10/08/2025
كيف الحال ♥️
طبعا زي ما متعودين اننا نتكلم في اي جديد في الامراض المشتركه حبينا ننوه عليكم الجديد في تطعيم السعار عشان لو حد اتعض او اتخربش ربنا يحفظكم جميعا يبقي عارف كل جديد
فى حاله عضه أو خربشه القطه او كلب بقى في بروتوكول جديد غير إلى كان بيتم
البروتوكول اللي كنا شغالين بيه كان خمس جرعات سواء حيوان بيت او ضال ( شارع)
لكن التعديل الجديد بيقول ان لو حيوان بيت هناخد ٣ جرعات ودول خلال ٧ ايام ونتابع الحيوان لو حصله حاجه هنروح نكمل الجرعه الرابعه
الحيوان تمام هنكتفي بالتلاته دول
اما بقي لو الحيوان ضال ( يعني شارع) حتي لو علي السلم ده اسمه ضال بناخد ٤ جرعات
في حاله ان حيوان بيت او ضال وعقر او خدش في الوش او الرقبه او مناطق حساسه او جروح عميقه او متهتكه المستشفى بتحولنا لاماكن فيها مصل
وخدوا بالكم ان دلوقتي التسجيل بيتم علي كمبيوتر بتاخدوا كود
معلش اللي بيسجل علي الكمبيوتر بيسالكم شويه اسئلة
لازم يملا كل البيانات ولازم قبل ماتتحول لمستشفيات المصل يكون معاك الكود ده
ولما بتروح المستشفي بيتعاد تقيمك محتاج مصل ولا لا
وديه حاجه تاني.. لان مش كل الحالات بتاخد مصل لكن حسب التقييم
بناخد اللقاح في حاله خربوش او عقر ( جرح) من اي حيوان ث*ي ( بيولد)
مركز الرعايه الطبيه البيطريه
موجوديين يوميا من ١٢ ظهرا ل ٥ مساءا
و من ٧ ل ١٠ مساءا
و يوم الجمعه للطوارئ فقط ♥️
01222324552
01000606526
035488809
العنوان :٥٦ شارع ١٨ داخل برج الفريد
العياده الدور الارضي شمال المدخل.
من العيسوي شارع رضا غريب امام كافتيريا السلاملك العياده علي الشمال بجوار سوبر ماركت الخليل داخل برج الفريد الدور الارضي.
من البحر بعد اشاره مسجد سيدي بشر اول شارع يمين علي قمته بنزينه التعاون من البحر وعصير السلطان من خالد ابن الوليد العياده علي اليمين بجوار دراي كلين مكه العياده داخل برج الفريد شمال المدخل الدور الارضي
اسم العياده مركز الرعايه الطبيه البيطريه
Animal Health Care Center
ليس لدينا اي فروع اخري
د.محمد ناجي
