Aquarium Wonders

07/03/2026

دكان شيلد بقا معانا ❤️❤️
وكلام عن شوية مفاجآت جاية ❤️❤️

02/03/2026

تيست الأمونيا، أهم حاجة لحوض السمك
اهميته ايه واستخدامه ازاي

01/03/2026

ده كومنت انسان محترم علي أخر فيديو انا عملته 😃
مبدئيا انا مش منشئ محتوي...
انا باحث أكاديمي ... ومجرد هاوي بيستغل علمه في انه يعمل منتجات مهم مش متاحة للهواة في مصر
بعمل الشغل كله لوحدي بجانب شغلي وحياتي
بصور بمعدات مش مناسبة واحواض مش معمولة علشان تتصور اصلا... لكني بجربلكم عليها بس
فلو حد متضايق من ده وحابب فيديوهات وكونتينت حلو وكدا يقدر يشوف اي يوتيوبر او ناس محترمة زي مصطفى وزاهر مثلا
وشكرا

01/03/2026

تيست الامونيا
ازاي نستخدمه؟
وايه اهميته؟
التيست تقدرو تلاقوه عند:
- Mostafa Ammar
- الفاروق
-استاذ اسماعيل
الحاج نجيب
- استاذ جورج
- guppy in the tank
- مزرعة محمود ف*ج
- baby shark Baby shark aquarium

25/02/2026

😍😍red dragon angel fish أو التنين الأحمر بقا
حاجة تحفة يا رب تيجي هنا قريب
فين بتوع الرسايل يا جماعة 😅😅

25/02/2026

هل السماد الأرضي الي عملته يغني عن Active Soil؟ 🤔 تجربة حقيقية في حوض مزروع 🌿
في الفيديو ده بعمل تجربة تأسيس حوض مزروع باستخدام
🌱 سماد أرضي كبديل للـ Active Soil

🔬 السماد ده:

بيقلل pH لحد 6

بيقلل عسر المياه (Hardness)

مناسب جدًا لتربية الكريستال شريمب والكائنات الحساسة

بيساعد على نمو النباتات بسرعة

بيقوي نمو الجذور بشكل واضح

📌 التجربة مفيدة لأي حد:

عايز حوض مزروع بتكلفة أقل

مش لاقي Active Soil

مهتم بالأحواض الطبيعية و الـ ecosystem tanks

لو مهتم تشوف النتايج على المدى الطويل، تابع السلسلة 👀🌿 #

24/02/2026

سؤال لمحبين الجمبري 🤔
حد يعرف نوع البطل ده ايه ويعمل كام 👀

23/02/2026

19/02/2026

✨ استقرار الأحواض… معلومات عمرها ماتقالت قبل كدا
ناس كتير بتجيب الحوض، تحط المية والسمك في نفس اليوم… وبعد 48 ساعة:
المية اتعكرت، طبقة هلامية بيضا ظهرت، والسمك مات.
ليه؟
لأنك دخلت الحوض في حرب من غير ما “المنظومة المخفية” تبقى جاهزة!
تعال نفهم ببساطة 3 مراحل… ولو واحدة منهم وقعت، إيه اللي بيحصل:

1️⃣ المرحلة الأولى: جيش التنضيف السريع (Heterotrophic Bacteria) 🧹
دي أسرع بكتيريا في الحوض، بتتضاعف كل كام ساعة، وبتكسر أي فضلات أو بقايا أكل.
🧪 لو المرحلة دي مانجحتش:
المواد العضوية هتتحلل بشكل عشوائي

هتشوف “بايوفيلم” مخاط أبيض هلامي على الخشب والزرع

ريحة عفن

مية معكرة

البكتيريا دي بتحارب الفطريات والطحالب اللي بتحاول تحتل الحوض…
لكن لما تشتغل وتكسر المواد العضوية اللي فيها نيتروجين زي مثلا اي أكل فيه بروتين -> هتطلع أمونيا.
وده بداية الكارثة لو مفيش بكتيريا تانية تستقبلها. في المرحلة الجاية

2️⃣ المرحلة الثانية: البكتيريا النيتروجينية (Nitrifiers)… المنقذ البطييييء 🐢
هنا السر اللي محدّش بيقولّه:
البكتيريا العادية: ⏱ بتتضاعف في ساعات

البكتيريا النيتروجينية: ⏱ بتحتاج لحد 10 أيام عشان تتضاعف مرة واحدة! والمستعمرة منها تبقا مستعمرتين
يعني لو بادئ بواحدة بس هتبقا 2 بعد 10 ايام… 4 بعد 20 يوم … 8 بعد 30 يوم… 16 … 32 …64 بعد 60 يوم وكل 10 ايام تانية بعد اول شهرين الزايدة هتكون تأثيرها اوضح بقا علي الامونيا

يعني في أول شهر وجودها قليل جدًا… وفي الشهر التاني بس تبدأ تشد حيلها… والشهر التالت بقا لما يبقا تأثيرها قوي وواضح في استقرار الامونيا
🧪 طيب لو المرحلة دي فشلت:
الأمونيا هتعلى وتوصل لدرجة إنها:
تحرق خياشيم السمك

تضرب جهازه العصبي

تعمل موت جماعي فجأة

ودي أكتر مشكلة بتسبب وفاة الأسماك عند المبتدئين.

