زي A وK.
يعني التوم مع الملوخية؟
مش بس طعم جامد، ده كيميا متكاملة:
التوم ينشّط ويحارب
والملوخية تهدّي وتحمي
كأنهم فريق فيه دفاع وهجوم في نفس الطبق! 🫣
حتى الدراسات العلمية قالت إن الجمع بينهم بيحسّن امتصاص العناصر،
وبيقلل تأثير أي ميكروب محتمل ممكن يكون في الورقيات.
✅ فالطشة مش بس ريحة حلوة..
دي قنبلة مناعة وهدية لجهازك الهضمي 😂💚
كل لما تعمل ملوخية افتكر إنك بتعمل تفاعل كيميائي مش مجرد أكلة.
وبس
بالهنا والشفا..
متنساش بقى تعزمنا 🫣
#ملوخية #طشة #توم #أكل #طبخ #زرع #نباتات #خضار