3️⃣ المرحلة الثالثة: استقرار النيتريت (اللمسة الأخيرة) 🏁
الأمونيا تتحول لـ نيتريت… والنيتريت برضه قاتل:
يمنع دم السمك يشيل أكسجين → كأن السمكة بتغرق وهي جوة المية.
🧪 لو المرحلة دي مانجحتش:
السمك يطلع ياخد نفس فوق

يفقد نشاطه

يموت ببطء

⚠️ ليه بنقول الحوض “لازم يدور” قبل ما تحط سمك؟
لأن ببساطة…
أنت مستني بكتيريا بتتضاعف كل 10 أيام!
وده وقت طويل جدًا مقارنة بالفضلات اللي بتطلع كل دقيقة من السمك.
لو استعجلت:
مش هيبقى فيه بكتيريا تكفي

الأمونيا هتعلى أسرع من قدرة الحوض

المنظومة هتنهار… والنتيجة موت متكرر للسمك

🧪💡 طيب تعمل إيه بقى لو مستعجل على السمك
الحل الذهبي: اختبار الأمونيا.
من غيره هتبقى ماشي أعمى داخل دورة كاملة من السموم.
✔ تيست الأمونيا بيقولّك:
إنت في أنهي مرحلة

هل في خطر؟

هل تضيف سمك ولا لأ

هل تعمل تغيير مية ولا تستنى

هل البكتيريا اشتغلت فعلًا ولا لأ
والأهم هو انه هيخليك تراقب الدنيا كويس قبل استقرار الحوض علشان تحافظ علي مستويات الامونيا قليلة بنفسك

وده حرفيًا أهم أداة عند أي مربي أسماك.

🛒 عايز تحافظ على سمكك وتمنع أي خسائر؟
✔ هات تيست الأمونيا دلوقتي وابدأ تتابع الحوض صح.
رسالة واحدة وهبعتلك أفضل الأنواع المتاحة دلوقتي.

#️⃣ لو في طبقة بيضا في حوضك أو المية معكرة… اكتبلي بقالك كام يوم مالي الحوض وهقولّك إنت في أنهي مرحلة! 👇
#أكواريوم

17/02/2026

رمضان كريم وكل عام وكل الهواة ومحبي اسماك الزينة بخير يا رب 🥳🥳🥳
تيست الامونيا متاح للطلب اونلاين دلوقتي وشحن لجميع المحافظات مع خصم 10% علي السعر
مع اعتذار لكل الي اتواصل وطلب مني قبل كدا ومعرفتش ابعتله
مشاكل الشحن اتحلت الحمد لله خلاص

11/02/2026

مساء النور....... لو حد حابب حاجة معينة من الحاجات دي يا ريت يقولي

محتاج رأيكم علشان بفكر اعمل سلسلة فيديوهات عن الآتي
- مشاكل الاحواض في تأسيسها (زي الامونيا او البايوفيلم الي ممكن يطلع علي كل حاجة)
- مشاكل الزرع (تقزم النباتات او انها بتدبل وتتحرق او الطحالب الي بتكبر عليها)
- مشاكل السمك وتفريخه

فلو حد عنده حاجة حابب اتكلم عليها يا ريت يقولي في الكومنتات

11/02/2026

لحظة سحرية مع أصغر سكان حوض السمك! 😍

تربية الجمبري ممتعة جداً بس محتاجة دقة في "باراميترز" المياه عشان يعيشوا بسلام ويتكاثروا.

لو عايز الجمبري عندك يكون في أحسن حالاته، دي أهم القياسات اللي لازم تحافظ عليها (بناءً على نوع الـ Neocaridina المشهور):
📊 معايير المياه المثالية (Water Parameters):

درجة الحرارة: بين 22 إلى 26 درجة مئوية.

الحموضة (pH): من 6.5 إلى 7.5 (يفضل التعادل).

عسر المياه (GH): من 6 إلى 8.

الكربونات (KH): من 2 إلى 5.

الأملاح المذابة (TDS): من 150 إلى 250 ppm.

نصيحة سريعة: الجمبري حساس جداً للتغيرات المفاجئة، دايمًا ثبت مواعيد تغيير المياه وخليك حذر مع النحاس (Copper) لأنه سام جداً ليهم!